A A A A A

Life: [Guilt]


Židenge 10:22
pašiovas jekhe čače ilesa, ande sa o patiamos; le ile vužiarde katar jekh nasul godji, ai o stato xalado jekhe paiesa vuže.

Jakob 2:10
Ke kon-godi lel sama sa o zakono, numa kerel bezex pe ferdi jekh poronka, si došalo anda sa.

Židenge 10:2
Aver fialo, von či ašile te den sakrifisuri, ke kudala kai keren kudia molebina, nas jekh data vužiarde, ai von mai dine pe gindo ka penge bezexa.

1 Jan 1:9
Te puřisaras ame amare bezexa, vo si čačo ai vorta te jertil amenge, ai te vužarel ame anda sako žiungalimos.

Rimanenge 8:1
Manai akana či jekh strafo kudalenge kai si phangle ande o Jesus Kristo.

Židenge 9:14
sar mai but o rat le Kristosko, kai, katar jekh duxo pe sakda, dias pe vo korkořo bi makhlo ka o Del, vužiarela vo tumare godia katar le butia mule, eta tume te služin le Devles o živindo!

2 Korinťanenge 5:17
Te si varekon ande o Kristo, vo si neviardo manuš. Le dieli le purane nakhle; eta, sa le dieli aresle neve.

Rimanenge 3:21-23
[21] Numa akana, bi le Zakonosko sikadiol sar o Del kerel le manušes vorta angle peste. Eta si martururi vi o Zakono ai vi le profeturi.[22] O Del kerel vorta angla peste katar o patiamos ande o Jesus Kristo sa kudalen kai patian. Ke angla o Del sa jekh fialo sam.[23] Ke sa kerde bezexa ai nas len o vestimos le Devlesko;

2 Korinťanenge 5:21
Kudo kai či žianel so si e bezex, kerdias t'avel bezex amenge, eta ame t'avas ande leste kris le Devleski.

1 Jan 3:19-20
[19] Kothar ame žianas ke ame sam anda o čačimos, ai ame lašiaras amare ile angla leste;[20] ke te si amaro ilo ke del ame strafo, o Del si mai baro sar amaro ilo, ai vo žianel sa le dieli.

Rimanenge 6:23
Ke o pokjinimos la bezexako, si o merimos; numa so del o Del ivia, si o traio pe sakda ande o Jesus Kristo amaro Baro.

Zjaveňie 12:10
Ai me ašundem ande o čeri jekh hango zuralo kai phenelas: Akana o skipimos areslo, ai e zor, ai e amperetsia amare Devleski, ai o barimos leske Kristosko; ke vo sas šiudino tele, kai tholas doš pe amare phral, kudo kai tholas doš pe lende diese ai riate.

2 Korinťanenge 7:10
Čačes, o nekežimos kai mangel o Del kerel jekh keimos kai skipil tumen katar či keis tume šoha, numa o nekežimos la lumiako del o merimos.

Židenge 4:16
Pašuvas siguro ka o skamin amperatisko le dragosko, eta t'arakhas mila ai t'arakhas dragostia, t'ažutin ame ande so trubul amen.

Rimanenge 8:31-39
[31] So phenas ame kadia karing kudala dieli? Te si o Del amenge, kon šai avel pe amende?[32] Vo, kai či hamisailo ka pesko čačo Šiav numa kai dias les pala savoře, sar či dela ame vo sa le dieli lesa?[33] Kon thola doš pe le alome katar o Del? Khonik, ke o Del phenel ke von nai došale.[34] Kon dela len kris? o Kristo mulo — mai but, vo živindisailo, vo si pe e čači rig le Devleski, ai vo mangel amenge![35] Kon šai hulavela amen katar o kamimos le Kristosko? E dukh, vai e dar, vai o kjinuimos, vai e bokh, vai o čořimos, vai o xasarimos, vai e xanřo?[36] Sar si ramome: Si pala tute ke mudaren ame sako dies, ke dikhen pe amende sar pe le bakroře kai ningeren le ka o masari.[37] Numa ande sa kudala dieli ame mai but nirisaras kudalesa kai sam leske drago.[38] Ke sim siguro ke či o merimos či o traio, či le andželi či le bare čereske, či le dieli akana či le dieli kai avena,[39] či le zurale, či opral či telal, či jekh kaver kai arakhadilo naština te hulaven ame katar o kamimos le Devlesko sikado ande o Jesus Kristo amaro Baro.

Rimanenge 3:26
Kai si e diela te luvudis tu? Naštil t'avel. Katar savo zakono? Katar o zakono le butiango? Niči, numa katar o zakono le patiamasko.

Rimanenge 14:23
Numa kudo kai gindil pe ke nai mišto jekh xamos ai xal les si dino strafo, ke vo či kerel ke patial pe. Sogodi kai či avel katar o patiamos si jekh bezex.

Jan 3:17
O Del, čačes, či tradias peske Šiaves ande e lumia te del kris la lumia, numa ke e lumia t'avel skipime lestar.

Skutki 3:19
Kein tume kadia ai pařuven tume, ke tumare bezexa t'aven khosle.

1 Jan 2:1
Muře glati, me ramov tumenge kadala dieli, eta te na keren tume bezexa. Ai te si varekon ke kerdias bezex, amen si ame jekh advokato paša o Dad, o Jesus Kristo o vorta.

Lukaš 15:18-19
[18] Me uštiava, me žiava karing muřo dad, ai me phenava leske: Muřo dad, me kerdem bezex karing o čeri ai karing tute,[19] me či mai sim harniko t'akharen ma tjiro šiav; ker anda mande sar jekh anda tjire butiaria.

Matuš 18:21-35
[21] Atunči o Petri pašilo paša leste, ai phenel: Baria, sodivar jertiva me muře phraleske, kana kerela doš pe mande? Ži ka efta datsi?[22] O Jesus phenel leske: Me či phenav tuke ži ka efta datsi, numa ži ka efta-var-deš var efta datsi.[23] Sa anda kudia, e amperetsia le čereski si jekh fialo sar jekh amperato kai manglias te žianel sode kamenas leske leske služi.[24] Kana vo lias pe te gjinel, andine leske jekhes kai kamelas leske deš mii teliaria.[25] Sar nas les so šai te pokjinel, lesko birevo dias ordina te bikjinen les, les, leska řomnia, leske šiaven, ai sogodi sas les, ai ke o užilimos t'avel pokjindo.[26] E sluga šiudias-pe pe čangende angla leste, ai phenel: Baria, te ažiukeres, me pokjinava tuke sa.[27] O birevo kudala slugako lias les e mila, muklias les te žialtar, ai muklias lesko užilimos.[28] Kana vo gelo avri, kudo sluga arakhlias jekhes anda peske vortača kai kamelas leske šel dinari. Vo lias les kořatar, phenelas: Pokjin so kames mange.[29] Lesko vortako šiudias pe tele pe e phuv, řudjilas pe, phenelas: Ažiuker ai me pokjinava tuke.[30] Numa o kaver či kamlias, ai gelo te šiudel les ande e temnitsa, žikin či pokjinela so kamel leske.[31] Leske vortača dikhle so areslias, sas but nekežime, ai von gele te phenen ka o birevo sa sogodi nakhlias.[32] Atunči o birevo akhardias kudala sluga, ai phenel leske: Nasul sluga, me dem tu palpale sa so kamesas mange, ke tu řudjisailian mande.[33] Nas t'avel vi tuke mila anda tjiro vortako, sar mange sas mila anda tute?[34] Ai lesko birevo xoliariko dias les ka kudala kai maren žikin či pokjinela sa so vo kamel leske.[35] Sa kadia muřo Dad anda o čeri kerela kadia anda tumende, te na sako anda tumende či jertila peske phraleske anda sa pesko ilo.

Romani Bible 2004
© Alliance Biblique Française 2004