A A A A A

Additional: [Helping the Poor]


Galaťanenge 2:10
Samo mangle amendar te pomozi e chorren, a me ollikana ttovau sama gole ezgodake.

Matuš 19:21
O Jesus ppenda leke: Te mangea te ave chachimaia orta, lla bichin so si tut ta dele e chorrenge. Gia ka avel tut barvalipe ando miloso. Ondaka aide ta lla pala ma.

Lukaš 12:33-34
[33] Bichinen so si tumen, ta den golen kai trubul len. Cheren tumenge anbave kai ni ka pparradon ta barvalipe ando miloso kote kai inai o son, kai o chorano nasti del andre ta kai ni e papuruge nasti zatril.[34] Soke kote kai si tumaro barvalipe, i kote ka avel tumaro lio.

Lukaš 14:12-14
[12] Ta i ppenda e lleneke kai ikkarda le: —Kana ka chere iek jape na ikkar che amalen, ni che pplale, ni che familia ni e barvale llene kai zivin pasa tu; soke i von ka ikkaren tut ta gia ka pochinen chuke.[13] Mai sukar si kana ka chere iek jape, ikkar golen kai inai len love, e llenen kai inai len porrne kai si korre;[14] ta ka ave veselo. Soke von nasti pochinen chuke, a chuke ka pochindol o llive kana e llene lache ka usten katar o meripe:

Lukaš 6:20-21
[20] O Jesus dikkla pe disipulura ta ppenda lenge: “Blagosime tumen e chorre, soke tumari si e charoina e Devleki.[21] “Blagosime tumen kai akana sen bokkale, soke ka achen chalie. Blagosime tumen kai akana roven, soke mapalal ka asan.

2 Korinťanenge 8:9
Tumen llanen kai amaro Gazda o Jesukristo, pala o volipe kai si le pala tumende cherdilo chorro kana vou saia barvalo, ta gia cheres leko chorripe tumen te cherdon barvale.

Jakob 2:5
Pplalalen, asunen gava: O Del esvirisarda e chorren katar gava sueto te aven barvale ando pachape, ta te len e charoina kai vou ka del golen kai volin le, soke gala si e alava kai vou mukla;

Marek 14:7
Soke e chorre ka aven tumenchar suako llive, ta sai ka pomozin len kana tumen mangena; a me ni ka avau tumenchar sa o vreme.

Lukaš 6:38
Den averen, ta o Del ka del tumen. Ka del tumen so trubul tumen. Isto gia sar tumen den averen, o Del ka del i tumen.”

Matuš 5:42
A vareko te mangela tutar vareso, de le; a vareko te mangela tutar unllile, na ppen leke iok.

Jakob 1:27
O pachape chachuno angla o Del o Dad si gava: te pomozi e minonen kai anai len ni dad ni dei; te pomozin e ppivlien kana nakken nuzde, ta te arakkenpe katar o bilachipe kai si ando sueto.

1 Jan 3:17
Soke fiko te avel barvalo ta dikkel kai leko pplal si chorro ta ni pomozil le, ¿sar ka avel ande le o volipe e Devleko?

Matuš 25:31-46
[31] “Kana o Chavo e manuseko ka avel maskaral katar o villelo ta sa leke suechura, ka besel pe po trono barimako.[32] E manusa katar sa e ppuvia ka chidiniaon angla le, ta vou ka fulavel iek avere, sargo o chobano kai fulavel e bakren katar e busne.[33] Ka ttovel e bakren pe pi rig e chachi a e busnen pe po stingo.[34] Ta o charo ka ppenel golenge kai si pe leki rig e chachi: ‘Aven tumen kai sen blagosime me Dadetar; len e charoina kai si cherdi tumenge sar katar o Del cherda e sueto.[35] Soke sema bokkalo, ta tumen dien man te jau; sema trusalo, ta tumen dien man te piau; sema sargo iek lleno kai inai le kai te sovel, ta tumen dien man kai te sovau.[36] Ni saia man patave, ta tumen dien len mange; sema nasualo, ta tumen avilen mande; sema ande rubie, ta tumen avilen te dikken man.’[37] Ondaka e llene chache ka puchen le: ‘Gazda, ¿Kana dikklam tut bokkalo, ta diam tut te ja? ¿A kana dikklam tut trusalo, ta diam tut te pie?[38] ¿A kana dikklam tut kai tut ni saia kai te sove, ta diam tut kai te sove, o kai ni saia tut patave, ta diam len chuke?[39] ¿A kana dikklam tut nasualo o ande rubie, ta llelam te dikka tut?’[40] O charo ka ppenen lenge: ‘Chachimaia ppenau tumenge kai sogo cherden pala iek katar me pplal ka si mai prosto, isto mange cherden le.’[41] “Ondaka o charo ka ppenel golenge kai si pe leko stingo: ‘Llantar mandar tumen proketime; llantar ando tufano ostade cherdo e llavoloke ta i leke suechonenge.[42] Soke sema bokkalo, ta tumen ni diem man te jau; sema trusalo, ta tumen ni dien man te piau;[43] ni saia man kai te sovau, ta tumen ni dien man kai te sovau. Ni saia man patave, ta tumen ni dien len mange; sema nasualo, ta ande rubie, ta tumen ni avilen mande.’[44] Ondaka von ka puchen le: ‘Gazda, ¿Kana dikklam tut bokkalo, trusalo, bi patavengo, nasualo, ande rubie, ta ni pomozisardam tut?’[45] O charo ka ppenel lenge: ‘Chachimaia ppenau tumenge kai sa e ezgode kai ni cherden pala iek katar gala llene mai proste, ni mange ni cherden le.’[46] Gala ka llan kai e duk ostade, a e chache ka llan kai o zivoto ostade.”

Skutki 20:35
Ta sa o vreme sikadem tumen kai gia si sar trubul te radi ta te pomozi golen kai trubul len, ta te da amen golli katar gola alava kai o Gazda o Jesus ppenda: ‘Mai but veselia si kana de neko kana le.’ ”

Lukaš 3:11
O Juan ppenda leke: —Gole kai si le dui gada, si te del gole kai inai le ni iek; ta gole kai si le jape, morabi te del gole kai inai le.

Efežanenge 4:28
Gua kai vazdela te na vazdel ios ta te ttovelpe te radil ta te cherel iek lacho rado pe vastenchar, te sai avel le vareso te del e llenen kai trubul len.

1 Jan 3:17-18
[17] Soke fiko te avel barvalo ta dikkel kai leko pplal si chorro ta ni pomozil le, ¿sar ka avel ande le o volipe e Devleko?[18] Chavalen, te na avel amaro volipe samo alava, morabi te sikadol gua volipe katar so chera chachimaia.

Matuš 25:40
O charo ka ppenen lenge: ‘Chachimaia ppenau tumenge kai sogo cherden pala iek katar me pplal ka si mai prosto, isto mange cherden le.’

Galaťanenge 6:2
Pomozisaren tumen maskar tumende kana ka aven ande nuzda ta gia ka kanden o zakono e Kristoko.

Židenge 13:16
Na bristaren tumen te cheren o lachipe ta te pomozin averen soke gala si e kurbanura kai si drago e Devleke.

Rimanenge 12:13
Pomozin e pplalorren kai si chorre; len e llenen kai aven duratar ande tumare chera.

Lukaš 3:10-11
[10] Ondaka e llene puchle le: —¿So morabi te chera?[11] O Juan ppenda leke: —Gole kai si le dui gada, si te del gole kai inai le ni iek; ta gole kai si le jape, morabi te del gole kai inai le.

Romani Bible 2007
Nuevo Testamento en Romané © Sociedad Bíblica Chilena, 2007