A A A A A

Church: [Attending Church]


Židenge 10:24-25
[24] Ta morabi te roda te pomozi iek avere te sai avel amen mai but volipe ta te chera o lachipe.[25] Ta na muka te chidiniaiva, gia sar cheren nesave llene, mai sukar da amen zor iek avere; ta mai but kana dikka kai o llive e Devleko si mai pase.

Matuš 18:20
soke kote kai si dui o trin llene chidine ande mo anau, kote sem me maskar lende.”

Kološanenge 3:16
Ta te na bristaren tumen katar e alava e Kristoke ta sikaven iek avere bizaimaia. Den fala ta llilaben e Devleke e salmura ta llilia duoke.

Efežanenge 4:11-13
[11] Ta isto vou si kai dia nesave llenen te aven apostolura, averen te aven poraukura, averen te ppenen e lachi viasta, ta averen te aven chobanura, averen te aven gola kai sikaven.[12] Gia lacharda e llenen katar o foro santo te cheren iek buchi te sai bariaven e kkanlliri e Kristoki[13] lligo ni ka resa saurre te ava ande iek ttan ando pachape ta te llana katar o Chavo e Devleko, te ava llene gotove gia sar si o Kristo.

Skutki ๒:๔๒
Ta cherena chachimaia so sikadea len e apostolura, fulavena so saia len maskar pete, chidiniaona te ppagen o marrno, ta molinape.

Rimanenge 10:17
Goleke o pachape ando Del avel kana asune e orba katar o Kristo.

Matuš 16:18
Ta me ppenau chuke kai tu san o Pedro, ta pe gava barr ka cherau mi kkanlliri, ta e udara katar o meripe ni ka dobin la.

Skutki 9:31-32
[31] Ondaka e kkanlliri ande sa e forura kai si ando Judea, ande Galilea ta ande Samaria, saia len pas ta bariona ando Duo. Zivina ande dar e Gazdaki ta o Santo Duo pomozila te aven mai but llene ande kkanlliri.[32] O Pedro, lleloia te del orba e pplalenchar ta llelo te dikkel i e llenen katar o santo foro kai zivina ande Lidia.

Matuš 6:33
Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

Jakob 1:22
A inai dosta samo te asunen so ppenel o alau o chacho; morabi te cheren so ppenel, soke samo te asunen le ta ni kanden le, kojaven isto tumen.

2 Timoteoske 4:2
te ppene o alau e Devleko te de orba suako drom, avela o vreme lacho o avela bilacho. Cher te acharen chuke, ortosar e llenen orbaia ta de zor, de tut vreme te sikave.

Matuš 28:19-20
[19] Goleke llan ta cheren disipulura pe sa e ppuvia ta kristin len ando anau e Dadeko e Chaveko ta ando Santone Duoko.[20] Ta sikaven len te arakken sa ezgode kai ppendem te cheren, ta me sem tumenchar suako llive llik o son e suetoko. Gia te avelpe.

Romani Bible 2007
Nuevo Testamento en Romané © Sociedad Bíblica Chilena, 2007