A A A A A

Church: [Going To Heaven]


Jan 14:2-3
[2] Ande me Dadeko cher si but ttana; te na avilaia gia, ppendemale tumenge, ka llau te lacharau ttan tumenge.[3] A te llelemtar ta te lachardem ttan tumenge, pale ka avau te inllarau tumen manchar, te aven kote kai ka me ka avau.

Filipanenge 3:20-21
[20] A amen sam katar o miloso ta adurichara te avel katar o miloso o Braduimari, o Gazda Jesukristo,[21] kai ka pparruvel amari esnaga lallaimaki te avel blagosime sargo leki esnaga. Ta ka cherel le e zoriaia kai si le pe sa e ezgode.

Skutki 1:11
ta ppende lenge: —Galileura, ¿soke dikken upre? Isto gava Jesus kai saia maskar tumende ta inllardilo ando miloso, ka avel pale isto gia sar dikklen le kai llaltar.

Židenge 11:16
A von rodena iek ppuv mai lachi, kai si ando miloso. Goleke o Del ni lallal te avel lengo Del, soke vou lacharda lenge iek foro.

Jan 14:1-3
[1] “Te na tristolpe tumaro lio. Pachan ando Del, pachan i ande mande.[2] Ande me Dadeko cher si but ttana; te na avilaia gia, ppendemale tumenge, ka llau te lacharau ttan tumenge.[3] A te llelemtar ta te lachardem ttan tumenge, pale ka avau te inllarau tumen manchar, te aven kote kai ka me ka avau.

Matuš 18:15-18
[15] “Goleke, cho pplal te cherela chuke varesavo bilachipe, lla tu lete ta cher le te llanel kai cherda o bilachipe; a te asunda tut, dobisardan che pplale.[16] A te na asunda tut, le tuia iekke o duie llenen te asunen e orba.[17] A te na asunela gale llenen, ppen le e kkanllirake; a te na asunela e kkanllira, dikkle sargo iek lleno kai ni pachal ando Del o sargo iek publikano.[18] “Chachimaia ppenau tumenge kai sa so ppandena pe ppuv ka avel ppanglo ando miloso; ta sa so putarena pe ppuv ka avel putardo ando miloso.

Jan 14:28
Asunden kai me ppendem tumenge kai ka llautar ta kai ka avau tumende. Te volisardena man veselisailena te llanen kai llautar kai o Dad, soke o Dad si mai baro mandar.

Skutki 4:12
Ande nisavo aver inai braduipe, soke ande sa o sueto o Del dia amen samo iekke llene kai pala le sai ava braduime.

Jan 3:13
“Niko ni avilo katar o miloso, samo gua kai fulisto katar o miloso; e Manuseko chavo.

Zjaveňie 21:1-4
[1] Ondaka dikklem iek miloso nevo ta iek ppuv nevi, soke o purvo miloso ta e purvi ppuv nakkle ta e mora ni saia ios.[2] Ta dikklem o santo foro, e nevi Jerusalem kai fuliela katar o miloso e Devleko, lachardi sargo iek chei te zinilpe e chavea.[3] Ta asundem iek baro avazi kai avela katar o trono kai ppenela: “Kate si kai o Del zivil pe foroia. Ta o Del ka zivil lenchar, ta von ka aven leko foro, ta isto vou ka avel lengo edino Del.[4] Ta o Del ka kosel sa lenge ausa, ta ni ka avel ios o meripe, ni o roipe, ni o kukipe, ni e duk, soke e purve ezgode nakkle.”

1 Timoteoske 3:15
te na avilem oma, gia ka llane sar morabi te zivil o manus ande Devleki familia, kai si e kkanlliri katar o Del o llundo, e kkanlliri kai istarel ta arakkel o chachipe.

Jan 14:6
O Jesus ppenda leke: —Me sem o drom, o chachipe ta o zivoto; niko ni llal kai o Dad bi murno.

Marek 6:3
¿Inai gava o lleno kai cherel ezgode kastune, ta si chavo e Mariako ta pplal e Santiagoko, e Joseeko, e Judaeko ta e Simonoko? ¿Ta ni zivin kate maskar amende i leke pplal? Ta ni pachana ande lete.

Filipanenge 3:21
kai ka pparruvel amari esnaga lallaimaki te avel blagosime sargo leki esnaga. Ta ka cherel le e zoriaia kai si le pe sa e ezgode.

Jan 1:12
A sa golen kai lie le, golen kai pachan ande leko anau dia len e dragostia te sai cherdon chave e Devleke.

1 Korinťanenge 13:12
Akana dikka katar e geldala ando truñariko; a iek llive ka dikka e Gazda angla amende. So pinllarau akana inai orta, a iek llive ka pinllarau e Devle gia sar vou pinllarel man.

Jan 3:3-5
[3] O Jesus ppenda leke: —Chachimaia ppenau chuke kai kogo ni biandola pale, nasti ka dikkel e charoina e Devleki.[4] O Nikodemo puchla le: —¿Sar iek lleno ande po ppuripe sai biandol pale? ¿sai del o duito drom ande pe dako lli?[5] O Jesus ppenda leke: —Chachimaia ppenau chuke kai kogo ni biandola e paietar ta i e Duotar, nasti ka del ande charoina e Devleki.

Židenge 12:14
Roden e pas saurrenchar ta e santidad, soke bi golea niko ni ka dikkel e Gazda.

Zjaveňie 21:1-2
[1] Ondaka dikklem iek miloso nevo ta iek ppuv nevi, soke o purvo miloso ta e purvi ppuv nakkle ta e mora ni saia ios.[2] Ta dikklem o santo foro, e nevi Jerusalem kai fuliela katar o miloso e Devleko, lachardi sargo iek chei te zinilpe e chavea.

1 Korinťanenge 15:40-49
[40] Ta isto gia si e esnage kai si ando miloso, ta esnage kai si pe ppuv, ta suako iek si la lako sukaripe.[41] Sar klichil o kkam inai isto gia sar klichil o chon o e cheraia; ta i maskar e cheraia ni klichin sa sargo iek.[42] Isto gia si kana ka usten e mule katar o meripe. So prajolpe ande ppuv si so murilpe; a so ka ustel katar o meripe ni ka murilpe nikada.[43] So prajolpe si iek esnaga muli; a so ka ustel katar o meripe si iek esnaga blagosime.[44] So prajolpe si iek esnaga e ppuviaki; a so ka ustel katar o meripe si iek esnaga duoki. Te si iek esnaga ppuviaki, si i iek esnaga duoki.[45] Gia ppenel o Pisipe: “O Del cherda e muruse, o Adan, ta vou saia o purvo manus kai saia le zivoto;” a o Kristo, kai si o nevo Adan, cherdilo duo kai del zivoto.[46] Goleke, mai anglal saia e esnaga ta mapalal o duo.[47] O purvo manus, saia cherdo katar e ppuv ta saia e ppuviako; a o duito manus si e milosoko.[48] Sa e manusa kai zivin pe ppuv si len iek esnaga sargo e Adaneki, kai saia cherdo e ppuviatar. A sa gola kai zivin ando miloso si len iek esnaga sargo e Kristoki.[49] Goleke, gia sar dikkiva sargo o manus kai saia cherdo e ppuviatar, isto gia ka dikkiva sargo gua kai avilo katar o miloso.

Lukaš 24:39
dikken pe me va ta pe me porrne. Isto me sem. Dodisaren man ta dikken: iek duo inai le mas ni kokala, sa tumen dikken kai si man.

Židenge 9:27
Isto gia sar sa e manusa morabi te meren iek drom ta mapalal ka avel e kris,

Filipanenge 1:21-23
[21] Soke o Kristo si mo zivoto, a te merau, mange si chari.[22] A te ziviva ande gaia esnaga ta te cherava but lachipe ni llanau so ka esviriu.[23] Ni llanau savi katar e dui ezgode ka cherau: volisardema te merau ta te avau e Kristoia, ta gua avela mange drago mai but;

Efežanenge 1:22-23
[22] Ttoda sa e ezgode telal tala e porrne e Kristoke ta ttoda le te avel o soro e kkanllirako.[23] Soke e kkanlliri si e esnaga e Kristoki, ta letar lel sa so trubul la, soke o Kristo si kai pperel la katar sa so trubul la, ta e kkanlliri achel pperdi.

1 Korinťanenge 1:10
Pplalorralen, ando anau amare Gazdako o Jesukristo, moliuman tumenge te aven ande iek mislo ta te na avel chingar maskar tumende. Zivin ando volipe, ta te avel tumen iek mislo ta iek lio.

Jan 8:12
O Jesus pale dia orba e llenenge, ta ppenda lenge: —Me sem o villelo e suetoko; ko pachal ande ma, ni ka llal ando truñariko ta ka avel le o villelo e zivotoko.

1 Peter 3:15
den liubao e Kristo sargo Gazda ande tumaro lio. Ta suako llive te aven lacharde te sikaven e llenenge kai puchen tumen ande so pachan tumen,

Lukaš 5:10
Ta daraile i o Santiago ta o Juan, chave e Zebedeoke, kai radina zanio e Simonoia. A o Jesus ppenda e Simonoke: —Na dara; katar angle ka ikane manusen.

Jakob 5:16
Goleke ppenen iek avereke tumaro bilachipe, ta molintumen iek pala aver te aven saste. Kana molilpe e Devleke iek lleno lacho, leko molipe sai cherel but.

2 Timoteoske 2:2
So asundan kai me ppendem angla but llene, ppenle i tu e llenenge kai uzdi tut ande lende kai ka llanen te sikavenle averenge.

Zjaveňie 12:1
Dikkili ando miloso iek bari ezgoda, iek diskinia furiadi e kkametar ta telal katar lake porrne saia o chon ta upral katar lako soro saia iek korona desuduie cheraiengi.

Jan 6:51
Me sem o marrno llundo kai fulisto katar o miloso; kogo jala katar gava marrno ka zivil ostade. A o marrno kai me ka dau si mo mas, kai me ka dau pala o zivoto e suetoke.”

2 Korinťanenge 5:8
goleke si amen pachape, ta amenge avela mai sukar te muka gaia esnaga ta te llatar te zivi e Gazdaia.

Lukaš 10:16
“Gua kai asunel tumen, asunel man; ta gua kai ni kamel tumen, ni kamel man; ta ko ni kamel man, ni kamel gole kai bichalda man.”

Jan 16:13
Kana ka avel o Duo e chachimako, vou ka inllarel tumen kai sa o chachipe; soke ni ka del orba vou petar, A ka ppenel so ka asunel, te llanen e ezgode kai si te aven.

1 Jan 4:6
A amen sam e Devleke; gua kai pinllarel e Devleko ni asunel amen; goleke cheres gala ezgode amen sai pinllara ko si le o Duo chachuno o ko sile o Duo kojamno.

Jan 21:15-19
[15] Kana jale o Jesus puchla e Simono Pedro: —Simon chavo e Jonaseko, ¿tu voli man mai but neko von? O Pedro ppenda leke: —Ea Gazda, tu llane kai me voliu tut. O Jesus ppenda leke. —Arak me bakren.[16] Pale puchla le e duito droma: —Simon chavo e Jonaseko, ¿tu voli man? O Pedro ppenda leke. —Ea Gazda, tu llane kai voliu tut. O Jesus ppenda leke: —Arak me bakren.[17] E trito drom pale puchla le: —Simon chavo e Jonaseko, ¿tu voli man? O Pedro tristosailo soke puchla le trin droma dal volisarel le ta ppenda leke: —Gazda, tu llane sa; tu llane kai voliu tut. O Jesus ppenda leke: —Arak me bakren.[18] Chachimaia ppenau chuke kana sana mai terno ttovea pe tute che patave ta llaia kai mangea; A kana ka ave ppuro, ka inzare che va ta aver ka ttovel pe tute che patave ta ka inllarel tut kote kai tu ni kame.[19] Gua ppendale te sai llanel sar saia te merel o Pedro ta sar saia te blagosil e Devle. Mapalal ppenda leke: —¡Aide pala mande!

Matuš 6:14
“Goleke, te prostina o bilachipe kai cheren tumenge e manusa, tumaro Dad kai si ando miloso ka prostil i tumaro bilachipe;

Matuš 24:37-41
[37] “Gia sar saia ande llivesa e Noeeke, isto gia si te avelpe kana ka irilpe o Chavo e manuseko.[38] Ande gua vreme mai anglal te perel o baro bursin, ta llik kai o llive kana o Noe dia ande bari llimia, o sueto jala ta piela ta zininape.[39] Ta o llive kana von ni mislinape, avilo o baro bursin ta inllarda peke saurren. Isto gia ka avel pe kana ka avel o Chavo e manuseko.[40] Ande gua vreme dui llene kai ka aven ande umalia: iek ka avel inllardo a o gua ka avel muklo.[41] Katar dui diskinie ka moren e simiche, iek ka avel inllardi a o goia ka avel mukli.

1 Timoteoske 2:4
soke vou mangel sa e manusa te braduinpe ta te pinllaren o chachipe.

1 Tesaloničanenge 4:17
mapalal gola kai ka acha llunde ka ava inllarde lenchar ande oblakura, ta ka maladiva e Gazdaia ando miloso; ta gia ka ava lea ostade.

1 Jan 5:13
Me pisiu tumenge kai pachan ande Devleko Chavo te llanen kai si tumen o zivoto ostade.

Rimanenge 8:28
Llana kai o Del lacharel sa e ezgode po lachipe golenge kai volin le, golenge kai vou ikkarda gia sar vou mangla.

Jan 5:24
“Chachimaia ppenau tumenge kai kogo asunel mo alau ta pachala ande gua kai bichalda man, si le zivoto ostade; ta ni ka avel proketo soke katar o meripe nakklo kai o zivoto.

1 Korinťanenge 10:13
Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

Matuš 25:46
Gala ka llan kai e duk ostade, a e chache ka llan kai o zivoto ostade.”

Lukaš 23:43
O Jesus ppenda leke: —Chachimaia ppenau chuke kai allive ka ave manchar ando paraiso.

Romani Bible 2007
Nuevo Testamento en Romané © Sociedad Bíblica Chilena, 2007