A A A A A

Good Character: [Love]


1 Korinťanenge 16:14
Ke sogodi so tume keren te keren les kamimasa!

1 Jan 4:8-18
[8] Kudo kai či kamel či prinžiarel le Devles, ke o Del si o Kamimos.[9] O kamimos le Devlesko sikadilo karing amende sar o Del tradias peske jekhe Šiaves ande e lumia, eta ke ame te traisaras lestar.[10] Ai kudo kamimos si, na ke si ke ame kamliam le Devles, numa ke vo kamlias amen ai tradias peske Šiaves te pokjinel anda amende pala amare bezexa.[11] Muře dragi, te si ke o Del kamlias amen kadia, vi ame trubusaras te kamas ame jekh avres.[12] Khonik šoha či dikhlias le Devles; numa te kamas ame jekh avres, o Del trail ande jekh than amensa ai lesko kamimos sikadiol ande amende.[13] Ame prinžiaras ke ame bešas ande leste, ai ke vo bešel ande amende, si ke vo dias amen pesko Duxo.[14] Ai ame, ame dikhliam ai ame phenas ke o Dad tradias le Šiaves sar Skipitori la lumiako.[15] Kudo kai puřil pe ke o Kristo si o Šiav le Devlesko, o Del bešel ande leste, ai vo ande o Del.[16] Ai ame, ame prinžiaras o kamimos kai o Del si les amenge, ai ame patias. O Del si kamimos; ai kudo kai bešel ande o kamimos bešel ande o Del, ai o Del bešel ande leste.[17] Sar si vo, kadia sam ame vi ande e lumia: anda kadia si o kamimos lašio ande amende, eta t'avas siguro ka o dies la krisako.[18] E dar nai ande o kamimos, numa o kamimos lašio del rigate e dar; ke katar e dar šai t'avel jekh strafo, ai kudo kai daral nai leske mišto ande o kamimos.

Jan 3:16
Ke o Del kadia kamlias la lumia ke dias peske ferdi jekhe Šiaves, eta ke kongodi patial ande leste te na xasavol, numa t'avel les o traio pe sakda.

1 Peter 4:8
Angla savořende, t'avel tumen jekh pe kavreste jekh zurali mila, ke e mila garavel jekh but bezexa.

Kološanenge 3:14
Numa mai opral sa kudala dieli thon pe tumende opral e mila, kai astarel tume sar mai mišto.

Jan 13:34-35
[34] Me dav tumen jekh poronka nevi: T'aven drago jekh avreske; sar me kamlem tumen, vi tume, kamen tume jekh avres.[35] Ande kudia sa žianena ke tume san muře vortača, te si tume kamimos jekh avreske.

Jan 15:13
Nai mai baro kamimos ke te des tjiro traio pala vortača.

1 Korinťanenge 13:13
Akana kakala trin dieli bešen: o patiamos, o ažiukerimos, e dragostia; numa e mai bari anda kudala trin dieli, si e dragostia.

1 Jan 4:19
Ame kamas les, ke vo kamlias amen o mai angluno.

1 Jan 4:7
Muře dragi, kamen jekh kavres; ke o kamimos si katar o Del, ai ke varekon kai kamel arakhadilo katar o Del ai žianel le Devles.

Romani Bible 2004
© Alliance Biblique Française 2004