| Židenge 11:11 |
| Si katar o patiamos ke inke e Sara voi, makar ke sas but e beršengi, sas lake thodino t'avel la jekh glata, ke voi patiaias ka o čačimos kudalesko kai phendias lake. |
|
| 1 Korinťanenge 3:16 |
| Či žianen tume ke tume san o templo le Devlesko, ai ke o Duxo le Devlesko bešel ande tumende? |
|
| Jakob 1:17 |
| sa o mai lašio mištimos ai sa o mai lašio dinimos vulel de opral, katar o Dad la vedariako, kaste nai pařudimos ai či kerniol pe te kerel ušialin. |
|
| Jan 16:33 |
| Me phenav tumenge kadala dieli, eta t'avel tumen e patia ande tumende. Avena tumen bunto ande e lumia; numa len zor, me nirisardem la lumia. |
|
| Marek 11:24 |
| Sa anda kudia me phenav tumenge: Sogodi tume mangena řudjimasa, gindin tume ke lian les, ai tume dikhen ke aresela. |
|
| Filipanenge 4:13 |
| Me šai kerav sa katar kudo kai del ma zor. |
|
| Rimanenge 12:12 |
| Veselin tume kai ažiukeren. Ninkeren tumen ande le kjinuimata. Žian angle ande o řudjimos. |
|
| Lukaš 1:36-37 |
| [36] Eta, e Elisabeta, tjiro niamo, vi voi ažiukerela jekhe šiaves pe peske phurimata, ai kudia kai akharenas la bi-glatengi si ande pesko šovto šion.[37] Ke khanči nai so naštil te na kerel o Del. |
|
| Rimanenge 5:3-5 |
| [3] Mai but, ame luvudisaras inke ande o nekazo, žianas ke o nekazo anel t'ažiukeras.[4] E řabda kerel te nirisaras kana zumaven ame, ai kudo nirimos del o ažiukerimos.[5] Eta, kudo ažiukerimos či xoxavel, ke o kamimos le Devlesko si thodino ande amare ile katar o Svinto Duxo kai sas amenge dino. |
|
| Lukaš 1:13-21 |
| [13] Numa o andželo phenel leske: Na dara, Zakaria; ke avela pe tjiro řudjimos. Tjiri řomni e Elisabeta avela la jekh šiav, ai tu desa les o anav o Jono.[14] Vo avela tuke jekh diela veselo ai veselimasko, ai but veselina pe sar arakhadiola.[15] Ke vo avela baro angla o Baro. Vo či pela či mol, či řetia matimaski, ai vo avela pherdo Svinto Duxo de anda o peř peska dako;[16] vo anela but anda le šiave katar o Israel ka o Baro, lengo Del;[17] vo phirela angla o Del le duxosa ai la zorasa katar o Elia, t'anel le ile le dadenge karing le glati, ai kudalen kai buntuin pe ka e godji e vorta, eta te lašiarel le Bareske jekh narodo harniko angla o Del.[18] O Zakaria phenel le andželoske: Sar prinžiarava me kudia? Ke me sim phuro, ai muři řomni bute beršengi.[19] O andželo del les palpale: Me sim o Gabriel, me bešel pe punřende angla o Del; me sim tradino te dav tusa duma, ai te phenav tuke kadia laši viasta.[20] Ai eta, tu avesa muto, ai tu naštisa te des duma ži ka o dies kai kudala dieli aresena, ke tu či patiaian ka muře vorbi, kai kerdiona ande pengi vramia.[21] Numa, o narodo ažiukerel le Zakaria, sas lenge šodo ke bešel kadia but ande o templo. |
|
| Romani Bible 2004 |
| © Alliance Biblique Française 2004 |