| Skutki 3:16 |
| So dia zor gale llene kai tumen dikken ta pinllaren, si o pachape ando Jesus. Ta gua pachape ando Jesus cherda te sastol katar po nasualipe, gia sar dikken sa tumen. |
|
| Jan 2:11 |
| Gaia si e purvo drom kai o Jesus cherda iek bari ezgoda Devlikani ando foro kai ikkardola Kana katar e ppuv e Galileaki, ta golea sikada pi zor, a leke disipulura pachaie ande lete. |
|
| Lukaš 18:27 |
| O Jesus ppenda lenge: —So e manusa nasti ka cheren nikada o Del sai cherel le. |
|
| Marek 9:23 |
| O Jesus ppenda leke: —¿Soke ppene “te sai chere”? ¡Sa sai cherdol gole lleneke kai pachan! |
|
| Matuš 17:20 |
| O Jesus ppenda lenge: —Soke si tumen cherricha pachape. Chachimaia ppenau tumenge kai te avela tumaro pachape sargo iek simicha mostasaki ka ppenen gale burdoke: ‘Le tut kotar ta ttou tut pe aver rig’ ta gua burdo ka cherel le, ta tumen ka cheren suako ezgoda. |
|
| Matuš 19:26 |
| O Jesus dikkla pe lende ta ppenda lenge: —E manusa nasti cheren gava, a o Del sa sai cherel. |
|
| Matuš 21:21 |
| Ondaka o Jesus ppenda lenge: —Chachimaia ppenau tumenge kai te avela tumen pachape ta te na avela tumen o mislo kai nasti cherdol, ni ka cheren samo gava katar o kas simochinengo, soke ka ppenen gale burdoke: ‘Le tut ta chude tut ande mora’ ta gia ka avelpe. |
|
| Rimanenge 15:18-19 |
| [18] chachimaia ni ka dau ni iek orba te na avela katar so cherda o Kristo manchar te sai inllarel e llenen kai inai judiura te kanden e Devle. Ta cherdale me alavenchar, ta pala e ezgode kai cherdem,[19] pala e bari zor katar o Santo Duo cherdem e bare ezgode Devlikane. Ta gia inllardem ta ppendem e lachi viasta e Jesukristoki, pe suako rig katar o Jerusalem llik kai e ppuv katar o lliria. |
|
| Skutki 19:11-12 |
| [11] Ta o Del cherela e Pablo te cherel bare ezgode Devlikane,[12] pe gachin kai e dikkle o e patave kai dodisarde leki esnaga inllarena len kai e nasuale, ta sastona katar po nasualipe, ta e duura bilache likena lendar. |
|
| Efežanenge 3:20-21 |
| [20] Te avel blagosime o Del kai sai cherel ios mai but neko so amen manga o misli amen, fala leke soke leki zor radil ande amende.[21] Blagosime te avel o Del ande kkanlliri ta ando Jesukristo sa e bursenchar ta ostade. Gia te avelpe. |
|
| Skutki 4:29-31 |
| [29] Akana Gazda, dik sar daraven amen, ta cher che eslugen te ppenen chi orba bi darako.[30] Sikau chi zor ta sastar e nasualen ta cher bare ezgode Devlikane ando anau katar cho santo esluga, o Jesus.”[31] Kana molisaile, o ttan kote kai sea chidine dermosailo ta sa achile pperde katar o Santo Duo, ta ppenena e porouka e Devleki bi darako. |
|
| Marek 16:17-20 |
| [17] Ta gola llene kai ka pachan ka cheren bare ezgode ande mo anau, ka traden e llavolonen; ka den orba ande neve chibia;[18] ka istaren ande pe va e sapen; ta te piena vareso kai sai mundarel len, ni ka cherel lenge niso; ka ttoven pe va pe nasuale ta e nasuale ka saston.”[19] A kana o Gazda o Jesus dia lenchar orba, avilo vazdino ando miloso ta beslo pe rig e chachi e Devleki.[20] Von llele te ppenen e lachi viasta pe suako rig; ta o Gazda pomozila len e bare ezgodenchar Devlikane kai cherena. |
|
| Lukaš 9:13-17 |
| [13] O Jesus ppenda lenge: —Den len tumen te jan: Von ppende leke: —Samo panch marrne ta dui mache si amen, a te jan sa gala llene morabi te lla te china.[14] A kote sea preko panch milie murusa. A o Jesus ppenda pe disipulonenge: —Ttoven len te besen po pinda llene.[15] Von cherde so ppenda o Jesus, ta cherde te besen sa e llene.[16] Ta o Jesus lia ande pe va e panch marrne ta e dui mache, dikkla ando miloso, molisailo pe lende, ppagla len ta dia len kai pe disipulura te fulaven len maskar e llene.[17] Saurre jale ta chalile, ta chidie ande desudui kotariche e kotora kai achile. |
|
| Lukaš 8:43-48 |
| [43] Maskar e llene saia iek diskinia kai cherela desudui burs kai saia nasuali ta peravela rat, ta sa pe love diaialen ande doktoria, ta ni iek katar gola doktoria nasti sastarda la.[44] Gaia diskinia avili pase pala o Jesus ta dodisarda leko gertachi, ta isto kote o rat achilo.[45] Ondaka o Jesus puchla: —¿Ko dodisarda man? Ta sar niko ni ppenela kai dodisarda le, o Pedro ppenda: —Kovachi, e llene chichiden tut ta espiden tut katar suako rig.[46] A o Jesus pale ppenda: —Vareko dodisarda man, soke achardem kai likista mandar zor.[47] Kana e diskinia dikkla kai nasti gurudola, izdrala ta lleli te del changa kai e Jesuseke porrne. Ta ppenda leke angla sa e llene soke dodisarda le, ta sar sastili isto kote.[48] O Jesus ppenda lake: —Chorrie, pala cho pachape sastilan. Llatar esmiro. |
|
| Jan 4:46-54 |
| [46] O Jesus avilo pale ando foro kai ikkardol Kana, kote kai cherdaia o pai mol. Ta saia kote iek sudo baro e charoko kai leko chaurro saia nasualo ando foro kai ikkardol Kafarnaum.[47] Kana o sudo asunda kai o Jesus aviloia katar e Judea ande Galilea, avilo lete, ta molilape leke te llal te sastarel leke chaurre, soke saia po meripe.[48] O Jesus ppenda leke: —Tumen ni pachaiena te na dikklena e bare ezgode Devlikane.[49] A o sudo ppenda leke: —Lla, soke mo chaurro ka merel.[50] Ondaka o Jesus ppenda: —Irisao chere soke cho chaurro zivil. A vou pachaia ando alau kai ppendaia leke o Jesus, ta llelotar.[51] Ta kana avilo kai po cher, leke esluge avile lete ta ppende leke: —¡Cho chaurro zivil![52] Vou puchla len kana ttodaia te sastol leko chaurro, ta ppende leke: —Arachi ande iek e lliveseko liape letar e muka.[53] Ondaka o gua lleno acharda kai saia kana o Jesus ppendaia leke: “Cho chaurro zivil”; a vou ta sa leko porodo pachaie ando Jesus.[54] Gaia sai e duito bari ezgoda Devlikani kai cherdaia o Jesus kana avilo pale katar e Judea ande Galilea. |
|
| Romani Bible 2007 |
| Nuevo Testamento en Romané © Sociedad Bíblica Chilena, 2007 |