A A A A A

Church: [Holy Spirit]


Matuš 12:31-33
[31] Sa anda kudia me phenav tumenge: Sako bezex ai sako prasaimos avela jertime le manušenge, numa o prasaimos pe o Duxo či avela jertime.[32] Kon-godi del duma pe o Šiav le manušesko, avela leske jertime; numa kon-godi dela duma pe o Svinto Duxo, či avela jertime leske či ande kadala berš či ande le berš kai avena.[33] Vai ke phenen ke o kopači si laši ai ke laki fruta si laši, vai ke phenen ke o kopači si čoři ai ke laki fruta si čoři; ke prinžiaren o kopači katar laki fruta.

Lukaš 24:45-49
[45] Atunči vo puterdias lengo duxo, eta te hatiaren le Ramomata.[46] Ai vo phenel lenge: Kadia si ramome ke o Kristo kjinuila, ai ke vo živindila anda le mule o trito dies,[47] ai ke o keimos ai o jertimos le bezexenge ande lesko anav avena phende ka sa le thema, angla savořende ande o Jerusalem.[48] Tume san martururi anda kadala dieli.[49] Ai eta, me tradava pe tumende so muřo Dad phendias ke del tume; numa tume, bešen ande o foro žikin či avela pe tumende e zor opral.

Jan 3:6-8
[6] So arakhadilo anda o mas si mas, so arakhadilo anda o Duxo si duxo.[7] Te na avel tuke šodo ke me phendem: Trubul te mai arakhadios nevo.[8] E balval phurdel kai voi kamel, ai tu ašunes sar bašel; numa tu či žianes katar avel, či kai voi žial. Sa kadia si anda o manuš kai arakhadilo anda o Duxo.

Rimanenge 8:2-6
[2] Čačes, o zakono katar o Duxo kai del o traio ande o Jesus Kristo šindias ma katar o zakono la bezexako ai katar e martia.[3] Ke o Del kerdias so naštil te kerel o Zakono le Mošesko, ke o kovlimos manušesko kerel te na avel les zor; o Del dias strafo e bezex ande o mas, kana tradias, pala e bezex, peske šiaves ande jekh mas jekh fialo sar o mas bezexako,[4] ai kudia ke e kris le Zakonoski te kerdiol ande amende, kai traisaras, na sar si o mas, numa sar si o Duxo.[5] Kudala, kai train sar si o mas, drago lenge le dieli le maseske, žikin kudala kai train sar si o Duxo drago lenge le dieli le Duxoske.[6] Ai e dragostia katar o mas, si o merimos, žikin e dragostia katar o Duxo, si o traio ai e patia;

2 Korinťanenge 5:16-18
[16] Kadia, de akanara, ame či prinžiaras khanikas sar si o mas; ai te ame prinžiardiam le Kristos sar si o mas, akana ame či mai prinžiaras les kadia.[17] Te si varekon ande o Kristo, vo si neviardo manuš. Le dieli le purane nakhle; eta, sa le dieli aresle neve.[18] Ai sa kudia avel katar o Del, kai lašiardias ame peste katar o Kristo, ai kai dias amen e ministeria t'avas ande jekh than le kavrensa.

Skutki 2:1-5
[1] O dies la Řusaliako, von sas sa ande jekh than.[2] Strazo avilo anda o čeri jekh bašimos sar jekh balval buntuimaski, ai vo pherdias sa o kher kai von bešenas.[3] Šiba jekh fialo sar šiba jagake, sikadile lenge, hulade jekh avriatar, ai thode-pe pe sako ande lende.[4] Ai von pherdile sa o Svinto Duxo, ai von thode pe te den duma pe le kaver šiba, sar o Duxo dias len te den duma.[5] Eta sas kai avile ande o Jerusalem Židovuri, manuš kai patian, anda sako them kai si tela o čeri.

Lukaš 24:45-47
[45] Atunči vo puterdias lengo duxo, eta te hatiaren le Ramomata.[46] Ai vo phenel lenge: Kadia si ramome ke o Kristo kjinuila, ai ke vo živindila anda le mule o trito dies,[47] ai ke o keimos ai o jertimos le bezexenge ande lesko anav avena phende ka sa le thema, angla savořende ande o Jerusalem.

1 Jan 2:19-27
[19] Von ankliste avri amendar, numa von nas anda amare; ke t'avelino anda amare, von sas te bešen amensa, numa kudia areslias eta te sikavel ke von nai anda amare.[20] Numa tume lian o svintsimos katar kudo kai si svinto, ai tumen žianen o čačimos.[21] Me ramosardem tumenge, na ke tume či žianen o čačimos, numa ke tume žianen les, ai ke či jekh xoxaimos či avel katar o čačimos.[22] Kon si xoxamno, Kudo kai del palpale ke o Jesus si o Kristo. Vo si o dušmanu le Kristosko kai del palpale le Devles ai le Šiaves.[23] Kon del palpale le Šiaves nai les či o Dad; kon-godi del pe ka o Šiav si les vi o Dad.[24] Eta so tume ašundian de anda o gor te bešel ande tumende. Te si ke so tume ašundian de anda o gor beše ande tumende, tume bešen vi ande jekh than le šiavesa ai le Dadesa.[25] Ai so vo phendias ke si t'avel amenge, si o traio pe sakda.[26] Me ramosardem tumenge kadala dieli pala kudala kai roden te den tume rigate.[27] Tumenge, o svintsimos kai tume lian lestar bešel ande tumende, ai tumen či mai trubul te sikiaren tume; numa sar lesko svintsimos sikiarel tumen ande sa le dieli, ai ke kudo si o čačimos ai ke nai jekh xoxaimos. Bešen ande leste sar sas o sikiarimos kai sas tumenge dino.

Romani Bible 2004
© Alliance Biblique Française 2004