A A A A A

Life: [Adoption]


2 Korinťanenge 6:18
Me avava tumenge jekh dad, Ai tume avena mange šiave ai šeia, Phenel o Baro Mai Zuralo.

Jakob 1:27
O patiamos vužio ai bi makhlo, angla o Del amaro Dad, si te žias te dikhes le bidadenge ai le phivlian ande lengo nekazo, te len pe sama katar o mahrimos la lumiako.

Matuš 25:40
Ai o amperato dela palpale: Me phenav tumenge čačimasa, sako data kai tume kerdian kudala dieli ka jekh anda le mai tsinoře katar muře phral, mange si ke tume kerdian.

Jan 1:12-13
[12] Numa ka sa kadala kai line les, ka kudala kai patian ande lesko anav, vo dias len e putiaria t'aresen glati le Devleske,[13] save arakhadile, či anda o rat, či anda so kamelas o mas, či anda so kamlias o manuš, numa anda o Del.

Galaťanenge 4:4-5
[4] numa, kana e vramia nakhli, o Del tradias peski Šiaves, arakhadilo katar jekh žiuvli, arakhadilo tela o Zakono,[5] eta te kjinel kudalen kai sas tela o Zakono, eta ame te las so avel amenge sar šiave.

Rimanenge 8:14-17
[14] ke sa kudala kai si tradine katar o Duxo le Devlesko si šiave le Devleske.[15] Ai tume či lian jekh duxo kai kerel tumen služi, te mai aven ande e dar; numa ame liam jekh duxo kai kerel amende šiave Devleske, katar savo ame tsipisaras le Devleske: Aba! Tate![16] O Duxo vi vo si marturo ka amaro duxo ke ame sam glati le Devleske.[17] Eta, t'ame sam leske glati, vi si ame te las partia katar o mištimos le Devlesko ai partia le Kristosa, t'avel ke ame kjinuisaras lesa, eta t'avas vestime lesa.

Romani Bible 2004
© Alliance Biblique Française 2004