| 1 Jan 4:16-18 |
| [16] Ai ame, ame prinžiaras o kamimos kai o Del si les amenge, ai ame patias. O Del si kamimos; ai kudo kai bešel ande o kamimos bešel ande o Del, ai o Del bešel ande leste.[17] Sar si vo, kadia sam ame vi ande e lumia: anda kadia si o kamimos lašio ande amende, eta t'avas siguro ka o dies la krisako.[18] E dar nai ande o kamimos, numa o kamimos lašio del rigate e dar; ke katar e dar šai t'avel jekh strafo, ai kudo kai daral nai leske mišto ande o kamimos. |
|
| 1 Peter ৪:৮ |
| Angla savořende, t'avel tumen jekh pe kavreste jekh zurali mila, ke e mila garavel jekh but bezexa. |
|
| Kološanenge 3:14 |
| Numa mai opral sa kudala dieli thon pe tumende opral e mila, kai astarel tume sar mai mišto. |
|
| Efežanenge 2:8 |
| Ke si katar o mištimos ke tume san skipime, pala o patiamos. Ai kudia či avel tumendar, si dino katar o Del. |
|
| Efežanenge 5:25 |
| Řom, t'aven tumenge drago tumare řomnia, sar o Kristo si leske drago e Khangeri, ai vo dias pe pala late, |
|
| Jan 3:16 |
| Ke o Del kadia kamlias la lumia ke dias peske ferdi jekhe Šiaves, eta ke kongodi patial ande leste te na xasavol, numa t'avel les o traio pe sakda. |
|
| 1 Korinťanenge 13:7 |
| voi či mukel, voi šai daštil sa, voi ažiukerel sa, voi ninkerel sa. |
|
| 1 Korinťanenge 13:13 |
| Akana kakala trin dieli bešen: o patiamos, o ažiukerimos, e dragostia; numa e mai bari anda kudala trin dieli, si e dragostia. |
|
| 1 Jan 3:1 |
| Dikhen ke kamimos o Dad sikadias amenge, t'avas ame akharde glati le Devleske! Ai ame sam. Te si ke e lumia či prinžiarel ame, si ke voi či prinžiarel les. |
|
| 1 Jan 3:16 |
| Ame žiangliam o kamimos, ke vo dias pesko traio pala amende; vi ame, trubul te das amaro traio pala le phral. |
|
| 1 Jan 4:8 |
| Kudo kai či kamel či prinžiarel le Devles, ke o Del si o Kamimos. |
|
| Jan ১৪:২১ |
| Kudo kai si les muře poronki ai kai garavel le, kudo si kai kamel ma; ai kudo kai kamel ma avela drago muře Dadeske, me kamava les, ai me kerava te prinžiarel ma. |
|
| Jan 15:12-13 |
| [12] Kathe si muři poronka: T'aven drago jekh avreske, sar mange sanas drago.[13] Nai mai baro kamimos ke te des tjiro traio pala vortača. |
|
| Lukaš 6:27 |
| Numa me phenav tumenge, tumenge kai ašunen mande: Kamen tumare dušmanon, keren mištimos kudalenge kai vuřitsin tumen. |
|
| Rimanenge 3:23 |
| Ke sa kerde bezexa ai nas len o vestimos le Devlesko; |
|
| Rimanenge 5:5-8 |
| [5] Eta, kudo ažiukerimos či xoxavel, ke o kamimos le Devlesko si thodino ande amare ile katar o Svinto Duxo kai sas amenge dino.[6] Ke, kana ame samas inke bi zorako, o Kristo, ande e vramia ramome, mulo pala le žiungale.[7] Tsiřa šai merenas pala jekh manuš vorta; uni amburim merenas pala jekh manuš lašio.[8] Numa o Del sikadias pesko kamimos karing amende, ande so si, kana ame inke samas bezexale, o Kristo mulo pala amende. |
|
| Rimanenge 8:35 |
| Kon šai hulavela amen katar o kamimos le Kristosko? E dukh, vai e dar, vai o kjinuimos, vai e bokh, vai o čořimos, vai o xasarimos, vai e xanřo? |
|
| Rimanenge 12:9-10 |
| [9] Ke o Ramomos trubul t'avel čačo. Vuřitsin o nasulimos; astardion zurales ka o mištimos.[10] Katar o kamimos phralengo, aven drago te kamen jekh pe le kaver; pativasa, len sama jekh kavrestar. |
|
| Titoske 3:4-5 |
| [4] Numa, kana e dragostia le Devleski amaro Skipitori ai lesko kamimos le manušenge sikadile,[5] vo skipisardias amen, na pala le butia laše kai ame šai te kerdiam, numa pala peski mila, ande o bolimos te mai neviarel amen ai o nevo traio katar o Svinto Duxo, |
|
| 1 Jan 4:9-10 |
| [9] O kamimos le Devlesko sikadilo karing amende sar o Del tradias peske jekhe Šiaves ande e lumia, eta ke ame te traisaras lestar.[10] Ai kudo kamimos si, na ke si ke ame kamliam le Devles, numa ke vo kamlias amen ai tradias peske Šiaves te pokjinel anda amende pala amare bezexa. |
|
| Jan 13:34-35 |
| [34] Me dav tumen jekh poronka nevi: T'aven drago jekh avreske; sar me kamlem tumen, vi tume, kamen tume jekh avres.[35] Ande kudia sa žianena ke tume san muře vortača, te si tume kamimos jekh avreske. |
|
| 1 Korinťanenge 13:4-7 |
| [4] E dragostia ažiukerel, voi si pherdi lašimos; e dragostia či kamel te lel avrestar; e dragostia či luvudil pe, voi či phukiarel pe barimatangi,[5] voi či kerel khanči nasul, voi či rodel te niril, voi či xoliavol, voi či gindil pe ka o nasulimos,[6] voi či veselil pe anda kai nai vorta, numa voi veselil pe anda o čačimos;[7] voi či mukel, voi šai daštil sa, voi ažiukerel sa, voi ninkerel sa. |
|
| Matuš 5:43-48 |
| [43] Tume ašundian ke sas phendo: T'avel tuke drago tjiro vortako, ai te vuřitsis tjire dušmanos.[44] Numa me, phenav tumenge: Kamen tumare dušmanon, svintsin kudalen kai den tumen armaia, keren mištimos kudalenge kai vuřitsin tumen, ai řudjin kudalenge kai keren tumenge nasul ai kai maren tumen.[45] Eta tume t'aven šiave tumare dadeske kai si ande o čeri; ke vo uštiavel pesko kham pe le nasul ai pe le laše, ai vo del brišin pe le vorta ai pe le nai vorta.[46] Te kamena tume kudalen kai kamen tumen, so šai nirina tume? Kai kjidel e taksa le amperatoske či kerel vi vo kadia?[47] Ai te dena tume pozdraimos ferdi le phralen, keren tume vareso šodo? Kai či patian či keren von sa kadia?[48] Aven tume vorta, sar tumaro Dad čeresko si vorta. |
|
| 1 Korinťanenge ১:১-১৩ |
| [১] Lil katar o Paul, akhardo t'avel apostolo sar kamel o Del, ai katar o phral o Sostenes,[২] ka e khangeri le Devleski kai si ande o Korinto, ka kudala kai si svintsime ande o Jesus Kristo, akharde t'aven svintsi, ai ka sa kudala kai akharen ande savo than o anav amare Baresko o Jesus Kristo, lengo Baro ai amaro:[৩] ke o mištimos ai e patia t'aven tumenge dine katar o Del amaro Dad ai katar o Rai o Jesus Kristo![৪] Me dav sakda ka o Del te naisiv leske anda tumende, katar o mištimos kai dias tumen o Jesus Kristo.[৫] Ke ande leste tume san pherde anda sa le barvalimata, sa e vorba ai sa o žianglimos,[৬] so si phendo pa o Kristo si zurales ninkerdo maškar tumende,[৭] kadia či trubul tumen či jekh podarka anda o Del, ande o ažiukerimos kai tume san žikin sikadiola amaro Rai o Jesus Kristo.[৮] Vo zuralela tumen ži ande o gor, te na phenen khanči pe tumende o dies kai avela o Jesus Kristo.[৯] O Del si čačo, vo kai akhardias tumen t'aven jekh leske Šiavesa, o Jesus Kristo amaro Baro.[১০] Me vazdav tumen, phralale, katar o anav amare Baresko o Jesus Kristo, t'avel tumen sa jekh šib, ai te na avel čingar maškar tumende, numa t'aven vorta ande jekh than ande jekh duxo ai ande jekh godji.[১১] Ke, muře phralale, me ašundem pa tumende, katar le žene anda o Klone, ke si čingara maškar tumende.[১২] Me kamav te phenav ke sako del duma kadia: Me, sim pala o Paul ai me, sim pala o Apolos! ai me, pala o Petri! ai me, pala o Kristo![১৩] O Kristo si vo hulado? O Paul sas vo karfome pala tumende, vai ke si ande o anav le Paulosko ke tume san bolde? |
|
| Romani Bible 2004 |
| © Alliance Biblique Française 2004 |