A A A A A

Additional: [Evil]


1 Korinťanenge 13:6
ni veselilpe ando bilachipe, veselilpe ando chachipe.

1 Jan 5:19
Amen llana kai sam e Devletar ta sa o sueto si gazdarime e llavolotar.

1 Peter 3:9
Te na aven bilache e llenenchar kai si bilache tumenchar, o te kusen gole llenen kai kusen tumen. So morabi te cheren si te blagosin gole llenen, soke o Del ikkarda tumen te len o blagosipe.

1 Tesaloničanenge 5:22
Durion katar suako bilachipe.

2 Timoteoske 2:22
Duriu katar e bilache ezgode kai cheren e terne kai si ande chi doba, ta rode o chachipe, o pachape, o volipe ta e pas sa e llenenchar kai ppenen o anau e Gazdako iekke liea chisto.

Jan 3:20
Sa gola llene kai cheren o bilachipe, murzin po villelo, ta ni aven kai o villelo, te na dikkon lenge bilache ezgode kai cheren.

Rimanenge 6:12
Goleke, tumen na muken o bilachipe te gazdaril pe tumari esnaga merimaki, ta te cherel tumen pe zor te kanden la.

Rimanenge 12:21
Na muk te dobil tut o bilachipe. Mai sukar dobisar e lachimaia o bilachipe.

Marek 7:21-22
[21] Soke andral katar o lio e manusengo liken e bilache mislura, o kurvaluko, o vazdinipe, o mundaripe,[22] o zelnipe pe averenge ezgode, o bilachipe, o kojaipe, o blagosipe pe bilache ezgode, e joli kana avere si vareso, e bune, o istardipe ta o dilipe.

Matuš 12:34-35
[34] ¡Vicha sapengi! ¿Sar ka den orba lachi, kana sen bilache? soke katar so si mai but ando lio del orba o mui.[35] O manus lacho del orbe lache soke o lachipe si ande leko lio, a o manus bilacho del orbe bilache soke o bilachipe si ande leko lio.

Jakob 1:13-14
[13] Kana tumen ka aven ando zumadipe te cheren o bilachipe, na ppenen tumen kai sen zumade e Devletar, soke o Del nasti avel zumado e bilachimatar, ta ni zumavel nika.[14] Kana amen sam ando zumadipe, gua si soke amare bilache mislura, inllaren amen te pera.

Jakob 3:6-8
[6] E chib si sargo iek lliska. Si la but zor te cherel o bilachipe. Ta i sai meliarel sa amaro zivoto, ta te chudel amen ando tufano.[7] O manus sai gazdaril pe sa e zivirinie kai si; chiriklia, sapa, ta i gazdarisarda pe gola kai zivin ande mora,[8] a ni iek manus nasti gazdaril pe pi chib kai si iek bilachipe kai nasti achadol, ta si pperdi mundaripe.

Rimanenge 2:29-32
[29] O chachuno judio si gua kai kandel e Devle ande po lio, a na ande zakonura manusenge. Gole llene ni blagosin le e manusa, o Del si kai blagosil le.[30] Goleke ¿so mol e manuseke te avel judio? ¿mol la vareso e sirkunsision?[31] Ea, pe suako ezgoda, soke mai anglal lende o Del dia pe alava.[32] Llana kai nesave judiura ni ttode sama katar e Devleke alava, a o Del ni mukla te avel chacho lenchar cheres nesave llene kai ni pachaie.

Rimanenge 2:8-12
[8] ta ka dukkavel jolinaia golen kai roden e chingar, ta kai ni kamen te cheren o lachipe.[9] Ka avel duk ta patnia sa golenge kai cheren o bilachipe, mai anglal e judionenge ta i golenge kai inai judiura.[10] A o Del ka del baripe pachiu ta e pas sa golen kai cheren o lachipe, mai anglal e judionen ta i e llenen kai inai judiura.[11] Soke angla o Del inai ni iek mai lacho averetar.[12] Sa gola kai cherde o bilachipe ta ni pinllarena o zakono e Moiseseko ka jasaon bi e zakonoia; a gola kai cheren o bilachipe ta si len o zakono e Moiseseko, isto gole zakonoia ka aven krisime.

Efežanenge 6:12-16
[12] Soke ni mara amen manusenchar kai si sargo amen, amen mara amen duonenchar kai si zurale ta bilache kai si katar o miloso, kai von gazdarin ta charoin po sueto katar o truñariko kai si truial amendar.[13] Goleke len sa e patave sastrune kai o Del dia tumen, te sai terpin ando llive bilacho, ta kana ka aven lacharde sukar, te achen zurale.[14] Goleke achen zurale, furiade e chachimaia.[15] Llan vrenimaia te ppenen e lachi viasta katar e pas.[16] Ta ttoven angla tumende o pachape te mundaren sa e fleche ppabarde kai chudel ande tumende o llavolo.

Rimanenge 7:19-25
[19] Soke ni cherau o lachipe kai mangau te cherau, a o bilachipe cherau kai ni kamam te cherau.[20] Akana te cherau so ni kamam te cherau, ni sem me ko cherel le, ko cherel le si o bilachipe kai si ande mande.[21] Ondaka acharau kai i te mangava te cherau o lachipe, samo o bilachipe si mange po va te cherau.[22] Andre ande mo lio drago mange o zakono e Devleko,[23] a me acharau ande mi esnaga aver zakono kai marelpe ande mi golli me mislonenchar, ta inllarel man ppanglo kai o zakono e bilachimako.[24] ¡Tesko mange! ¿Ko ka braduil man katar gaia esnaga merimaki?[25] Fala dau e Devle katar amaro Gazda o Jesukristo. A isto me mislonenchar sem esluga katar o zakono e Devleko. Blagosiu o zakono e Devleko a ando mas kandau o zakono e bilachimako.

Matuš 13:36-43
[36] Ondaka kana o Jesus mukla e llenen ta dia ando cher, avile pasa le leke disipulura ta ppende leke: Sikau amen so ppenel e paramichi katar e patra e bilache.[37] O Jesus ppenda lenge: “Gua kai chudel e lachi simicha, si o Chavo e manuseko.[38] E umal si o sueto; e lachi simicha si e chave e charoinake, a e bilache patra si e chave e bilacheke.[39] O dusmano kai chudia e bilachi simicha si o llavolo; o vreme kana chidelpe o lliu si kana ka avel o son e ppuviako, a e llene kai chiden o lliu si e suechura.[40] Goleke, gia sar chidelpe e bilache patra ta ppabardon ande iag, isto gia ka avelpe kana ka avel o son e ppuviako.[41] O Chavo e manuseko ka bichalel pe suechonen, ta ka chiden katar pi charoina sa golen kai cheren te peraven averen ta golen kai cheren o bilachipe,[42] ta ka chuden len ande furnava iagaki; kote ka avel o roipe ta e bari dar.[43] Ondaka e llene chache ka klichin sargo o kkam ande pe Dadeki charoina. Ko si le kan te asunel.

1 Timoteoske 6:2-10
[2] A gola kai lengo gazda pachal morabi te na jasaren lea o liubao samo soke si tumaro pplal ando pachape. Morabi te radin lenge ios mai sukar, soke tumen volin len ta soke i von pachan. Sikau ta de gaia orba:[3] Vareko te sikavela iek sikadipe kai niko ni pinllarel, ta ni pachal ando sasto sikadipe katar o Gazda o Jesukristo ta ni ande so sikavel amaro pachape,[4] gua lleno si iek barikano kai ni llanel niso. Gua lleno jalpe ta gua si sargo leko nasualipe, ta goleke e llene murzin, kusenpe, jasaren e vera[5] ta marenpe suako llive e llene kai lenge mislura si melale ta ni pinllaren o chachipe, ta o pachape si lenge iek rado te barvaon.[6] A chachimaia si iek baro barvalipe samo e llenenge kai si vesele ande so si len.[7] Soke niso ni andam ande gava sueto ta niso nasti inllara amenchar;[8] te si amen so te ja ta so te ttova pe amende sai ava vesele.[9] A gola kai mangen te barvaon peren ando zumadipe ta kojadon, ta zelin but ezgode dile kai murin len ta zatril len, ta cherel len te jasaon.[10] Soke o volipe pe love anel suako bilachipe; a si nesave llene kai durile katar o pachape pala o volipe kai si len pe love, ta cherde peke bare nuzde.

Romani Bible 2007
Nuevo Testamento en Romané © Sociedad Bíblica Chilena, 2007