| 1 Peter 3:9 |
| Te na aven bilache e llenenchar kai si bilache tumenchar, o te kusen gole llenen kai kusen tumen. So morabi te cheren si te blagosin gole llenen, soke o Del ikkarda tumen te len o blagosipe. |
|
| 1 Tesaloničanenge 5:15 |
| Ttoven sama te na pochinel niko avereke o bilachipe e bilachimaia. Morabi te cheren o lachipe suako llive maskar tumende ta i saurrenchar. |
|
| 2 Korinťanenge 13:11 |
| Goleke pplalalen, mangau te zivin veselimaia ta te roden te aven chache ande tumaro zivoto. Den tumen zor iek avere ta zivin ande pas, ta o Del kai volil amen ta del amen e pas, ka avel tumenchar. |
|
| 2 Tesaloničanenge 1:8 |
| Ka avel te patil golen kai ni pachan ando Del ta ni kanden so ppenel e lachi viasta katar o Gazda o Jesus. |
|
| Židenge 10:30 |
| Llana kai o Del ppenda: “Man si e buchi te chinau e kris; me ka pochinau.” Ta i ppenda: “O Gazda ka chinel e kris pe foroke.” |
|
| Marek 11:25 |
| Ta kana ka molintumen, ta te si tumen varesavi joli pe vareka, prostisaren le, te prostil i tumaro bilachipe tumaro Dad kai si ando miloso. |
|
| Rimanenge 12:18-19 |
| [18] Cheren so sai te na achen nikaia ande joli.[19] Na ttoven kasti e llenenge kai dukkade tumen, muken len ande Devleke va, soke ando Pisipe ppenel: “Murni si e buchi te chinau e kris ta te dau e duk e bilachen, ppenel o Gazda.” |
|
| Rimanenge 13:4 |
| Soke von si ttode te sai radin e Devleke ta te sai pomozin tumen. A te ttovena tumen te cheren o bilachipe morabi te daran, soke o jarni kai von inllaren ni inllarenle te dikkol sukar. Von si ttode te radin e Devleke ta i te dukkaven e llenen kai cheren o bilachipe. |
|
| Matuš 18:21-22 |
| [21] Ondaka avilo pasa le o Pedro ta ppenda leke: —Gazda, ¿Pe gachin droma morabi te prostiu me pplale kai cherda mange varesavo bilachipe? ¿Llik kai efta droma?[22] O Jesus ppenda leke: —Ni ppenau chuke llik kai efta; so ppenau chuke si llik kai eftavardes droma efta. |
|
| Matuš 5:38-39 |
| [38] Tumen asunden kai ppendo si: ‘Iak pe iak, ta dan po dan.’[39] A me ppenau tumenge: terpisar gole lleneke kai cherda chuke varesavo bilachipe. A vareko te chalavela tut pe chi cham e chachi, boldiniao ta ttou i o goia. |
|
| Lukaš 6:27-28 |
| [27] “A tumenge kai asunen ppenau: Volisaren tumare dusmanonen, cheren o lachipe golenge kai murzin pe tumende,[28] blagosisaren golen kai ppenen tumenge bilache alava, molintumen pala gola kai kusen tumen. |
|
| Efežanenge 4:31-32 |
| [31] Muken o tristope, na joliaon na urkin ta na kusen averen, ta muken o bilachipe.[32] Morabi te aven lache ta postene iek averea, ta maskar tumende prostin tumen gia sar o Del prostisarda tumen ando Kristo. |
|
| 1 Peter 2:21-23 |
| [21] Pala gua ikkarda tumen o Del, soke o Kristo nakkla patnia pala tumende, ta ppenda kai morabi te cheren isto sargo cherda vou.[22] O Kristo nikada ni cherda niso bilacho ta ni kojada nikake.[23] Kana kusena le, vou ni ppenela niso; ta kana patina le, ni dela armaia soke molilape e Devleke ta mangela letar te arakkel le. |
|
| Rimanenge 12:17-21 |
| [17] Vareko te cherda tumenge varesavo bilachipe na cheren leke isto gua bilachipe, mai sukar roden te cheren o lachipe angla e manusa.[18] Cheren so sai te na achen nikaia ande joli.[19] Na ttoven kasti e llenenge kai dukkade tumen, muken len ande Devleke va, soke ando Pisipe ppenel: “Murni si e buchi te chinau e kris ta te dau e duk e bilachen, ppenel o Gazda.”[20] Ta i ppenel: “A te avela cho dusmano bokkalo, de le te jal; a te avela trusalo, de le te piel; gia ka chere te ppabol leko mui lallaimatar.”[21] Na muk te dobil tut o bilachipe. Mai sukar dobisar e lachimaia o bilachipe. |
|
| Matuš 5:40-45 |
| [40] Vareko te ttovela tut pe kris te lel cho gad, muk te lel i cho gertachi.[41] A vareko te ttovela tut te inllare pe zor iek pparipe iek kilometro, inllarle dui.[42] A vareko te mangela tutar vareso, de le; a vareko te mangela tutar unllile, na ppen leke iok.[43] Asunden kai ppendo si: ‘Volisaren tumare llenen, ta murzisaren pe tumare dusmanura.’[44] A me ppenau tumenge: Volisaren tumare dusmanonen ta molintumen pala gola llene kai roden te maren tumen.[45] Ta gia tumen ka aven chave katar tumaro Dad kai si ando miloso, kai cherel te likel o kkam upral pe bilache ta i pe lache, ta cherel te del peke pe chache ta i pe gola kai inai chache. |
|
| Romani Bible 2007 |
| Nuevo Testamento en Romané © Sociedad Bíblica Chilena, 2007 |