A A A A A

Additional: [Broken Heart]


1 Korinťanenge 13:7
Ka si le volipe sai prostil suako ezgoda, sa sai pachal, sa sai aduricharel, ta sa sai terpil.

1 Peter 5:7
Muken ande Devleke va sa tumare brige, soke vou arakkel tumen.

2 Korinťanenge 5:7
Akana nasti dikka le, goleke zivi istarde katar o pachape;

2 Korinťanenge 12:9
a o Gazda ppenda mange: “Tut trubul samo mo volipe; soke mi zor sikadol ando kovlipe.” Goleke mange si mai sukar te faliu man ande mo kovlipe, gia te avel pe mande e zor e Kristoki.

Židenge 13:5
Na zivin brigime katar e love; morabi te aven vesele e ezgodenchar kai si tumen, soke o Del ppenda: “Nikada ni ka mukau tut korkorre.”

Jan 3:16
“Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Jan 12:40
“O Del korrada lenge akka ta zuriarda lengo lio, te na dikken te na acharen; te na keimpe, a me te sastarau len.”

Jan 14:1
“Te na tristolpe tumaro lio. Pachan ando Del, pachan i ande mande.

Jan 14:27
“E pas mukau tumenge. Murni pas dau tumen; ni dau la tumenge gia sar del la o sueto. Te na tristolpe tumaro lio, na daran.

Jan 16:33
Sa gala ezgode ppendemlem tumenge te avel tumen pas ande mande. Ando sueto ka avel tumen brige, A vazden tumari vera soke me dobisardem e sueto.

Lukaš 24:38
A o Jesus ppenda lenge: —¿Soke daran? ¿Soke inai tumen pachape ande tumare lie?

Marek 11:23
Soke chachimaia ppenau tumenge, kai varesavo lleno te ppenela gale burdoke: “Le tut kotar, ta chude tut ande mora,” ta te pachala ande po lio kai gua sai avelpe, ta pachala kai so ppenda ka cherdol, ondaka gia ka avelpe.

Matuš 5:8
Blagosime gola kai lengo lio si chisto, soke ka dikken e Devle.

Matuš 11:28
Aven mande sa gola kai sen radime ta kai inllaren pparipe, ta me ka cherau te lelpe tumendar o chiñipe.

Zjaveňie 21:4
Ta o Del ka kosel sa lenge ausa, ta ni ka avel ios o meripe, ni o roipe, ni o kukipe, ni e duk, soke e purve ezgode nakkle.”

Rimanenge 8:28
Llana kai o Del lacharel sa e ezgode po lachipe golenge kai volin le, golenge kai vou ikkarda gia sar vou mangla.

Rimanenge 12:2
Ta na zivin ios sar zivil o sueto; mai sukar si te pparrudon tumare mislura ta tumaro zivoto soke gia ka llanen savi si e volia e Devleki, ta so mangel si lacho posteno orta ta chacho.

1 Korinťanenge 6:19-20
[19] ¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,[20] soke o Del pochinda tumen. Goleke, morabi te blagosin e Devle tumare esnagaia.

Filipanenge 4:6-7
[6] Na brigin tumen katar niso, molintumen ta ppenen sa tumare brige e Devleke; mangen letar ta den le fala.[7] Ta o Del ka del tumen pi pas kai si gia bari kai o sueto nasti acharel la, ta goia pas ka arakkel tumaro lio ta tumare mislura cheres o Kristo Jesus.

Matuš 11:28-30
[28] Aven mande sa gola kai sen radime ta kai inllaren pparipe, ta me ka cherau te lelpe tumendar o chiñipe.[29] Kanden mo zakono ta sikon mandar kai ni istardivau ta mo lio si kovlo ta manchar ka lelpe tumendar o chiñipe.[30] Soke mo zakono sai inllardol ta inai pparo.”

Romani Bible 2007
Nuevo Testamento en Romané © Sociedad Bíblica Chilena, 2007