A A A A A

Additional: [Emotions]


Efežanenge 5:18
Na maton, soke e mol inllarel kai o bilachipe; mai sukar pperdon katar o Santo Duo.

Kološanenge 3:1-2
[1] Goleke soke tumen te ustilen katar o meripe e Kristoia, morabi te roden e ezgode kai si upre kote kai o Kristo besel pe rig e chachi e Devleki.[2] Mislin tumen ande ezgode kai si ando miloso, a na ande ezgode e ppuviake.

Galaťanenge 5:19-23
[19] Sa llana so cheren e llene kai llan pala e bilache ezgode kai mangel e esnaga: cheren o kurvaluko, cheren ezgode pogane ta bilache,[20] blagosin avere delen ta drabaren. Si len joli, ni ttovenpe zanio nikaia, ta joliaon kana avere si le. Joliaon oma, cheren te avel joli, ta te fuladol suako llene pe pi rig.[21] Si lenge joli kana avere si, matarne, drago lenge te jan but ta cheren aver ezgode sargo gala. Ppenau tumenge, isto sar ppendem tumenge omanglal, e llene kai cheren gala ezgode ni ka aven ande charoina e Devleki.[22] A so cherel o Duo si: o volipe, e veselia, e pas, o terpipe, o pachivalipe, postenipe, e dragostia,[23] te na avel istardipe ta te llanel o manus te achavel vou pe. Ni iek zakono nasti marelpe gale ezgodenchar.

Jakob 1:20
Soke gua lleno kai joliaol, ni cherel so si orta angla o Del.

Rimanenge 8:28
Llana kai o Del lacharel sa e ezgode po lachipe golenge kai volin le, golenge kai vou ikkarda gia sar vou mangla.

Rimanenge 15:13
O Del kai del o pachape, te del tumen bari veselia ta pas tumen kai pachan ande lete, ta te del tumen but pachape ande zor katar o Santo Duo.

Jan 17:17
Blagosisar len ande cho chachipe; cho alau si chachipe.

Jan 4:24
O Del si Duo, ta gola kai blagosin le morabi ando Duo ta ando chachipe te blagosin le.

Galaťanenge 5:16-24
[16] Goleke ppenau tumenge: zivin prema o Duo, ta na roden te chaliaren e bilache ezgode kai mangel tumari esnaga.[17] Soke e mislura bilache inai prema o Duo, ta o Duo inai prema e bilache mislura. Iek avere ni kamen, ta goleke tumen nasti cheren sa so mangen.[18] A te sikada tumen o Duo, ondaka o zakono ni ka avel upral pe tumende.[19] Sa llana so cheren e llene kai llan pala e bilache ezgode kai mangel e esnaga: cheren o kurvaluko, cheren ezgode pogane ta bilache,[20] blagosin avere delen ta drabaren. Si len joli, ni ttovenpe zanio nikaia, ta joliaon kana avere si le. Joliaon oma, cheren te avel joli, ta te fuladol suako llene pe pi rig.[21] Si lenge joli kana avere si, matarne, drago lenge te jan but ta cheren aver ezgode sargo gala. Ppenau tumenge, isto sar ppendem tumenge omanglal, e llene kai cheren gala ezgode ni ka aven ande charoina e Devleki.[22] A so cherel o Duo si: o volipe, e veselia, e pas, o terpipe, o pachivalipe, postenipe, e dragostia,[23] te na avel istardipe ta te llanel o manus te achavel vou pe. Ni iek zakono nasti marelpe gale ezgodenchar.[24] Ta e llene kai si katar o Kristo Jesus, mukle po krusto sa po bilachipe.

Židenge 3:13
Goleke, den tumen zor iek avere suako llive, so achela gole “llivesetar” kai del orba ando Pisipe, te na kojavel nika tumendar o bilachipe ta tumaro lio te na cherdol iek lio kai ni kandel.

Filipanenge 4:6-7
[6] Na brigin tumen katar niso, molintumen ta ppenen sa tumare brige e Devleke; mangen letar ta den le fala.[7] Ta o Del ka del tumen pi pas kai si gia bari kai o sueto nasti acharel la, ta goia pas ka arakkel tumaro lio ta tumare mislura cheres o Kristo Jesus.

Rimanenge ൧൨:൨
Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

Efežanenge 4:26-27
[26] Te joliaona, na cheren o bilachipe; tumari joli te na avel pe tumende sorro llive.[27] Na den ttan e llavolo.

1 Peter 5:10
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Filipanenge 1:6
Me llanau kai o Del cherda iek rado but lacho tumenchar ta ka lacharel le ios lligo ni ka irilpe o Jesukristo.

Židenge 12:1
Goleke amen sar si truial amendar pe gachin llene kai sikade po pachape, muka pe iek rig sa so achavel amen ta o bilachipe kai ppariavel amen, ta prasta zoriaia po drom kai si amen angle.

Romani Bible 2007
Nuevo Testamento en Romané © Sociedad Bíblica Chilena, 2007