A A A A A

Additional: [Halloween]


1 Jan 1:5
Gaia si e viasta kai o Jesukristo sikada amen, ta kai amen ppena tumenge: O Del si villelo ta ande lete inai truñariko.

1 Peter 5:8
Arakken tumen ta ttoven sama soke o llavolo llal sargo iek liono divome kai rodel so te jal.

2 Korinťanenge 11:14
Ta gaia ezgoda kai cheren inai chudo, soke isto o Satanas furiadol sargo iek suecho e villeloko;

3 Jan 1:11
Pplala Gaio, na cher sargo gola kai cheren o bilachipe, cher o lachipe. Soke gola kai cheren o lachipe si e Devleke, a o gola kai cheren o bilachipe ni pinllaren e Devle.

Rimanenge 14:9
Goleke pala gua mulo o Kristo ta ustilo katar o meripe te avel Gazda e mulengo ta i e llundengo.

Rimanenge 12:2
Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

Galaťanenge 5:19-21
[19] Sa llana so cheren e llene kai llan pala e bilache ezgode kai mangel e esnaga: cheren o kurvaluko, cheren ezgode pogane ta bilache,[20] blagosin avere delen ta drabaren. Si len joli, ni ttovenpe zanio nikaia, ta joliaon kana avere si le. Joliaon oma, cheren te avel joli, ta te fuladol suako llene pe pi rig.[21] Si lenge joli kana avere si, matarne, drago lenge te jan but ta cheren aver ezgode sargo gala. Ppenau tumenge, isto sar ppendem tumenge omanglal, e llene kai cheren gala ezgode ni ka aven ande charoina e Devleki.

Rimanenge 8:38-39
[38] Me pachau kai nisavi ezgoda ka fulavel amen katar o volipe e Devleko: ni o meripe, ni o zivoto, ni e suechura, ni e duura, ni so si akana, ni so si te avel,[39] ni so si mai upre, ni so si mai tele, ta nisave ezgode cherde e Devletar. ¡Niso nasti ka fulavel amen katar o volipe kai o Del sikada amenge ando Kristo Jesus amaro Gazda!

Titoske 1:15
E llene kai si chache sa e ezgode si lenge chache; a e llene kai inai chache ta ni pachan, niso inai lenge chacho, soke lengi golli ta lenge mislura si melale.

1 Tesaloničanenge 5:22
Durion katar suako bilachipe.

Efežanenge 6:12
Soke ni mara amen manusenchar kai si sargo amen, amen mara amen duonenchar kai si zurale ta bilache kai si katar o miloso, kai von gazdarin ta charoin po sueto katar o truñariko kai si truial amendar.

Matuš 12:43-45
[43] “Kana iek duo bilacho likel katar iek lleno, llal pe ttana suke ta rodel kai te besel te lelpe letar o chiñipe, ta ni malavel le.[44] Ondaka ppenel: ka iriuman kai mo cher katar likistem.’ Ta kana irilpe, malavel gole llene sargo iek cher chucho, metime, ta lachardo.[45] Ondaka llal ta anel efta duonen mai bilache neko vou, ta sa den te zivin ande gua lleno, ta achel mai bilacho neko omanglal. Isto gia ka avel pe gale bilache vichaia.

Efežanenge 5:15-16
[15] Goleke, arakken tumen ta na zivin dilimaia, soke sar morabi te zivin si bizaimaia.[16] Ttoven sama so cheren, soke gala llivesa si bilache.

Romani Bible 2007
Nuevo Testamento en Romané © Sociedad Bíblica Chilena, 2007