| 1 Korinťanenge 10:13 |
| Či jekh zumavimos kai zumade ame či avilo te nas katar le manuš, ai o Del, kai si čačo, či mukela tumen te zumaven tumen mai but sar si tumari zor; numa le zumamasa vo lašiarel vi sar tume t'anklen avri, eta ke tume te šai ninkeren. |
|
| 1 Peter 5:7 |
| ai thon pe leste sa tumare ginduri, ke inke vo lel sama tumendar. |
|
| 2 Timoteoske 1:7 |
| Ke nai jekh duxo lažiavesko kai o Del dias amen, numa jekh duxo zuralo, kamimasko ai godiako. |
|
| Židenge 4:16 |
| Pašuvas siguro ka o skamin amperatisko le dragosko, eta t'arakhas mila ai t'arakhas dragostia, t'ažutin ame ande so trubul amen. |
|
| Židenge 13:4-6 |
| [4] Ke o ansurimos t'avel dino pativ savořendar, ai o pato ansurimasko te na avel mahrime, ke o Del dela kris le kurvaren ai le kurven.[5] Na den tume te kamen le love; t'avel tumenge dosta so si tumen; ke o Del inke vo phendias: Me či mukava tut, ai či mukava tut korkořo.[6] Sigurimasa ame šai te phenas: O Baro ažutil man, či darav khanikastar; So šai kerel mange jekh manuš? |
|
| Matuš 28:20 |
| ai sikiaren le te len sama sa so me sikiardem tumen. Ai eta, me sim tumensa sako dies, žikin či getola pe e lumia. |
|
| Zjaveňie 3:10 |
| Sar ke tu garadian e vorba te ninkeres ande mande, vi me garavava tu ka o časo le zumaimasko kai si t'avel pe e lumia sa, te zumaven o narodo pe e phuv. |
|
| Rimanenge 8:28 |
| Ame žianas, so mai si, ke o Del kerel mištimos kudalensa kai si lenge drago o Del, kudala kai si akharde sar vo kamlias. |
|
| Filipanenge 4:6-7 |
| [6] Te na daran khančestar; numa anda sa le dieli keren te žianel o Del so trubul tumen katar le řudjimata ai le mangimata, te naisin les.[7] Ai e patia le Devleski, kai si mai but sar sa le godia, arakhela tumare ile ai tumare ginduri ande o Jesus Kristo. |
|
| Romani Bible 2004 |
| © Alliance Biblique Française 2004 |