A A A A A

Life: [Parenting]


Kološanenge 3:21
Dada, na xoliaren tumare glaten, daratar ke na peren tele.

Efežanenge 6:4
Ai tume, dada, na xoliaren tumare glaten, numa len sama lendar te lašiaren le ai te sikiaren le sar si o Baro.

Židenge 12:11
Čačes si ke sako marimos miazol angla savořende jekh diela nekežime, ai na e veselia; numa del mai palal kudalenge kai sas kadia sikiarde jekh fruta kovli la krisaki.

Matuš 6:33-34
[33] Roden mai angluno e amperetsia ai e kris le Devleski; ai sa kudala dieli avena tumenge dine opral.[34] Na daran so avela tehara; ke tehara o dies lela sama pestar. Sako dies si les pesko kjinuimos.

Filipanenge 4:6-7
[6] Te na daran khančestar; numa anda sa le dieli keren te žianel o Del so trubul tumen katar le řudjimata ai le mangimata, te naisin les.[7] Ai e patia le Devleski, kai si mai but sar sa le godia, arakhela tumare ile ai tumare ginduri ande o Jesus Kristo.

1 Peter 5:2-3
[2] Len sama katar le bakroře le Devleske kai tume arakhen le, na pe e zor, numa anda tumende, sar kamel o Del; na pe jekh nirimos intaino, numa dragostiasa;[3] na t'aven bare pe kudala kai si tumare te len sama, lendar numa te sikaven tume sar jekh modelo lenge.

Skutki 2:38-39
[38] O Petri phenel lenge: Kein tume, ai ke sako anda tumende t'avel amboldo ande o anav le Jesus Kristosko, te jertil tumare bezexa; ai tumen avela dino o Svinto Duxo.[39] Ke so si t'avel tumenge si šinado, tumare glatenge, ai pe sa kudala kai si dur, kadia but kai o Baro amaro Del akhardias len.

2 Timoteoske 3:14-16
[14] Tu, beš ande le dieli kai sikilian ai kai si tuke drago; žianes katar tu sikilian;[15] de tsinořara, tu žianes le svintsi lila, kai šai daštin te godiaveren tu te skipis tu katar o patiamos ande o Jesus Kristo.[16] Sa o Ramomos avel katar o Del, ai si lašio te sikiarel, o čačimos te sikavel te lašiaren, te sikiarel te train ande e kris,

Efežanenge 6:1-4
[1] Glati, patian o mui tumare niamongo, sar si o Baro, ke kadia si vorta.[2] De pativ tjire dades ai tjira da si e mai angluno poronka kai phenel so si t'avel mai angle,[3] eta ke tu t'aves veselo ai ke tu te trais but pe e phuv.[4] Ai tume, dada, na xoliaren tumare glaten, numa len sama lendar te lašiaren le ai te sikiaren le sar si o Baro.

Židenge 12:7-11
[7] Ninkeren o štrafo: si sar šiave ke o Del kerel tumensa; ke savo si o šiav ke lesko dad či marel les?[8] Numa te na san marde sar sa leske šiave tume san kadia glati mastevi, ai na šiave čače.[9] Aver fialo, sar amare dada le maseske marde amen, ai ke ame či phendiam khanči, či trubula ame te mukas ame ka o Dad le duxosko, t'avel amen o traio?[10] Amare dada marenas ame pe jekh tsiřa dies, sar sas lenge mišto; numa o Del marel ame pe amaro mištimos, eta t'avas lesa ka lesko svintsimos.[11] Čačes si ke sako marimos miazol angla savořende jekh diela nekežime, ai na e veselia; numa del mai palal kudalenge kai sas kadia sikiarde jekh fruta kovli la krisaki.

Titoske 2:2-8
[2] Phen ke le phure, trubul te bešen striazo, pativale, kovle, svintsi ande o patiamos, ande e mila, ande o ažiukerimos.[3] Phen ke le phuria, trubul vi von te phiraven pe sar trubul o svintsimos, te na den duma intaino, te na pen mol; ke trubun von te sikiaren mišto,[4] Te si te sikiaren le ternia žiuvlian t'avel lenge drago lenge řom ai lenge glati,[5] te ninkeren pe, pativalia, te len sama katar e butji le khereski, laše, t'ašunen o mui penge řomengo, eta ke e vorba le Devleski te na prasan la.[6] Vazde vi kadia le terne muršen te len pe sama,[7] te sikaves tu vi tu karing sar jekh modelo laše butiango, ai te des jekh sikimos vužio, vorta,[8] jekh vorba sasti, bi-došaki, eta ke o dušmano te perel tele, te na avel les khanči nasul te phenel pa amende.

Romani Bible 2004
© Alliance Biblique Française 2004