A A A A A

Bad Character: [Pride]


Galaťanenge 6:4
Suako lleno si te chinel kris vou peke, a te acharela kai sai veselilpe katar vareso kai cherel, te na mislil kai si mai lacho neko aver llene.

Jakob 4:6
A amen volil ios mai but, goleke ando Pisipe ppenel: “E Devleke inai drago e llene kai falinpe, ta del po volipe e llenen kai si proste”

Jakob 4:10
Morabi te avel tumenge lallao angla o Del, ta vou ka blagosil tumen.

Matuš 2:3
Kana o charo o Erodes asunda gaia orba, jolailo vou ta i sa o foro.

Rimanenge 12:3
Soke o Del ande po volipe ttoda man apostol ta goleke mangau tumendar te na mislin tumen kai sen mai lache neko so sen. Mai sukar dikken isto pe tumende prema o pachape kai o Del dia tumen, soke sen llene kai llan pala o Kristo.

Rimanenge 12:16
Zivin lachimaia iek averea ta na istardon. Na cheren tumen mai bare katar aver; dikken averen sargo isto tumen. Na mislin tumen kai tumen sen e mai bizai.

1 Korinťanenge 13:4
Kana e manuse si le volipe suako ezgoda terpil ta si lacho; inai le joli, ni blagosil vou pe, ta ni cherel baripe ande pe,

Galaťanenge 6:1-3
[1] Pplalalen, te dikken kai vareko si ande varesavo bilachipe, tumen kai sen ando Duo morabi pomozin le te ortolpe. Ta cherenle postenimaia. Ta suako lleno te del orba bizaimaia, soke i vou sai avel ttodo ando zumadipe.[2] Pomozisaren tumen maskar tumende kana ka aven ande nuzda ta gia ka kanden o zakono e Kristoko.[3] Kana vareko mislilape kai si vareso kana vou inai niso, vou pe kojavel.

Romani Bible 2007
Nuevo Testamento en Romané © Sociedad Bíblica Chilena, 2007