A A A A A

Life: [Temptation]


Jakob 1:13-18
[13] Ke khonik, kana si zumado, te na phenel: O Del si kai zumavel ma. Ke o Del naštil te avel zumado katar o nasul, ai vo či zumavel khanikas.[14] Numa sako si zumado kana si lino ai astardo katar so vo kamel.[15] Porme so kamel, kana si gata, del e bezex; ai e bezex, kana getol pe, del e martia.[16] Te na šibin tume, muře phral dragi:[17] sa o mai lašio mištimos ai sa o mai lašio dinimos vulel de opral, katar o Dad la vedariako, kaste nai pařudimos ai či kerniol pe te kerel ušialin.[18] Vo kerdias amen sar vo kamlias, katar e vorba le čačimaski, eta t'avas sar te phenas le mai angluni kai si kerde lestar.

Lukaš 22:40
Kana vo areslo ande o than, vo phenel lenge: Řudjin, eta te na peren ande o zumaimos.

Jan 8:6
Von phenenas kudia te zumaven les, eta te thon pe leste beda. Numa o Jesus, bangilo, ramolas pe e phuv le naiesa.

Matuš 6:13
Na zumav amen, numa skipisar amen katar o xitro. Ke tuke si, ande sa le berš kai avena, e amperetsia, e zor ai o vestimos. Amen.

Lukaš 11:4
Jertisar amenge amare bezexa, ke vi ame jertisaras kudalenge kai den ame pe o lažiav; ai na zumav ame.

Lukaš 4:13
Pala ke zumadias les sako fialo, o beng durilo lestar žikin či arakhela vramia mai laši.

1 Korinťanenge 7:2
Numa, te las sama te na avel e kurvetsia, ke sako t'avel les leski řomni, ai ke sako řomni t'avel la lako řom.

1 Korinťanenge 10:13
Či jekh zumavimos kai zumade ame či avilo te nas katar le manuš, ai o Del, kai si čačo, či mukela tumen te zumaven tumen mai but sar si tumari zor; numa le zumamasa vo lašiarel vi sar tume t'anklen avri, eta ke tume te šai ninkeren.

Matuš 4:7
O Jesus phenel leske: Vi mai si ramome: Tu či zumavesa le Bares, tjiro Del.

Marek 8:11
Le Farizianuri avile, ai thode pe te den duma le Jesusosa, ai te zumaven les, mangle lestar t'avel jekh semno anda o čeri.

Matuš 22:18
O Jesus, žianelas lengo nasulimos, del palpale: Sostar zumaven man tume, athaitoria?

Jakob 4:1-4
[1] Katar aven le marimata, ai katar aven le čingara maškar tumende? Nai ke katar so tume kamen kai maren pe ande tumende?[2] Tume kamen vareso, ai tumen nai tume; tume san mudarimaske ai kamen te len; tumen si tume čingara ai marimata, ai tumen nai tume, ke tume či mangen.[3] Tume mangen, ai tume či len, ke tume či žianen sar te mangen, ke tume kamen te keren pe tumari.[4] Kurvaria kai tume san! Či žianen tume ke o kamimos la lumiako nai drago le Devleske? Kudo kai kamel t'avel vortako la lumiako si dušmano le Devlesko.

1 Peter 4:12
Muře kuč, te na avel tumenge šodo, sar jekh diela šodo kai aresel tumenge, anda e pařa kai si maškar tumende te zumavel tumen.

2 Peter 2:9
kadia o Baro žianel sar te skipil katar o zumadimos le manušen kai patian, ai te thol rigate te garavel kon nai vorta t'aven dine strafo o dies kai avela kris,

Galaťanenge 4:14
Ai simas zumado ande muřo mas, tume či sikadian či vuřetsia či griatsia; tume sikadian mange, aver fialo, lian ma sar jekh andželo le Devlesko, sar o Jesus Kristo.

1 Tesaloničanenge 3:5
Kadia, sar me našti mai ažiukeravas, me tradem le Timoteo te žianav sar si tumaro patiamos, daratar ke kudo kai zumavel te na zumavel tumen, ai ke ame si te kerdiam butji pe intaino.

1 Timoteoske 5:8
Te si varekon ke či lel sama katar peske niamuri, ai mai but katar kudala ande peski familia, vo del palpale pesko patiamos, ai vo si mai nasul sar kudo kai či patial.

1 Timoteoske 6:9
Numa kudala kai kamen te barvavon peren ande o zumaimos, ande e kletka, ai ande le but kamimata dile ai žiungale kai tason le manušen ande o čořimos ai ande o xasarimos.

Romani Bible 2004
© Alliance Biblique Française 2004