A A A A A

Additional: [Revival]


Jakob 4:8
Aven pasa o Del, ta vou ka avel pasa tumende. ¡Jalaven tumare va, tumen kai sen duie misloke! ¡Chiston tumaro lio, tumen kai mangen te volin e Devle ta i e sueto!

Skutki 2:17-18
[17] ‘Ande llivesa kai si te aven mai angle kana ni ka achel but vreme, o Del ppenel, ka dau mo Duo sa e sueto; tumare chaurre ta tumare chorra ka ppenen murne porouke, tumare chave ka dikken so si te avelpe, a e ppure ka dikken sune.[18] Ta i pe me esluge, murus ta diskinie ka dau mo Duo ande gola llivesa, ta ka ppenen poroke ande mo anau.

2 Timoteoske 4:3-4
[3] Soke ka avel o llive kai e llene ni ka mangen te asunen o lacho sikadipe ta ka roden bute kovachen te den lenge e orbe kai von mangen te asunen.[4] Ni ka ttoven sama e chachimake ta ka pachan ande paramiche.

Efežanenge 5:14
Goleke iek lleno pisisarda gia: “Llungado tu kai sove; uste katar o meripe, ta o Kristo ka ttovel pe tu po villelo.”

Matuš 6:33
Goleke, roden mai anglal e charoina e Devleki ta leko chachipe, ta i sa gala ezgode ka aven tumenge dine.

Skutki 2:38
O Pedro ppenda lenge: —Irin tumen kai o Del ta te kristin tumen suako lleno ande Jesukristoko anau, te sai o Del prostil tumaro bilachipe, ta gia vou ka del tumen o Santo Duo.

Skutki 3:19-21
[19] Goleke, irin tumen kai o Del ta muken tumaro bilachipe, te sai vou kosel tumaro bilachipe[20] ta o Gazda te bichalel e Jesuse, kai si o Mesias kai saia chinado tumenge mai anglal.[21] A akana si mai preche te achel o Jesus ando miloso llik kana o Del ka ttovel suako ezgoda po ttan gia sar ppendale katar pe sante porauke kai zivisarde dumut palpale.

Lukaš 15:7
Ppenau tumenge kai isto gia si mai but veselia ando miloso pala iek lleno bilacho kai del pe kai o Del neko pala iniavardes ta inia llene chache kai ni trubul len te irinpe katar pe bilache droma.

Marek 1:15
ta ppenela: “Avilo o vreme ta e charoina e Devleki si pase; irin tumen karing o Del ta pachan ande lachi viasta.”

Matuš 3:6
Ta ppenena sa po bilachipe, ta o Juan kristisarela len ando pai katar e len kai ikkardol Jordan.

Matuš 11:20-24
[20] Ondaka lia o Jesus te dosarel e foronen kote kai vou sastardaia bute llenen, soke ni irisailea katar pe bilache droma. Ta ppenela gia:[21] “¡Tesko chuke, Korazin! ¡Tesko chuke Betsaida! Soke te cherdilea ando Tiro ta ando Sidon e bare ezgode Devlikane kai cherdile tumende, von ollikana irisailea katar pe bilache droma ande patave zalosne ta chudiea prajo pe po soro.[22] Goleke, ppenau tumenge kai ando llive e krisako tumen ka aven mai dukkade neko e llene katar o Tiro ta katar o Sidon.[23] A tu, foro katar o Kapernau, ¿misli kai ka ave vazdino llik ando miloso? Ka fulie llik kai e charoina e merimaki; a te cherdilea ande Sodoma e bare ezgode Devlikane kai cherdile ande tute, llik ande gala llivesa e Sodoma achilia.[24] Goleke ppenau tumenge kai ando llive e krisako ka avel mai bari chi duk neko e Sodomaki.”

1 Peter 4:17
A akana si o vreme kana o Del ka chinel e kris saurrenge, ta mai anglal ka krisil pe foro. A te si gia, kai amen kai sam leko foro nakka patnia ¿sar ka avel golenge kai ni kanden e viasta e Devleki?

1 Peter 5:10
A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Efežanenge 1:18
Mangau e Devletar te putarel tumaro mislo te sai llanen savo si o braduipe kai sen ikkarde, gia baro si o barvalipe kai ka del o Del pe foro kai si santo.

Rimanenge 6:4
Kana sam kristime mera ta sam prajome lea. Ta mera te sai usta katar o meripe ta te zivi iek zivoto nevo, gia sar o Jesus ustilo katar o meripe pala e bari zor e Dadeki.

Romani Bible 2007
Nuevo Testamento en Romané © Sociedad Bíblica Chilena, 2007