A A A A A

Bad Character: [Jealousy]


1 Korinťanenge 3:3
soke llik akana zivin sargo e llene bilache katar gava sueto. Si tumen joli iek pe aver ta jan tumen maskar tumende.

1 Korinťanenge 10:13
Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

1 Korinťanenge 13:4
Kana e manuse si le volipe suako ezgoda terpil ta si lacho; inai le joli, ni blagosil vou pe, ta ni cherel baripe ande pe,

Jakob 4:11
Pplalalen, na den orba bilachi katar aver llene. Vareko te del bilachi orba katar po pplal ta krisil le, gua si sargo te del bilachi orba katar o zakono, ta sargo te krisil e zakono. A te krisi e zakono, tu ni chere so ppenel o zakono, ta chere tut sargo iek krisari.

Rimanenge 12:21
Na muk te dobil tut o bilachipe. Mai sukar dobisar e lachimaia o bilachipe.

Jakob 4:2-3
[2] Tumen mangen te len fiso, ta ni resen te len le; goleke tumen joliaon kana avere si maren tumen ta ni len so mangen, soke ni mangenle e Devletar;[3] a te mangen letar ni len so mangen, soke mangen samo o bilachipe kai si tumenge drago.

Galaťanenge 5:22-23
[22] A so cherel o Duo si: o volipe, e veselia, e pas, o terpipe, o pachivalipe, postenipe, e dragostia,[23] te na avel istardipe ta te llanel o manus te achavel vou pe. Ni iek zakono nasti marelpe gale ezgodenchar.

1 Peter 2:9
A tumen akana sen o foro santo e Devleko, e popura chachune kai radin e charoke. Gua si te sai sikaven e bare ezgode kai cherda o Del; te liken katar o truñariko ta te aven karing o villelo.

1 Korinťanenge 1:27-29
[27] I te mislinape e llene gale ppuviake kai tumen sen dile ta kai ni sen niso, o Del esvirisarda tumen; te sai gola kai mislinpe kai si bizai, te acharen kai ni llanen niso.[28] O Del esvirisarda e llenen kai angla e akka e manusenge inai len zor, inai len pachiu, kai niko ni ttovel lenge sama, te sai gola kai mislinpe kai von si but bare angla o sueto te acharen kai chachimaia von inai so mislin.[29] Goleke angla o Del niko nasti falilpe.

Filipanenge 2:3
Na cheren niso ande joli ni pala o baripe, cherenle prostimaia, ta suako lleno te dikkel avere mai baro neko vou pe.

Jakob 3:14-16
[14] A tumen te cheren sa e ezgode jolinaia; ondaka ka zivin tristome ta ni ka avel tumen ande so te cheren baripe, soke ni ka llan prema o chachipe.[15] Gua inai o bizaipe kai avel e Devletar, gua bizaipe avel e suetotar, avel katar o mislo e manuseko ta i katar o llavolo.[16] Soke kote kai si joli ta murzania, kote si e burkania, ta suako bilachipe;

Jakob 4:7-8
[7] Goleke tumen morabi te kanden e Devle. Ta o llavolo ka nasel tumendar.[8] Aven pasa o Del, ta vou ka avel pasa tumende. ¡Jalaven tumare va, tumen kai sen duie misloke! ¡Chiston tumaro lio, tumen kai mangen te volin e Devle ta i e sueto!

Galaťanenge 5:14-15
[14] Soke sa o zakono si ande iek kai ppenel gia: “Volisar avere sar voli tu tut.”[15] Arakken tumen soke te dandarden tumen ta te jalen iek avere, isto tumen ka zatrin tumen.

Kološanenge 1:11
Goleke, manga e Devletar pe bare zoriaia te cherel tumen zurale, gia tumen sai ka terpin suako ezgoda esmiro ta veselimaia,

1 Timoteoske 3:10
Mai anglal morabi te nakkel o vreme te dikka sar radin ta mapalal te na avile dosale katar niso, ondaka sai ka aven diakonura.

Židenge 10:36
Morabi te avel tumen zor ande patnia, te sai cheren e volia e Devleki ta gia te sai len so vou ppenda kai ka del tumen kana dia po alau.

Romani Bible 2007
Nuevo Testamento en Romané © Sociedad Bíblica Chilena, 2007