A A A A A

Angels and Demons: [Guardian Angels]


1 Korinťanenge 4:9
Soke misliu man kai amen, e apostolura, o Del mukla amen mai palal, sargo e ppangle kai chinde lenge te meren. Gia si sar dikkel pe amende o sueto ta i e suechura.

1 Jan 4:1
Pplalalen, na pachan tumen ande suako duo, goleke tumen morabi te dikken dal gala duura si e Devleke o iok; soke but poraukura kojamne likiste ando sueto.

Skutki 8:26
Mapalal, iek suecho e Devleko ppenda e Felipeke: “Uste ta llatar ando sur, katar o drom kai llal katar o Jerusalem karing e Gasa.” Gava drom nakkel katar o pusto.

Skutki 12:15
A von ppende lake: —¡So san dili! A voi ppenela kai de istina o Pedro saia avri. Von ppenena: —Inai vou; gua si leko suecho.

Kološanenge 2:18
Na muken te dosaren tumen gola kai cherenpe proste manus ta kai blagosin e suechonen; ppenen kai sikadon lenge sargo sune, pukkon barimatar a mislinpe samo ando bilachipe.

Židenge 1:14
Soke sa e suechura si duura kai si esluge e Devleke: ta bichalel len te pomozin golen kai ka len o braduipe.

Židenge 13:2
Na bristaren tumen te aven pachivale e llenenchar kai aven ande tumare chera, soke but droma nesave llene kai si pachivale ni ttode sama kai sea suechura gola kai soute lende.

Juda 1:6-9
[6] Ta i e suechonen kai ni achile pe po ttan gazdarimako, ta mukle o ttan kai zivina, o Del ppangla len lanchonenchar ande rubie truñarike lligo ni ka avel o llive e krisako.[7] Ta i sargo gola suechura, avilape e llenenchar kai zivina ande Sodoma ta ande Gomorra ta e forura kai sea pase. Gola llene cherde o kurvaluko ta aver ezgode kai inai prema e manusa, goleke o Del chudia len ande iag ostade. Gua si te sikiva amen e Devletar.[8] Isto gava ka nakken e llene bilache kai pisiu tumenge lendar. Soke pe dilimaia pokalin pe esnage, ta ni pachan ando gazdaripe e Devleko, ta kusen e suechonen.[9] Ni o Migel kai si gazda e suechonengo, kana mardape e llavoloia pala e esnaga e Moiseseki, ni tromaia te kusel e llavolo, samo ppenda leke: “¡Daboida o Del te del pe tute!”

Lukaš 16:22
Iek llive o lleno chorro mulo, ta e suechura inllarde le te besel te jal pasa o Abraam. Mapalal i o barvalo mulo, ta prajosarde le.

Matuš 18:10
“Dikken te na den e zea gale minonen kai pachan ande ma, soke me ppenau tumenge kai ando miloso lenge suechura suako llive dikken o mui me Dadeko kai si ando miloso,

Zjaveňie 5:11
Ta dikklem, ta asundem e avazura katar but suechura kai sea truial katar o trono, ta katar e zivotura, ta e ppure. Ta e suechura sea millonura ta millonura,

Zjaveňie 19:10
Me diem changa angla e porrne e suechoke te blagosiu le, a vou ppenda mange: “Na cher gua, soke me sem esluga sargo tu ta sargo che pplal kai pachan ande orba e chachi e Jesuseki. Blagosisar e Devle.” Soke e orba e chachi e Jesuseki si o Duo katar e porauka.

Romani Bible 2007
Nuevo Testamento en Romané © Sociedad Bíblica Chilena, 2007