A A A A A

Additional: [Drugs]


Efežanenge 5:18
Na maton, soke e mol inllarel kai o bilachipe; mai sukar pperdon katar o Santo Duo.

Galaťanenge 5:19-21
[19] Sa llana so cheren e llene kai llan pala e bilache ezgode kai mangel e esnaga: cheren o kurvaluko, cheren ezgode pogane ta bilache,[20] blagosin avere delen ta drabaren. Si len joli, ni ttovenpe zanio nikaia, ta joliaon kana avere si le. Joliaon oma, cheren te avel joli, ta te fuladol suako llene pe pi rig.[21] Si lenge joli kana avere si, matarne, drago lenge te jan but ta cheren aver ezgode sargo gala. Ppenau tumenge, isto sar ppendem tumenge omanglal, e llene kai cheren gala ezgode ni ka aven ande charoina e Devleki.

1 Korinťanenge 6:19-20
[19] ¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,[20] soke o Del pochinda tumen. Goleke, morabi te blagosin e Devle tumare esnagaia.

1 Peter 5:8
Arakken tumen ta ttoven sama soke o llavolo llal sargo iek liono divome kai rodel so te jal.

1 Korinťanenge 5:11
So me mangava te ppenau si te na avel tumen ni iek posla e llenenchar kai ikkardon pplal ta cheren o kurvaluko, o si lakomura, o blagosin avere devlen, o den armaia, o si matarne, o si chorane. Gole llenenchar kai si gia te na besen ni te jan.

1 Timoteoske 5:23
Soke but droma nasuao katar cho lli na pi samo pai, pi i iek zalogicha mol.

Zjaveňie 21:8
A e darane, ta e llene kai ni pachan, ta e bilache, ta gola kai mundaren, gola kai cheren o kurvaluko, ta gola kai cheren e chirimate, gola kai blagosin avere delen ta sa e kojamne, ka aven kote kai ppabol e iag ta o asufre, kai gua si o duito meripe.

Zjaveňie 9:21
Ta ni keisaile katar o mundaripe kai cherena ni katar o drabaripe ni katar o kurvaluko ni katar o choripe.

1 Peter 4:7
Akana si pase o son. Goleke arakken tumen ta molintumen but e Devleke.

1 Peter 1:13
Goleke, arakken tumen ta mislin tumen so ka cheren, te aven suako drom orta. Morabi te avel tumen vera kai ande Devleko volipe kana ka irilpe o Jesukristo ka del tumen lachipe.

Zjaveňie 18:23
Ta nikada ios ni ka klichil o villelo katar e lampare ande tute, ta ni ka asundol ios biava ande tute. Soke gola kai chinena ta bichinena kai sea chire, sea e mai zurale pe sogo si o sueto ta kojadan e ppuvien che kojaimaia.”

Matuš 27:34
die le te piel vinagre amime patrenchar cherke; a kana o Jesus zumada ni kamla te piel.

1 Korinťanenge 6:9-19
[9] Na muken te kojavel tumen niko, tumen llanen kai gola kai cheren o bilachipe ni ka avel len ttan ande charoina e Devleki. Gola kai denpe ando kurvaluko, gola kai blagosin avere devlen, ni e murusa kai si sargo diskinie, ni e murusa kai cheren kurvaluko e murusenchar,[10] ni e chorane, ni e lakomura, ni e matarne, ni gola kai den armaia. Ni iek lendar ni ka den ande charoina e Devleki.[11] Ta nesave tumendar sena sargo gala llene; a akana lien o jaladipe santo ta sen llinde chache ando anau e Gazdako o Jesukristo katar o Duo amare Devleko.[12] Nesave llene ppenen gia: “Me sai cherau so me mangau.” Gua si chachipe, a na sa so mangel o manus trubul le. A te cherau so me mangau morabi te na mukau nisavi ezgoda te gazdaril pe ma.[13] Ta i ppenen gia: “O jape si e lleke, ta o lli si e japeke.” A o Del ka zatril e dui ezgode. Amari e esnaga inai te ttovala po kurvaluko soke amari e esnaga si e Gazdake, a o Gazda si e esnagake.[14] Ta gia sar o Del vazdia e Gazda katar o meripe, isto gia ka vazdel amen katar o meripe pe zoriaia.[15] ¿Tumen ni llanen kai suako lleno tumendar si iek kotor katar e kkanlliri kai si e esnaga e Kristoki? Goleke, inai sukar iek kotor katar goia esnaga kai si e kkanlliri e Kristoki te amilpe iekke kurvichkaia,[16] soke te amilpe laia ando kurvaluko, cherdol laia iek esnaga. Soke gia ppenel o Pisipe: “E dui ka aven sargo iek esnaga.”[17] A ko si istardo po Gazda cherdol iek esnaga lea ando Duo.[18] Nasen akana katar o kurvaluko, soke varesavo bilachipe kai cherel o manus ni meliarel pi esnaga, a ko cherel o kurvaluko cherel o bilachipe pe esnagake.[19] ¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,

1 Tesaloničanenge 5:6-8
[6] Inai sam katar e riat ni katar o truñariko, goleke trubul te na sova sargo ogola llene; morabi te acha llungade ta te ava traze.[7] Gola kai soven, soven orachaia, ta gola kai maton, maton orachaia;[8] a amen kai sam e lliveseke, morabi te ava traze. Trubul te arakka amen, ta o pachape ta o volipe te avel pe amende sargo iek kora sastruni, ta o pachape kai ka ava braduime te avel pe amaro soro sargo iek challi sastruni.

1 Korinťanenge 10:13
Tumen ni nakklen iek zumadipe gia baro kai nasti terpilpe. Ta tumen sai pachan ando Del, kai ni ka mukel tumen te nakken gia baro zumadipe kai tumen nasti ka terpin. Goleke, kana ka avel o zumadipe, o Del ka sikavel tumen te sai terpin o zumadipe ta te sai liken letar.

Jan 10:10
“A o chor avel samo te vazdel, te mundarel ta i te zatrisarel; a me avilem te avel tumen but zivoto.

1 Tesaloničanenge 5:6
Inai sam katar e riat ni katar o truñariko, goleke trubul te na sova sargo ogola llene; morabi te acha llungade ta te ava traze.

1 Korinťanenge 6:10
ni e chorane, ni e lakomura, ni e matarne, ni gola kai den armaia. Ni iek lendar ni ka den ande charoina e Devleki.

Titoske 1:7-8
[7] Soke gua kai inllarel angle e kkanlliri leko rado si ande Devleke ezgode, ta goleke leko zivoto morabi te na avel dosardo nikatar, morabi te na istardon ta te na joliaol; te na aven matarne, ta te na marenpe, ta te na lel chari pe bilache ezgode.[8] Morabi te avel pachivalo e llenenchar kai aven te racharen ande leko cher, ta morabi te avel lacho, chacho, santo ta te llanel so cherel.

Titoske 3:1
Ppen e pplalenge te kanden e kralionen ta e sudonen kai gazdarin ando foro, ta te mangen te cheren o lachipe suako llive.

Jan 1:2
Vou saia mai anglal e Devlea.

Rimanenge 13:13
Zivin chachimaia sargo kana si o llivesea. Na ando pipe ni ando kurvaluko, na roda te mara amen, na da orbe bilache, na zivi ande chingar ni ande joli.

Galaťanenge 5:16
Goleke ppenau tumenge: zivin prema o Duo, ta na roden te chaliaren e bilache ezgode kai mangel tumari esnaga.

Rimanenge 13:1-2
[1] Samo o Del si kai del e zor iekke manuse, ta vou si kai dia e zor e charonen kai si amen. Goleke morabi te kanda e llenen kai gazdarin pe ppuv, soke vou ttoda len.[2] Goleke ko ni kamela te kandel e llenen kai gazdarin pe ppuv, ni kamen te kanden so o Del ttoda. A gola kai cherena gia, ka len e duk.

1 Korinťanenge 6:9-10
[9] Na muken te kojavel tumen niko, tumen llanen kai gola kai cheren o bilachipe ni ka avel len ttan ande charoina e Devleki. Gola kai denpe ando kurvaluko, gola kai blagosin avere devlen, ni e murusa kai si sargo diskinie, ni e murusa kai cheren kurvaluko e murusenchar,[10] ni e chorane, ni e lakomura, ni e matarne, ni gola kai den armaia. Ni iek lendar ni ka den ande charoina e Devleki.

1 Peter 5:10
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Filipanenge 1:6
Me llanau kai o Del cherda iek rado but lacho tumenchar ta ka lacharel le ios lligo ni ka irilpe o Jesukristo.

Rimanenge 15:13
O Del kai del o pachape, te del tumen bari veselia ta pas tumen kai pachan ande lete, ta te del tumen but pachape ande zor katar o Santo Duo.

Židenge 12:1
Goleke amen sar si truial amendar pe gachin llene kai sikade po pachape, muka pe iek rig sa so achavel amen ta o bilachipe kai ppariavel amen, ta prasta zoriaia po drom kai si amen angle.

Romani Bible 2007
Nuevo Testamento en Romané © Sociedad Bíblica Chilena, 2007