A A A A A

God: [Come As You Are]


Matuš 11:27-30
[27] “Mo Dad dia mande sa e ezgode. Niko ni pinllarel e Chave, samo o Dad, ta niko ni pinllarel e Dade samo o Chavo ta o Chavo sikavel le kake vou mangela.[28] Aven mande sa gola kai sen radime ta kai inllaren pparipe, ta me ka cherau te lelpe tumendar o chiñipe.[29] Kanden mo zakono ta sikon mandar kai ni istardivau ta mo lio si kovlo ta manchar ka lelpe tumendar o chiñipe.[30] Soke mo zakono sai inllardol ta inai pparo.”

Jan 6:63-65
[63] O duo si kai del o zivoto; o mas ni blazil nisoke. E alava kai me ppendem si duo ta i zivoto.[64] A nesave tumendar ni pachan. Soke o Jesus llanela mai anglal ko sea gola kai ni pachana, ta ko saia leko dusmano.[65] Ta i ppenda: —Goleke ppendem tumenge kai niko nasti avel mande te na mukela le mo Dad.

Matuš 11:28
Aven mande sa gola kai sen radime ta kai inllaren pparipe, ta me ka cherau te lelpe tumendar o chiñipe.

Matuš 15:7-9
[7] Manusa kojamne sen, sukar dia orba o porauko Isaias kana ppenda tumendar gia:[8] ‘Gava foro del man liubao pe alavenchar, a lengo lio si dur mandar.[9] Samo gia den man liubao, soke so tumen sikaven si zakonura manusenge.’

Marek 10:13-16
[13] Ondaka ande kai o Jesus nesave minonen te ttovel pe va pe lengo soro ta te blagosil len; a e disipulura die pe llene kai anena e minonen.[14] Kana o Jesus dikkla so cherena, jolailo ta ppenda lenge: —Muken e minonen te aven mande, ta na achaven len, soke e charoina e Devleki si golengi kai si sargo minone.[15] Chachimaia ppenau tumenge, kai kogo ni lel e charoina e Devleki sargo iek minono, ni ka del andre.[16] Ta lia e mimonen ande pe va ta ttoda upral pe lende pe va ta blagosisarda len.

Jakob 4:6-8
[6] A amen volil ios mai but, goleke ando Pisipe ppenel: “E Devleke inai drago e llene kai falinpe, ta del po volipe e llenen kai si proste”[7] Goleke tumen morabi te kanden e Devle. Ta o llavolo ka nasel tumendar.[8] Aven pasa o Del, ta vou ka avel pasa tumende. ¡Jalaven tumare va, tumen kai sen duie misloke! ¡Chiston tumaro lio, tumen kai mangen te volin e Devle ta i e sueto!

2 Korinťanenge 5:17
Goleke, o lleno kai si e Kristoia si iek manus nevo. E ezgode purane nakkle, ta sa cherdon neve.

Jan 5:24
“Chachimaia ppenau tumenge kai kogo asunel mo alau ta pachala ande gua kai bichalda man, si le zivoto ostade; ta ni ka avel proketo soke katar o meripe nakklo kai o zivoto.

Rimanenge 12:1-2
[1] Goleke pplalalen, pala o volipe kai si e Devle pala tumende, mangau tumendar te ttoven tumen te radin leke sa tumare zivotoia ta te cheren so si leke drago. Gia si sar morabi te blagosi le.[2] Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

Židenge 12:1
Goleke amen sar si truial amendar pe gachin llene kai sikade po pachape, muka pe iek rig sa so achavel amen ta o bilachipe kai ppariavel amen, ta prasta zoriaia po drom kai si amen angle.

Jan 5:40
ta ni kamen te aven mande te avel tumen o zivoto.

Jan 6:44-45
[44] Niko nasti avel mande, te na anela le mo Dad kai bichalda man; ta me ka cherau te ustel katar o meripe kana ka avel o son e suetoko.[45] Ande lila kai e poraukura pisisarde ppenel: ‘O Del ka sikavel saurren’ Goleke suako lleno kai asunda e Dade, ta sikilo letar ka avel mande.

Jan 7:37-39
[37] Ando mai baro llive e eslavako, o Jesus ustilo ta ando baro avazi ppenda: Kogo si trusalo te avel mande.[38] Kogo pachal ande mande, sar ppenel o Pisipe, letar ka ezvoril o pai o llundo.[39] Gava ppenda katar o Duo kai ka len gola kai ka pachan ande lete; soke ni ios ni diaia o Duo, ta ni ios o Jesus ni saia blagosime.

Židenge 4:14-16
[14] O Jesus, o Chavo e Devleko, si amaro mai Baro Popo kai dia ando miloso. Goleke, morabi te ava zurale ando pachape kai liam.[15] Soke amaro mai Baro Popo si leke zao katar amaro kovlipe, soke isto vou saia zumado sargo amen; samo kai vou nikada ni cherda o bilachipe.[16] Goleke, kana ka trubul amen vareso, morabi te ava bi darako kai o Del, soke vou ka pomozil amen soke si lacho ta volil amen.

Zjaveňie 22:16-17
[16] “Me o Jesus, bichaldem me suecho te ppenel gala ezgode e kkanllirenge. Me sem katar e vicha e Davideki, e patrin kai likisti katar o kas chindo. Me sem e cherain kai klichil ttiarinako.”[17] O Santo Duo ta e romi e Bakreki, ppenen: “¡Aide!” ta gua kai asunel, i vou te ppenel: “¡Aide!” a gua kai si trusalo, te avel te piel llabe katar o pai o llundo.

Jan 6:37
Sogo del man o Dad, ka avel mande; ta kogo avel mande ni ka tradau le avri.

Zjaveňie 22:17
O Santo Duo ta e romi e Bakreki, ppenen: “¡Aide!” ta gua kai asunel, i vou te ppenel: “¡Aide!” a gua kai si trusalo, te avel te piel llabe katar o pai o llundo.

Zjaveňie 12:9
Ta avilo tradino avri o baro dragon, o sap o purano kai ikkardol llavolo ta Satanas, kai kojavel sa e sueto; avilo tradino pe ppuv ta leke suechura avile tradine lea.

Filipanenge 1:6
Me llanau kai o Del cherda iek rado but lacho tumenchar ta ka lacharel le ios lligo ni ka irilpe o Jesukristo.

Zjaveňie 21:4
Ta o Del ka kosel sa lenge ausa, ta ni ka avel ios o meripe, ni o roipe, ni o kukipe, ni e duk, soke e purve ezgode nakkle.”

Židenge 10:19-22
[19] Ppalalen, goleke akana pala o rat e Kristoko sai da bi darako ando Ttan Santo.[20] Soke kana o Jesus mulo putarda amenge o chiti ta sikada amenge o drom e zivotoko, a gua chiti si leki esnaga.[21] Si amen iek Baro Popo ttodo po cher e Devleko.[22] Goleke morabi te aven pasa o Del iekke chache liea ta iekke bare pachamaia, ta te aven jalade amare lie katar e mislura bilache ta te aven jalade i amare esnage iekke paiea kai si bristo.

Romani Bible 2007
Nuevo Testamento en Romané © Sociedad Bíblica Chilena, 2007