| Skutki 8:23 |
| Soke me dikkau kai san pperdo zalba ta o bilachipe istarda tut ppanglo. |
|
| Kološanenge 3:8-13 |
| [8] A akana muken sa gala ezgode: e joli, o bilachipe, e brasnia maskar tumende ta e bilache alava.[9] Na kojaven iek avere, soke tumen chudien tumendar so sena omanglal ta so cherena,[10] ta akana si tumen iek nevo zivoto ta sen iek nevo manus kai sa mai lachardol prema o Del kai cherdale, te sai pinllaren le mai but.[11] Akana ni chitilpe te avea griego o te avea judio o te san sirkunsidime o te na avea, ta ni chitilpe te avea katar aver ppuv o te llane o te na llane but ezgode, o te avea esluga o te na avea, soke o Kristo si sa ta si ande sa amende.[12] O Del volil tumen ta esvirisarda tumen te aven katar o foro santo. Morabi te avel tumen volipe pala aver llene. Morabi te aven lache, proste, postene ta te terpin.[13] Terpin iek avereke ta prostin iek avere, a te si vareko dukkado averetar prostisaren tumen. Gia sar o Kristo prostisarda tumen i tumen si te prostin. |
|
| Efežanenge 4:26 |
| Te joliaona, na cheren o bilachipe; tumari joli te na avel pe tumende sorro llive. |
|
| Marek 11:25 |
| Ta kana ka molintumen, ta te si tumen varesavi joli pe vareka, prostisaren le, te prostil i tumaro bilachipe tumaro Dad kai si ando miloso. |
|
| Rimanenge 3:14 |
| Ta lengo mui si pperdo armaia ta zalba. |
|
| Matuš 6:14-15 |
| [14] “Goleke, te prostina o bilachipe kai cheren tumenge e manusa, tumaro Dad kai si ando miloso ka prostil i tumaro bilachipe;[15] a tumen te na prostina o bilachipe kai cheren tumenge e manusa, ni tumaro Dad ni ka prostil tumaro bilachipe. |
|
| Jakob 1:19-20 |
| [19] Pplalalen kai voliu tumen, ttoven sama pe gaia orba kai ka ppenau tumenge: tumen morabi te asunen avere llenen, a na te joliaon ta te den but orbe.[20] Soke gua lleno kai joliaol, ni cherel so si orta angla o Del. |
|
| Židenge 12:14-15 |
| [14] Roden e pas saurrenchar ta e santidad, soke bi golea niko ni ka dikkel e Gazda.[15] Na muken nika te duriol katar o volipe e Devleko, ta na muken nika te achavel averen maskar tumende, soke gua sai dukkavel tumen ta sai mundarel tumen sargo iek drab kai mundarel. |
|
| Efežanenge 4:31-32 |
| [31] Muken o tristope, na joliaon na urkin ta na kusen averen, ta muken o bilachipe.[32] Morabi te aven lache ta postene iek averea, ta maskar tumende prostin tumen gia sar o Del prostisarda tumen ando Kristo. |
|
| Romani Bible 2007 |
| Nuevo Testamento en Romané © Sociedad Bíblica Chilena, 2007 |