A A A A A

God: [Trinity]


1 Korinťanenge 8:6
numa amenge si ferdi jekh Del, o Dad, kastar aven sa le dieli ai kaske ame sam, ai ferdi jekh Rai o Jesus Kristo, kastar si sa le dieli ai kastar ame sam.

2 Korinťanenge 3:17
Eta, o Baro si o Duxo; ai kothe kai si o Duxo le Baresko, kothe si o slobodimos.

2 Korinťanenge 13:14
Lil katar o Paul, apostolo, tradino na katar le manuš, či katar jekh manuš, numa katar o Jesus Kristo ai o Del o Dad, kai živindisardias les katar le mule,

Kološanenge 2:9
Ke ande leste bešel ande lesko stato sa lesko lašimos le Devlesko.

Jan 1:14
Ai e Vorba areslo mas, ai vo bešlo maškar amende, pherdo mištimos ai čačimos; ai ame dikhliam lesko vestimos, jekh vestimos sar o vestimos le jekhe Šiavesko kai avel katar o Del.

Jan 10:30
Me ai o Dad sam jekh.

Lukaš 1:35
O andželo del la palpale: O Svinto Duxo avela pe tute, ai e zor katar o Mai Vučo garavela tut tela peski ušialin. Sa anda kudia e glata kai arakhadiola tutar akharena les o Šiav le Devlesko.

Matuš 1:23
Eta, e šei pativali avela phari, la avela la jekh šiav, Ai dena les o anav o Emanuel, so si kudia «o Del amensa».

Matuš 28:19
Žian, keren anda sa le thema t'aven vortača, bolen le ande o anav le Devlesko, le Šiavesko ai le Svinto Duxosko,

Matuš 3:16-17
[16] Sar o Jesus sas boldo, vo anklisto avri anda o pai, strazo puterdilo o čeri angla leste ai vo dikhlias o Duxo le Devlesko kai vulel tele sar jekh gulumbo ai avel karing leste.[17] Ai eta, jekh hango ašundiol anda o čeri kai phendias: Kado si muřo Šiav kai si mange drago, ande kaste me thodem sa muři dragostia.

Rimanenge 14:17-18
[17] Ke e amperetsia le Devleski nai o xamos ai o pimos, numa e kris, e patia ai e veselia, katar o Svinto Duxo.[18] Kudo kai služil le Kristos kadia si drago le Devleske ai kamen les le manuš.

Lukaš 3:21-22
[21] Sa o narodo bolelas pe, o Jesus vi vo sas boldo; ai, žikin vo řudjil, o čeri puterdilo,[22] ai o Svinto Duxo vulisto pe leste sar jekh forma, sar jekh gulumbo. Ai jekh hango ašundilo anda o čeri: Tu san muřo Šiav kai si mange drago; ande tute, me thodem sa muři dragostia.

Jan 5:7-8
[7] O nasvalo del les palpale: Baria, nai man khonik te šiudel man ande e bania kana o pai miškil pe, ai žikin me žiav, jekh aver vulel angla mande.[8] Ušti, phenel leske o Jesus, le tjiro pato, ai phir.

1 Peter 1:1-2
[1] Katar o Petri, apostolo katar o Jesus Kristo, ka kudala kai si streia ai pe sako rig ande o Pontus, e Galasia, e Kapadotsia, e Azia ai e Bitinia,[2] ai kai si alome sar alosardias le o Del o Dad, katar o svintsimos le Duxosko, eta te patian, ai te aven vužarde katar o rat le Jesus Kristosko: ke e dragostia ai e patia t'aven tumenge butiarde!

2 Korinťanenge 1:21-22
[21] Ai kudo kai zuriarel amen ande o Kristo, ai ka svintsisardias amen, si o Del,[22] savo thodias e pečata pe amende ai thodias ande amaro ilo o mai angluno pokjinimos le Duxosko.

1 Korinťanenge 12:4-6
[4] Si but fialuri so del o Del, numa feri jekh Duxo;[5] but službiri, numa feri jekh Baro;[6] But so šai keren, numa sa o jekh Del kai kerel sa ande sa.

Efežanenge 4:4-6
[4] Ferdi jekh stato si ai ferdi jekh Duxo, sar tume sanas akharde ferdi ka jekh nedeždia;[5] Ferdi si jekh Baro, ferdi jekh patiamos, ferdi jekh bolimos,[6] ferdi Del ai Dad anda sa, kai si opral savořendar, ai maškar sa, ai ande sa.

Kološanenge 1:15-17
[15] Vo si o vobrazo le Devlesko kai či dikhiol, o mai angluno arakhado.[16] Ke ande leste si kerde sa le dieli kai si ande o čeri ai pe e phuv, so tume dikhen ai so či dikhen, putiaria duxoske, bare so porončin, rai bare. Sa si thodino lestar ai leske.[17] Vo sas angla savořende sa le dieli, ai sa le dieli bešen ande leste.

Jan 14:9-11
[9] O Jesus phenel leske: Si de dumult ke mii sim tumensa, ai tu či prinžiardian ma, Filipo? Kudo kai dikhlias man dikhlias le Dades. Sar phenes tu: Sikav amenge le Dades?[10] Či patias tu ke me sim ande o Dad, ai ke o Dad si ande mande? Le vorbi kai me phendem tumenge, či phenav le me mandar; ai o Dad kai bešel ande mande, vo si kai kerel peske butia.[11] Patian mande, me sim ande o Dad, ai o Dad si ande mande; patian mišto katar leske butia.

Filipanenge 2:5-8
[5] T'aven ande tumende le ginduri kai sas ande o Jesus Kristo,[6] savo, si sar o Del, numa vo či gindisailo ke trubul te rodel te thol pe te avel jekh fialo sar o Del,[7] numa vo šiudias pa peste, kai kerdilo sar sluga, t'avel jekh fialo sar le manuš; ai sikadilo sar jekh prosto manuš,[8] vo korkořo kovlilo, vo patiaias ži ka e martia, ži ka e martia le trušuleski.

Jan 10:30-36
[30] Me ai o Dad sam jekh.[31] Atunči le Židovuri mai line bař te mudaren les.[32] O Jesus phenel lenge: Me sikadem tumenge but laše butia kai avile katar muřo Dad. Pala savo mudaren ma tume bařensa?[33] Le Židovuri den les palpale: Nai pala ke jekh laši butji ke ame mudaras tu bařensa, numa pala jekh prasaimos, ai si ke tu, kai san jekh manuš, tu keres tu Del.[34] O Jesus del len palpale: Nai ramome ande tumaro Zakono: Me phendem: Tume san dela?[35] Te akharela vo dela kudalen kaske e vorba le Devleski si phendi, ai t'avela ke o Ramomos naštil t'avel phařado,[36] kudo kai o Dad svintsisardias ai tradias les ande e lumia, tume phenen leske: Tu prasas! Ai kudia ke me phendem: Me sim o Šiav le Devlesko.

Romani Bible 2004
© Alliance Biblique Française 2004