A A A A A

Angels and Demons: [Angels]


Kološanenge 1:16
Ande lete o Del cherda sa so si ando miloso ta pe ppuv, so sai dikkol ta so nasti dikkol, ta i e duura kai gazdarin zoriaia, ta sa ande lete si cherde ta leke si cherde.

Lukaš 20:35-36
[35] a gola kai o Del ka chinavel lenge te usten katar o meripe, ta kana ka avel gua vreme avena murusa o diskinie, ni ka zininpe ios[36] ta ni ka meren. Soke von ka aven sargo e suechura, ta ka aven chave e Devleke soke ustile katar o meripe.

Zjaveňie 4:8
Ta suako iek katar e star zivotura sea len sou pakka, ta truial ta andral sea pperde akka. Ta ni orachaia ni ollivesea ni achena te ppenen: “¡Santo, santo, santo si o Gazda, o Del kai si le sa e zor, Gua kai saia, kai si, ta kai si te avel!”

Matuš 22:30
Soke kana e mule ka usten, e murusa ta e diskinie ni ka zininpe, soke ka aven sargo e suechura kai si ando miloso.

Lukaš 15:10
Ppenau tumenge kai isto gia si veselia maskar e suechura e Devleke pala iek bilacho kai lel e Devle.”

Zjaveňie 14:6
Dikklem aver suecho kai furiala po maskaral katar o miloso ta inllarela e lachi viasta kai si ostade te ppenel la e llenenge kai zivin pe ppuv, kai go si ppuv, vicha, chib ta foro.

Juda 1:6
Ta i e suechonen kai ni achile pe po ttan gazdarimako, ta mukle o ttan kai zivina, o Del ppangla len lanchonenchar ande rubie truñarike lligo ni ka avel o llive e krisako.

1 Peter 3:21-22
[21] Ta gua pai si sargo o pai katar o kristope, kai ande lete amen sam braduime. O kristope chachuno inai te jalavel amare esnage; o kristope chachuno si te manga e Devletar te chistol amen katar sa e mislura dosale. A o Del braduil amen ando kristope soke o Jesukristo ustilo katar e meripe,[22] ta llelotar ando miloso ta si besindo pe rig e chachi e Devleki, ta gazdaril pe sa e suechura ta pe sa e zivotura duoke kai si len zor ta gazdarin.

1 Peter 1:12
A o Del dia len te llanen na pala lende, gua dia len te llanen pala tumende. Gaia si e viasta kai von sikade tumen, ta sikade le e Santone Duoia, kai saia bichaldo e milosotar. ¡Gala ezgode e suechura mangena te dikken!

Židenge 12:22
A tumen avilen kai o burdo katar o Sion, ta kai o foro katar o Del o llundo, o Jerusalem kai si ando miloso, kote si but milie suechura kai blagosin e Devle,

Zjaveňie 5:11-12
[11] Ta dikklem, ta asundem e avazura katar but suechura kai sea truial katar o trono, ta katar e zivotura, ta e ppure. Ta e suechura sea millonura ta millonura,[12] ta ppenena bare avazea: “¡O Bakro kai saia kurbano: si lacho te lel o gazdaripe ta o barvalipe, o bizaipe e zor, o liubao, o baripe ta o blagosipe!”

Matuš 4:6-11
[6] ta ppenda leke: —Te san chachimaia o Chavo e Devleko, chude tut tele, soke ando Pisipe ppenel gia: ‘O Del ka bichalel pe suechonen te arakken tut, ta ka vazden tut pe vastenchar te na eskombal cho porrno pe ni iek barr.’[7] A o Jesus ppenda leke: —Ta i ando Pisipe ppenel gia: ‘Na ttou ando zumadipe e Gazda kai si cho Del.’[8] Mapalal o llavolo inllarda le pe iek burdo but baro, ta sikada leke sa e ppuvia e suetoke ta lengo baripe,[9] ta ppenda leke: —Me ka dau tut sa gala ezgode, te dea changa ta te blagosia man.[10] A o Jesus ppenda leke: —Llatar llavolo, soke ando Pisipe ppenel gia: ‘Blagosisar e Gazda kai si cho Del, ta radisar samo leke.’[11] Ondaka o llavolo mukla le, ta avile e suechura te pomozin le.

Matuš 16:27
Soke o Chavo e manuseko ka avel ande pe Dadeko baripe ta pe suechonenchar; ondaka ka pochinel suakone lleneke prema so cherda pe gaia ppuv.

Matuš 18:10
“Dikken te na den e zea gale minonen kai pachan ande ma, soke me ppenau tumenge kai ando miloso lenge suechura suako llive dikken o mui me Dadeko kai si ando miloso,

Matuš 24:31-35
[31] Ta vou ka bichalel pe suechonen iekke bare taturugaia te chiden e llenen kai esvirisarda katar e star riga e ppuviake katar iek rig e milosoki llik kai o goia rig.[32] “Sikon katar o kas e simochinengo: Kana leke krangura si kovle, ta zelenil ta liken e patra, tumen llanen kai o milai si pase.[33] Isto gia, kana tumen ka dikken sa gala ezgode, ka llanen kai o Chavo e Devleko si po udar.[34] Chachimaia ppenau tumenge kai sa gala ezgode ka avenpe bi te nakkel gaia vicha.[35] O miloso ta e ppuv ni ka aven ios, a me alava si te cherdon.

Lukaš 4:10
soke ando Pisipe ppenel gia: ‘O Del ka bichalel pe suechonen te arakken tut.

Jan 20:11-12
[11] E Maria achili avri pasa e limori ta rovela. Ta rovindo bangili te dikkel ando limori,[12] ta dikkla duie suechonen ande parne patave kai besena kote kai saia e Jesuseki esnaga; iek kote kai saia o soro a o gua kai sea e porrne.

Kološanenge 2:18
Na muken te dosaren tumen gola kai cherenpe proste manus ta kai blagosin e suechonen; ppenen kai sikadon lenge sargo sune, pukkon barimatar a mislinpe samo ando bilachipe.

Židenge 1:14
Soke sa e suechura si duura kai si esluge e Devleke: ta bichalel len te pomozin golen kai ka len o braduipe.

Židenge 2:6-13
[6] Soke ando Pisipe ppenel gia: “¿So si o manus? ¿Soke de tut golli leke ta brigi tut cheres lete?[7] Cherdan le cherricha mai minono neko e suechura, dian le iek korona barimaki te gazdari; cherdan te gazdaril pe sa e ezgode kai cherdan.”[8] Goleke sar cherda le te gazdaril pe sa so cherda, O Del ni mukla niso te na achel avri katar leko gazdaripe. A amen ni dikklam te gazdaril pe sa e ezgode.[9] A akana dikka e Jesuse kai o Del cherda le cherricha mai minono neko e suechura samo cherricha vreme, kai si le e korona barimaki ta vou gazdaril pala o meripe kai nakkla. Ta o Del ande po volipe, mangla te llanel o Jesus so si o meripe pala o lachipe saurrengo:[10] Pala o Del si sa ezgode cherde ta sa ezgode si leke, soke o Del mangel sa leke chaurre te avel len iek ttan ande leko baripe. Goleke ande patnia saia te cherel e Jesuse chacho pala o lachipe saurrengo.[11] Soke sa gola kai volin ta kanden e Devle si leke chave. Goleke o Chavo e Devleko ni lallal te ikkarel len pplal,[12] kana ppenda ando Pisipe: “Ka dau orba chiri me pplalenge, ta ka llilabau chuke llilia Devlikane ando cher e Devleko.”[13] Ta i ppenel gia: “ka avel man vera ande lete.” Ta pale ppenel: “Kate sem e chaurrenchar kai o Del dia man.”

Židenge 13:2
Na bristaren tumen te aven pachivale e llenenchar kai aven ande tumare chera, soke but droma nesave llene kai si pachivale ni ttode sama kai sea suechura gola kai soute lende.

2 Peter 2:4
O Del ni prostisarda e suechonen kai cherde o bilachipe, goleke chudia len ando tufano ta mukla len ppangle ando truñariko te aduricharen o llive e krisako.

Romani Bible 2007
Nuevo Testamento en Romané © Sociedad Bíblica Chilena, 2007