A A A A A

Church: [Attending Church]


Židenge 10:24-25
[24] Si te las sama jekh avreste te vazdel amen ka e mila ai ka le laše dieli.[25] Te na mukas amari kumpania, sar si sikiarde uni; numa te vazdas ame jekh avres, ai kudia sar mai but ke tume dikhen ke o dies pašiol.

Matuš 18:20
Ke kothe kai dui vai trin si kjidine ande muřo anav, me sim maškar lende.

Kološanenge 3:16
Ke te e vorba le Kristoski te bešel ande tumende but; sikiaren jekh avres ai vazden tume jekh avres ande sako godji, katar le psalmoria, katar le gjilia, katar le gjilia duxoske, gjilaben le Devles ande tumare ile tela o mištimos.

Efežanenge 4:11-13
[11] Ai vo dias podarki jekhen te aven sar apostoli, le kavren sar profeturi, le kavren te sikiaren, le kavren sar pastuřuri ai doktoruri,[12] te lašiaren sar mai mišto le svintson ka e butji le ministereski ai te lašiaren o stato le Kristosko,[13] žikin či ame aresas sa t'avas jekh ande o patiamos ai te žianas le Šiaves le Devlesko, sar si kerdo manuš, pe e mesura sar mai laši le Kristoski,

Skutki 2:42
Von žianas but te sikion katar le apostoli, ande jekh than sar le phral, kai phagenas o manřo, ai ande le řudjimata.

Rimanenge 10:17
Kadia o patiamos avel anda so ašunas, ai so ašunas avel katar e Vorba le Kristoski.

Matuš 16:18
Ai me, phenav tuke ke tu san o Petri (o bař), ai ke pe kudo bař me vazdava muři khangeri, ai ke e martia naštila te kerel khanči lake.

Skutki 9:31-32
[31] E khangeri sas ande e patia ande sa e Judea, e Galilea ai e Samaria, zuriavolas ai phirelas ande e dar le Bareski, ai von butionas ke ažutilas len o Svinto Duxo.[32] Sar o Petri žialas ka sa o them vo vi mai vulisto karing kudala svintsi kai bešenas ande o Lida.

Matuš 6:33
Roden mai angluno e amperetsia ai e kris le Devleski; ai sa kudala dieli avena tumenge dine opral.

Jakob 1:22
Keren opre e vorba e Devleski, ai na ferdi ašunen la, te xoxaven tume korkořo, katar le falši ginduri.

2 Timoteoske 4:2
phen e vorba, žia angle zuralimasa, te šai daštis vai niči, mai phen, phen vi kodo lenge kai či keren vorta, vazde le manušen, sa le kovlimasa ai le sikiarimasa.

Matuš 28:19-20
[19] Žian, keren anda sa le thema t'aven vortača, bolen le ande o anav le Devlesko, le Šiavesko ai le Svinto Duxosko,[20] ai sikiaren le te len sama sa so me sikiardem tumen. Ai eta, me sim tumensa sako dies, žikin či getola pe e lumia.

Romani Bible 2004
© Alliance Biblique Française 2004