A A A A A

Additional: [Death Penalty]


Rimanenge 6:23
So pochinel o bilachipe si o meripe; a so del o Del si zivoto ostade ando Kristo Jesus, amaro Gazda.

Skutki 25:11
Te si te merau pala varesavo bilachipe kai cherdem, mundaren man; a te inai chachipe gala ezgode kai dosaren man, niko nasti del man ande lenge va. Me mangau te chinel mange e kris isto o charo.

Zjaveňie 21:8
A e darane, ta e llene kai ni pachan, ta e bilache, ta gola kai mundaren, gola kai cheren o kurvaluko, ta gola kai cheren e chirimate, gola kai blagosin avere delen ta sa e kojamne, ka aven kote kai ppabol e iag ta o asufre, kai gua si o duito meripe.

Rimanenge 13:1-7
[1] Samo o Del si kai del e zor iekke manuse, ta vou si kai dia e zor e charonen kai si amen. Goleke morabi te kanda e llenen kai gazdarin pe ppuv, soke vou ttoda len.[2] Goleke ko ni kamela te kandel e llenen kai gazdarin pe ppuv, ni kamen te kanden so o Del ttoda. A gola kai cherena gia, ka len e duk.[3] Soke e llene kai gazdarin pe ppuv inai ttode te daraven e llenen kai si lache, von si ttode te sai daran lendar e llene kai si bilache.[4] Soke von si ttode te sai radin e Devleke ta te sai pomozin tumen. A te ttovena tumen te cheren o bilachipe morabi te daran, soke o jarni kai von inllaren ni inllarenle te dikkol sukar. Von si ttode te radin e Devleke ta i te dukkaven e llenen kai cheren o bilachipe.[5] Goleke tumen morabi te kanden e llenen kai gazdarin pe ppuv, na samo pala e dar te na dukkaven tumen, soke gua si so trubul te cherdol.[6] E llene kai gazdarin pe ppuv radin e Devleke, gua si so morabi te cheren. Goleke tumen pochinen e love kai mangen e charura.[7] Trubul te pochinen suakone lleneke so morabi te pochinen. Te si te pochine love, pochinenle; kake te si pochinen e love kai mangen e charura, pochinenle; ka si te den liubao, den le.

Jan 8:3-11
[3] Ondaka e kovacha e zakonoke ta e fariseura ande lete iekke diskinia kai maladea ando kurvaluko, ta ttode la po maskaral katar sa e llene,[4] ta ppende leke: —Kovachi, maladam gale diskinia kana cherela kurvaluko.[5] Ando zakono, o Moises ppenel amenge te mundara barrenchar gale diskinien. ¿A tu so ppene?[6] Von ppenena gava te zumaven le, te sai dosaren le. A o Jesus bangilo ta ttodape te pisil pe ppuv e naiea.[7] Ta sar von puchena le but droma, ortosailo ta ppenda lenge: —Te chudel o purvo barr ko tumendar ni cherda bilachipe.[8] Ta pale bangilo ta i pale ttoda te pisil pe ppuv.[9] Kana von asunde gava achardepe dosale ta ttode te llantar iek pala iek, katar o mai purano llik kai o mai terno. Kana o Jesus dikkla kai achilo samo vou ta e diskinia kai achilia po maskaral,[10] ortosailo ta puchla la —Chei ¿kai talen gola kai dosarena tut? ¿Niko ni dosarel tut?[11] Voi ppenda: —Ea Gazda niko ni dosarda man. O Jesus ppenda lake: —Ni me ni dosarau tut; llatar ta na cher ios bilachipe.

Matuš 5:17
Na mislin tumen kai avilen te ppagau o zakono o e porauken; ni avilen te ppagau len; avilem te kandau len.

Matuš 5:38-39
[38] Tumen asunden kai ppendo si: ‘Iak pe iak, ta dan po dan.’[39] A me ppenau tumenge: terpisar gole lleneke kai cherda chuke varesavo bilachipe. A vareko te chalavela tut pe chi cham e chachi, boldiniao ta ttou i o goia.

Rimanenge 12:19
Na ttoven kasti e llenenge kai dukkade tumen, muken len ande Devleke va, soke ando Pisipe ppenel: “Murni si e buchi te chinau e kris ta te dau e duk e bilachen, ppenel o Gazda.”

Rimanenge 13:9
E zakonura ppenen: “gala ta i ogola zakonura achen ande alava: Volisar avere sar voli tu tut.”

Matuš 7:5
¡Manus kojamno san! mai anglal ikan o kas kai si ande chiri iak, ta ondaka ka dikke sukar te ikane e truña katar e iak che pplaleki.

Rimanenge 5:8
A o Del sikavel po volipe karing amende, i ando vreme kana amen sama bilache, o Kristo mulo pala amende.

Lukaš 23:33
Kana avile kote kai ikkardol o ttan e kokalengo, krustosarde e Jesuse ta duie bilache llenen, iek pe leki chachi ta ogole pe leko estingo.

Matuš 7:1
“Na krisin te na aven krisime.

Romani Bible 2007
Nuevo Testamento en Romané © Sociedad Bíblica Chilena, 2007