A A A A A

Additional: [Tattoos]


1 Korinťanenge 6:18-20
[18] Nasen akana katar o kurvaluko, soke varesavo bilachipe kai cherel o manus ni meliarel pi esnaga, a ko cherel o kurvaluko cherel o bilachipe pe esnagake.[19] ¿A tumen ni llanen kai tumari esnaga si o cher katar o Santo Duo kai o Del dia tumen, ta kai o Santo Duo zivil ande tumende? goleke ni sen gazda pe tumende,[20] soke o Del pochinda tumen. Goleke, morabi te blagosin e Devle tumare esnagaia.

Zjaveňie 19:16
Ta pe leke patave ta pe leki chang si pisime gava anau: “Charo e charonengo ta Gazda e gazdengo”

1 Korinťanenge 10:23-31
[23] Nesave tumendar ppenen: “Me ni sem ppanglo me sai cherau so me mangau.” A but droma na sa so mangel o manus si lacho, ta na sa bariavel o pachape e manusengo.[24] Niko te na rodel peke o lachipe, mai sukar si te rodel o lachipe averenge.[25] Kana ka llan kote kai bichinen mas jan katar sa so bichinen ta na mislin tumen katar avel gua mas.[26] Soke e Gazdaki si e ppuv ta sa so si ande late.[27] Vareko kai ni pachal te ikkarela tumen te jan, ta tumen mangen llan, jan katar sa so ttovela tumenge, ta na brigin tumen dal sai jalpe o iok.[28] A kana vareko te ppenela tumenge: “Gava mas diele kurbano avere devlenge”, ondaka te na jan, cheres o lleno kai ppendale ta cheres leko mislo.[29] Dau orba cheres o mislo ogolengo, na cheres tumaro mislo.[30] A me te dau fala e Devle cheres o jape ¿soke dosaren man kana dau fala pala gua jape?[31] Goleke te jana o te piena, o te cherena aver ezgoda, cherenle sa te blagosin e Devle.

Efežanenge 5:10
Goleke mislin tumen so si drago e Gazdake.

1 Korinťanenge 3:16-17
[16] ¿A so, ni llanen kai sen o cher e Devleko ta kai o Duo e Devleko zivil ande tumende?[17] Vareko te zatrila o cher e Devleko, o Del ka zatril le, soke o cher e Devleko si santo ta gua cher e Devleko sen isto tumen.

1 Korinťanenge 9:27
Me dukkavau mi esnaga te sai cherau la te kandel man pe zor te na avau me ikando katar o prastipe kana me sikadem averen.

Rimanenge 12:1
Goleke pplalalen, pala o volipe kai si e Devle pala tumende, mangau tumendar te ttoven tumen te radin leke sa tumare zivotoia ta te cheren so si leke drago. Gia si sar morabi te blagosi le.

Romani Bible 2007
Nuevo Testamento en Romané © Sociedad Bíblica Chilena, 2007