A A A A A

Good Character: [Sanctification]


2 Tesaloničanenge 2:13
Amenge, phralale pria drago ande o Baro, ame trubusaras sakda te naisaras pala tumende le Devles, ke o Del alosardias tumen de anda o gor t'aven skipime, katar o svintsimos le Duxosko ai katar o patiamos le čačimasko.

2 Timoteoske 2:21
Te si varekon ke garavel pe vužio, te lel pe sama katar kudala dieli, vo avela jekh kanta pativali, svintsome, laši peske birevoske, laši ka sako butji.

Skutki 26:18
eta tu te putres lenge jakha, te šai nakhen anda o tuniariko ka e vedaria ai katar e zor le Satanoski ka o Del, ke von te len, ke patian pe ande mande, o jertimos katar le bezexa ai t'avel lenge o svintsimos.

Kološanenge 2:11
Ai ande leste tume san šinde ande jekh šindimos kai či jekh vast či šindias, numa anda o šindimos katar o Kristo, kai si te lel pa tumaro stato o nasul mas.

Kološanenge 3:1-5
[1] Te živindisailian tume le Kristosa, roden le dieli opral, kai o Kristo bešel pe rig e čači le Devleski.[2] T'avel tumenge drago le dieli opral, ai na kudala kai si pe e phuv.[3] Ke tume san mule, ai tumaro čačo traio si garado ande o Kristo le Devlesa.[4] Kana o Kristo, tumaro traio, sikadiola, atunči vi tume sikadiona lesa ande o vestimos.[5] Keren te meren le kotora kai si phuviake, sar e kurvetsia, o marimos, so kamel o mas, le ginduri nasul, ai o xanžvalimos (kai si sar vobrazi kai patian ande le).

Efežanenge 1:13
Vi ande leste, pala ke tume ašundian e vorba le čačimaski, e Laši Viasta tumari skipimaski, ande leste tume patianas ai tume san pečatuime katar o Svinto Duxo kai sas phendo tumenge.

Galaťanenge 2:20
ai te me traiv, manai ke mange traiv, si o Kristo ke trail ande mande; te me traiv akana ande o mas, me traiv ande o patiamos ande o Šiav le Devlesko, kai kamel ma ai kai dias pe vo mange.

Židenge 2:11
Ke kudo kai svintsol ai kudala kai svintsisaile le von sa avile anda jekh Dad. Sa anda kudia vo nas leske lažiav t'akharel len phral.

Židenge 9:14
sar mai but o rat le Kristosko, kai, katar jekh duxo pe sakda, dias pe vo korkořo bi makhlo ka o Del, vužiarela vo tumare godia katar le butia mule, eta tume te služin le Devles o živindo!

Židenge 10:10-14
[10] Si pala kudia kai o Del kamlias ke ame sam svintsime, ke dias o stato le Jesus Kristosko, jekh data pala sa.[11] Ai žikin ke sako rašai kerel sako dies e služetsia ai del butivar sa jekh fialo sakrifisuri, kai naština šoha te len tele e bezex,[12] o Kristo, pala ke dias jekh sakrifiso pala le bezexa, vo bešel pe sakda pe e rig e čači le Devleski,[13] ažiukerel de akanara ke leske dušmaia aven tela leske punře.[14] Ke, pala jekh dinimos; vo anel te aven sar mai laše pa sakda kudalen kai si svintsime katar.

Židenge 12:10-14
[10] Amare dada marenas ame pe jekh tsiřa dies, sar sas lenge mišto; numa o Del marel ame pe amaro mištimos, eta t'avas lesa ka lesko svintsimos.[11] Čačes si ke sako marimos miazol angla savořende jekh diela nekežime, ai na e veselia; numa del mai palal kudalenge kai sas kadia sikiarde jekh fruta kovli la krisaki.[12] Zuriaren tumare vast kovle Ai tumare čanga kovle;[13] ai žian tumare punřensa pe le vurmi vorta, eta ke o punřo bango te na del rigate, numa mai sigo te zuriavol.[14] Roden e patia savořensa, ai o svintsimos, bi savesko khonik či dikhela le Bares.

Židenge 13:12
Sa anda kudia vi o Jesus, eta te svintsol le narodos katar peski rat, kjinuisailius avri anda o vudar.

1 Korinťanenge 1:2
ka e khangeri le Devleski kai si ande o Korinto, ka kudala kai si svintsime ande o Jesus Kristo, akharde t'aven svintsi, ai ka sa kudala kai akharen ande savo than o anav amare Baresko o Jesus Kristo, lengo Baro ai amaro:

1 Korinťanenge 6:11
Ai kathe si so sanas tume, uni anda tumende. Numa tume san xalade, numa tume san svintsime, numa pe tumende manai kris ande o anav le Baresko o Jesus Kristo, ai katar o Duxo amare Devlesko.

1 Jan 1:9
Te puřisaras ame amare bezexa, vo si čačo ai vorta te jertil amenge, ai te vužarel ame anda sako žiungalimos.

1 Jan 3:9
Kon-godi arakhadilo katar o Del či kerel e bezex, ke e simintsa le Devleski bešel ande leste; ai vo naštil te kerel bezex, ke vo arakhadilo katar o Del.

1 Peter 1:2
ai kai si alome sar alosardias le o Del o Dad, katar o svintsimos le Duxosko, eta te patian, ai te aven vužarde katar o rat le Jesus Kristosko: ke e dragostia ai e patia t'aven tumenge butiarde!

1 Tesaloničanenge 4:3
So o Del kamel, si tumaro svintsimos; si ke te len tume sama katar e kurvetsia;

1 Tesaloničanenge 5:23
Ke o Del la patiako te svintsil tumen vo sa intrego, ai ke sa tumaro stato, o gindo ai o duxo, t'aven garade bi-došake, kana avela amaro Rai o Jesus Kristo!

2 Korinťanenge 5:17
Te si varekon ande o Kristo, vo si neviardo manuš. Le dieli le purane nakhle; eta, sa le dieli aresle neve.

1 Tesaloničanenge 4:3
So o Del kamel, si tumaro svintsimos; si ke te len tume sama katar e kurvetsia;

1 Tesaloničanenge 5:23
Ke o Del la patiako te svintsil tumen vo sa intrego, ai ke sa tumaro stato, o gindo ai o duxo, t'aven garade bi-došake, kana avela amaro Rai o Jesus Kristo!

2 Korinťanenge 5:17
Te si varekon ande o Kristo, vo si neviardo manuš. Le dieli le purane nakhle; eta, sa le dieli aresle neve.

2 Korinťanenge 12:21
Dar mange ke kana me aresava muřo Del teliarela ma mai pala tumende, ai si t'avel ma te rovav pe kudala ke kerde bezexa angla savořende ai ke či keisaile kai nai vuže, katar e kurvetsia ai katar le dilimata kai von gele.

Jan 17:17-19
[17] Svintsisar le katar tjiro čačimos; tjiri vorba si o čačimos.[18] Sar tu tradian ma ande e lumia, vi me tradem le ande e lumia.[19] Ai te me svintsi ma lenge, eta ke vi von t'aven svintsime katar o čačimos.

Filipanenge 1:6
Me sim siguro ke kudo kai lias pe ande tumende kudia laši butji kerela la mai mišto pe o dies katar o Jesus Kristo.

Filipanenge 2:13
Ke si o Del kai thodias ande tumende so kamen ai so keren, sar si leske drago.

Rimanenge 6:6
Žianas ke amaro purano stato sas karfome lesa, eta ke o stato bezexalo te na mai avel, te na mai avas ame řoburi la bezexake;

Rimanenge 15:16
t'avav ministero katar o Jesus Kristo maškar kudala kai či patian, kerav devlikanes te služiv e Laši Viasta le Devleski, eta ke kudala kai či patian te aven leske dine dragosa svintsime katar o Svinto Duxo.

2 Peter 1:2-4
[2] ke o mištimos ai e patia te bution tumenge kai žianen le Devles ai le Kristos amare Bares![3] Sar lesko devlikano zuralimos dias amen so si t'anel ka o traio ai ka e mila, anda amaro žianglimos katar kudo kai akhardias amen anda pesko vestimos ai anda pesko vužarimos,[4] save phenen amenge lestar le mai bare dinimata ai le mai kuč, eta ke te lendar t'aven vi tume t'avel tumen partia ande lesko devlimos, ai te našen katar o kamimos kai rimol kai si ande e lumia.

1 Tesaloničanenge 4:3-5
[3] So o Del kamel, si tumaro svintsimos; si ke te len tume sama katar e kurvetsia;[4] ke te sako anda amende te žianel sar te garavel pesko stato ande o svintsimos ai ande e pativ,[5] bi te del opral pe leste o nasul kai kamel, sar keren kudala kai či žianen le Devles;

Jan 15:1-4
[1] Me sim e čači rez, ai muřo Dad kai lel sama.[2] Sako řai kai si ande mande ai kai či del fruta, vo šinel la; ai sako řai kai del fruta, vo lašiarel la, eta te del mai but fruta.[3] Inke tume san vuže, pala e vorba kai me phendem tumenge.[4] Bešen ande mande, ai me bešava ande tumende. Sar e řai naštil anda peste te del fruta, te na avela phangli ka e rez, kadia vi tume naštin, te na bešena ande mande.

Rimanenge 6:1-23
[1] So phenasa ame? Bešasa ame ande e bezex, eta ke e dragostia te del opral?[2] Dur kothar! Ame kai sam mule la bezexake, sar mai traisaras ame ande e bezex?[3] Či žianen tume ke ame sa kai sam bolde ande o Jesus Kristo, si ande lesko merimos ke ame sam bolde?[4] Ame sam kadia angropome lesa katar o bolimos ande leski martia, eta ke, sar o Kristo živindisailo katar le mule pe e zor vestime le Dadeski, sa kadia vi ame phiras neve ande o traio.[5] Čačes, te ame aresliam ande jekh than lesa sar ke vo mulo, ame vi kadia avasa sar leste živinde.[6] Žianas ke amaro purano stato sas karfome lesa, eta ke o stato bezexalo te na mai avel, te na mai avas ame řoburi la bezexake;[7] ke kudo kai mulo si skipime katar e bezex.[8] Eta, t'ame muliam le Kristosa, ame patias ke vi traisarasa lesa,[9] žianas ke o Kristo živindisailo katar le mule ai či mai merel; e martia manai les putiaria pe leste.[10] Ke vo mulo, ai si pala e bezex ke vo mulo jekh data pe sa; vo avilo palpale pe o traio, ai vo le Devleske trail.[11] Kadia vi tume, dikhen pe tumende ke san mule la bezexake, ai sar živinde le Devleske katar o Jesus Kristo.[12] Ke e bezex te na amperetsil ande tumaro stato merimasko, ai te patian ande so kamel o stato.[13] Na muken tume te služin e bezex, te keren o nasulimos; numa den tume ka o Del, sar t'aven živinde katar le mule kai sanas, ai den tumen sa leske, te keren so si vorta.[14] Ke e bezex či avela la putiaria pe tumende, sar ke tume san, na tela o zakono, numa tela o mištimos le Devlesko.[15] So si! Kerasa ame bezexa, ke ame sam, na tela o zakono, numa tela o mištimos? Dur kothar![16] Žianen tume ke te den tume ka varesavo sar jekh řobo te patian leste, tume san řoburi kudaleske kai tume patian, t'avel e bezex tjiro birevo kai ningerel tume ka e martia, t'avel o patiamos ande o Del kai ningerel tume ka o mištimos.[17] Numa nais le Devleske anda kodia ke, pala ke tume sanas řoburi la bezexake, tume patiaian le ilesa o čačo sikiarimos kai tume lian.[18] Sanas skipime katar e bezex, tume san akana řoburi katar o mištimos.[19] Me dav duma sar le manuš, sar tume san kovle. Sa jekh fialo kadia kai tume dian tumaro stato sar řobo ka o bi-vužio ai ka o mahrime, kadia akana den tumaro stato sar řobo ka o mištimos, t'aresen ka o svintsimos.[20] Ke, kana tume sanas řoburi la bezexake, tume kerenas so kamenas bi krisako.[21] Če fruta anenas tume atunči? Fruti kai tume lažian lendar adies. Ke kana getol pe kudala dieli, si o merimos.[22] Numa akana, san line katar e bezex ai areslian řoburi le Devleske, tumen si tume sar fruta o svintsimos ai getona tume o traio pe sakda.[23] Ke o pokjinimos la bezexako, si o merimos; numa so del o Del ivia, si o traio pe sakda ande o Jesus Kristo amaro Baro.

Romani Bible 2004
© Alliance Biblique Française 2004