| 1 Korinťanenge 6:12 |
| Sa si mange slobodo, numa sa či trubul man; sa si mange slobodo, numa či mukav ma t'avav sluga khančeske. |
|
| 1 Korinťanenge 10:7 |
| Na aresen te patian le kavre dela, sar uni anda lende, sar si ramome: O narodo bešlo te xal ai te pel; porme uštilo te khelel pe. |
|
| 1 Korinťanenge 15:32 |
| Te si pala o zakono manušesko ke me mardem ma pe e žigania ande o Efeso, so nirisardem me? Te le mule te na živindina, xas ai pias, ke tehara ame meras. |
|
| Filipanenge 3:19 |
| Lengo getomos avela o xasarimos; len si le sar del lengo dji, von thon pengo vestimos ande so si lengo lažiav, von den pe godji ferdi ka le dieli la phuviake. |
|
| Rimanenge 13:14 |
| Numa thon pe tumende sar tsalia o traio nevo ande o Jesus Kristo o Rai, ai na len sama katar o mas te kerel so vo kamel. |
|
| Titoske 1:12 |
| Jekh anda lende, lengo profeto, phendias: Kretanuri sakda si xoxamne žigeni nasul, peřa khaile. |
|
| 1 Korinťanenge 6:19-20 |
| [19] Či žianen tume ke tumaro stato si o templo katar o Svinto-Duxo kai si ande tumende, kai tume lian katar o Del, ai ke tume či san bare pe tumende?[20] Ke tume sanas kjinde pe jekh baro prešo. Luvudin kadia le Devles ande tumaro stato ai ande tumaro duxo, kai si le Devleske. |
|
| Rimanenge 14:13-17 |
| [13] Te na mai das ame kris jekh kavres; numa den tume godji mai but te na keres khanči t'avel ke tjiro phral miškil pe vai te perel ande e bezex.[14] Me žianav ai me sim siguro katar o Rai Jesus ke khanči nai mahrime ande peste, numa jekh diela si mahrime kudaleske kai gindil ke si mahrime.[15] Numa te, pala jekh xamos kai xas, nekežisares tjire phrales nai či jekh kamimos ande tute, katar tjiro xamos, xasares kudales pala savo o Kristo mulo.[16] So si mišto tute či trubul te avel jekh diela le avrenge te phenen nasul pa tute.[17] Ke e amperetsia le Devleski nai o xamos ai o pimos, numa e kris, e patia ai e veselia, katar o Svinto Duxo. |
|
| 2 Timoteoske 3:1-9 |
| [1] Te žianen ke ande le mai paluno dies, avela vramia trudno.[2] Ke le manuš avena barimatange, vortača le lovenge, luvudina pe, dena opral, prasana, buntuina-pe pe penge niamuri, či naisina, či patiana,[3] zurale, nai čače, ningerena divano, či řibdina, bengeske, dušmaia le ženenge kai si laše,[4] Nai laše, bariarena pe, phukiona ande le barimata, drago lenge avela o traio mai but sar o Del,[5] sikavena pe avrial sar ke si len amaro patiamos numa dena palpale leski zor. Žia dur katar kudala manuš.[6] Si maškar lende kai aven ande o kher, ai kai diliaren le žiuvlian kai si le jekh duxo kovlo ai kořo, pherde bezexa, miškin pala sako diela,[7] sakda sikion ai šoha naštin t'aresen te žianen o čačimos.[8] Sa jekh fialo sar ke o Janes ai o Jambres thode-pe pe o Moše, sa jekh fialo kudala manuš či žianen o čačimos, lengi godji si rimome, dine palpale anda so si o patiamos.[9] Numa von či žiana mai angle; ke lengo dilimos dikhena les sa, sar dikhenas o dilimos katar o Janes ai o Jambres. |
|
| Romani Bible 2004 |
| © Alliance Biblique Française 2004 |