| 1 Timoteoske 3:1-13 |
| [1] Gaia ezgoda si but chachi. Vareko te mangela te avel le iek rado te gazdaril ande kkanlliri, iek lacho rado mangel.[2] Goleke, o lleno kai si le gava rado morabi te avel iek lleno kai niko nasti dosarel le katar nisavi ezgoda bilachi. Morabi te avel le samo iek romi, te cherel e ezgode chachimaia, bizaimaia ta te avel le liubao; morabi te avel pachivalo e llenenchar kai aven te racharen lete; morabi te llanel te sikavel;[3] morabi te na avel matarno, ni te avel leke drago te marelpe; morabi te avel posteno, te na avel silno ta leki briga te na avel samo e love.[4] Morabi te llanel te gazdaril ande po cher ta te sikavel pe chaurren te kanden ta te avel len liubao;[5] soke o lleno kai ni llanel te gazdaril ande po cher ¿Sar ka arakkel e Devleki kkanlliri?[6] Goleke, o lleno kai gazdaril ande kkanlliri nasti avel iek lleno nevo ando pachape, soke sai pperdol baripe ta sai perel isto ande dos kai pelotar o llavolo.[7] Ta morabi te den le liubao i maskar e llene kai ni pachan, te na perel ando lallao ta te na kojavel le o llavolo.[8] Ta isto gia e diakonura morabi te aven chache, te cheren so ppenen kana den po alau, te na aven matarne te na aven zelne pe love kai lenpe bilachimaia.[9] Morabi te na muken o chachipe kai si sikado amenge ande lachi viasta ta te mislin chistomaia.[10] Mai anglal morabi te nakkel o vreme te dikka sar radin ta mapalal te na avile dosale katar niso, ondaka sai ka aven diakonura.[11] Ta i e diskinie morabi te avel len liubao, te na inllaren e bune, te aven traze ta te aven chache pe suako ezgoda.[12] O diakono morabi te avel le samo iek romi, ta te llanel te gazdaril pe chaurren ta ande po cher.[13] Soke e diakonura kai ka cheren po rado sukar, but lachi orba ka den lengi ta ka zivin esmiro, soke pachaie ando Kristo Jesus. |
|
| Filipanenge 1:1 |
| Me o Pablo ta o Timoteo, esluge katar o Kristo Jesus, sa e llenenge kai si ando foro o Filipos ta kai pachan ando Jesus ta gazdarin ande kkanlliri ta gola kai pomozin len: |
|
| Skutki 6:1-7 |
| [1] Ande gua vreme, sar e llene kai pachana ando Jesus cherdona mai but, e llene kai dena orba griego jolaile e llenenchar kai dena orba arameo, soke gola kai dena orba griego ppenena kai e llene kai pomozina suako llive bristenape katar lenge diskinie ppivle.[2] E desudui apostolura chidie sa e llenen kai pachan ta ppende lenge: —Inai sukar amen te muka e orba e Devleki ta te ttova amen te fulava so si te pomozilpe maskar e llene.[3] Goleke, ppalalen, roden maskar tumende efta llenen te avel tumen vera ande lende, te aven bizai ta pperde katar o Santo Duo te da len gaia buchi.[4] A amen ka moli amen ta ka inllara e orba e Devleki.[5] Ta sa e llenenge avila drago gaia orba, ta esvirisarde e Estebane, iek lleno pperdo pachape ta Santo Duo, ta esvirisarde sove llenen ios; gala si lenge anava: o Felipe, o Prokoro, o Nikanor, o Timon, o Parmenas ta o Nikolas katar e Antiokia kai omanglal cherdiloa judio.[6] Mapalal inllarde len kote kai sea e apostolura, ta e apostolura molisaile ta ttode pe va pe lende.[7] E orba e Devleki sa mai bariola, ta sa mai but llene sea ando Jerusalem kai pachana. Ta i but popura judiura pachaie ando Jesus. |
|
| Rimanenge 16:1 |
| Si man but ezgode lache te ppenau katar amari ppei e Febe. Voi radil but ande kkanlliri katar e Senkreas. |
|
| Titoske 1:7 |
| Soke gua kai inllarel angle e kkanlliri leko rado si ande Devleke ezgode, ta goleke leko zivoto morabi te na avel dosardo nikatar, morabi te na istardon ta te na joliaol; te na aven matarne, ta te na marenpe, ta te na lel chari pe bilache ezgode. |
|
| Skutki 6:3 |
| Goleke, ppalalen, roden maskar tumende efta llenen te avel tumen vera ande lende, te aven bizai ta pperde katar o Santo Duo te da len gaia buchi. |
|
| Jan 8:32 |
| ka pinllaren o chachipe, ta o chachipe ka braduil tumen. |
|
| Efežanenge 4:11 |
| Ta isto vou si kai dia nesave llenen te aven apostolura, averen te aven poraukura, averen te ppenen e lachi viasta, ta averen te aven chobanura, averen te aven gola kai sikaven. |
|
| Skutki 20:28 |
| Goleke ttoven sama ta arakken sa e llenen katar e kkanlliri, kote kai o Santo Duo ttoda tumen chobanura te arakken e kkanlliri e Devleki, kai vou chinda pe ratea. |
|
| Jan 6:54 |
| Ta kogo jal mo mas ta piel mo rat, si le zivoto ostade; ta me ka cherau le te ustel katar o meripe kana ka avel o son e suetoko. |
|
| Marek 6:3 |
| ¿Inai gava o lleno kai cherel ezgode kastune, ta si chavo e Mariako ta pplal e Santiagoko, e Joseeko, e Judaeko ta e Simonoko? ¿Ta ni zivin kate maskar amende i leke pplal? Ta ni pachana ande lete. |
|
| 1 Korinťanenge 12:28 |
| O Del mukla ande kkanlliri ando purvo ttan te aven e apostolura; a po duito ttan e poraukura; a po trito ttan e kovacha; ta ma palal averen kai cheren bare ezgode Devlikane, ta llene kai sastaren e nasualen, ta nesave kai pomozin, aver te aven birovi, ta i aver kai den orba ande aver chibia. |
|
| Galaťanenge 1:19 |
| A ni dikklem ni iekke katar ogola apostolura samo e Santiago o pplal e Gazdako. |
|
| Židenge 13:17 |
| Kanden tumare chobanonen, soke von arakken tumen ta ni chinion soke llanen kai o Del ka puchel len cheres tumende. Na ppariaven lengo rado, cheren te avel lenge drago ta pomozin len, ta gia lengo rado ka blazil tumenge. |
|
| Jan 3:3-5 |
| [3] O Jesus ppenda leke: —Chachimaia ppenau chuke kai kogo ni biandola pale, nasti ka dikkel e charoina e Devleki.[4] O Nikodemo puchla le: —¿Sar iek lleno ande po ppuripe sai biandol pale? ¿sai del o duito drom ande pe dako lli?[5] O Jesus ppenda leke: —Chachimaia ppenau chuke kai kogo ni biandola e paietar ta i e Duotar, nasti ka del ande charoina e Devleki. |
|
| Židenge 12:14 |
| Roden e pas saurrenchar ta e santidad, soke bi golea niko ni ka dikkel e Gazda. |
|
| Skutki 6:4 |
| A amen ka moli amen ta ka inllara e orba e Devleki. |
|
| 1 Timoteoske 3:1-7 |
| [1] Gaia ezgoda si but chachi. Vareko te mangela te avel le iek rado te gazdaril ande kkanlliri, iek lacho rado mangel.[2] Goleke, o lleno kai si le gava rado morabi te avel iek lleno kai niko nasti dosarel le katar nisavi ezgoda bilachi. Morabi te avel le samo iek romi, te cherel e ezgode chachimaia, bizaimaia ta te avel le liubao; morabi te avel pachivalo e llenenchar kai aven te racharen lete; morabi te llanel te sikavel;[3] morabi te na avel matarno, ni te avel leke drago te marelpe; morabi te avel posteno, te na avel silno ta leki briga te na avel samo e love.[4] Morabi te llanel te gazdaril ande po cher ta te sikavel pe chaurren te kanden ta te avel len liubao;[5] soke o lleno kai ni llanel te gazdaril ande po cher ¿Sar ka arakkel e Devleki kkanlliri?[6] Goleke, o lleno kai gazdaril ande kkanlliri nasti avel iek lleno nevo ando pachape, soke sai pperdol baripe ta sai perel isto ande dos kai pelotar o llavolo.[7] Ta morabi te den le liubao i maskar e llene kai ni pachan, te na perel ando lallao ta te na kojavel le o llavolo. |
|
| 1 Timoteoske 2:12 |
| ta ni mukau e diskinien te sikaven angla e llene ta te na gazdarin po murus. Mangau te achen esmino, |
|
| Skutki 14:23 |
| Ande suako kkanlliri o Pablo ta o Bernabe ttovena ppuren te pomozin e llenen kai pachaie ando Jesus, ta kana molisaile ta allunisarde, mukle len ande va e Gazdake golen kai pachaie ande le. |
|
| 1 Timoteoske 5:17 |
| E ppure kai gazdarin sukar ande kkanlliri trubul te volin len dui droma mai but, ta mai anglal e llenen kai lengo rado si te den orba e Devleki ta kai sikaven. |
|
| Židenge 13:7 |
| Den tumen golli katar tumare chobanura kai die tumenge e orba e Devleki; mislin tumen sar zivisarde ta tumen zivin prema lengo pachape. |
|
| Titoske 1:8 |
| Morabi te avel pachivalo e llenenchar kai aven te racharen ande leko cher, ta morabi te avel lacho, chacho, santo ta te llanel so cherel. |
|
| 1 Peter 5:2 |
| Arakken e bakren kai o Del dia tumende; arakken len chache liea, na samo soke si te arakken len pala e love; arakken e bakre e Devleke chachimaia. |
|
| Titoske 1:6 |
| Iekke ppure morabi te na dosarel le niko sar zivil. Morabi te avel le samo iek romi, ta leke chaurre morabi te pachan ta te na ppenen lendar kai cheren o bilachipe o kai ni kanden. |
|
| 1 Timoteoske 5:22 |
| Mislisao dui droma te mangea te ttove che va pe vareka te moli tut, te na ave ande iek ttan ande avereko bilachipe. Morabi te ave chisto katar suako bilachipe. |
|
| Titoske 1:5 |
| Kana muklem tut ande Kreta, cherdemle te lachare so muklana bi lachardo ta ande suako foro te ttove ppuren ande kkanlliri, gia sar ppendem chuke. |
|
| Galaťanenge 4:19 |
| Chaurralen, pale dukkal man sargo kana dukkal iekke diskinia kana bianel, lligo ni ka aven sargo o Kristo. |
|
| Romani Bible 2007 |
| Nuevo Testamento en Romané © Sociedad Bíblica Chilena, 2007 |