A A A A A

Additional: [Emotions]


Efežanenge 5:18
Na mation la moliasa: si o čořimos, Aven, aver fialo, pherde duxo;

Kološanenge 3:1-2
[1] Te živindisailian tume le Kristosa, roden le dieli opral, kai o Kristo bešel pe rig e čači le Devleski.[2] T'avel tumenge drago le dieli opral, ai na kudala kai si pe e phuv.

Galaťanenge 5:19-23
[19] Eta sar le butia le maseske si sikade; o lažiav, o mahrimos, e kurvetsia;[20] o řudjimos ka le vobrazi ai o drabarimos. Aven dušmaia jekh avreske, čingaren pe, xan pe sar le žiukel, xoliaren pe, hulaven pe ai sako žial pe peski rig;[21] kamen te len avrestar, mation ai xan but, ai keren aver kasave dieli. Me phenav tumenge angla savořende, sar mai phendem, ke kudala kai keren kasave dieli, či avela lenge e amperetsia le Devleski.[22] Numa e fruta katar o Duxo, si o kamimos, e veselia, e patia, e řabda, o lašimos, e mila, o čačimos,[23] o kovlimos, ai o ninkerimos. O Zakono nai pe kudala dieli!

Jakob 1:20
ke o xoli le manušeski či kerel e kris le Devleski.

Rimanenge 8:28
Ame žianas, so mai si, ke o Del kerel mištimos kudalensa kai si lenge drago o Del, kudala kai si akharde sar vo kamlias.

Rimanenge 15:13
Ke o Del kai ažiukeren te pherel tume sako veselia ai sako patia ande o patiamos, t'aven tume but t'ažiukeren, katar e zor le Svinto Duxoski!

Jan 17:17
Svintsisar le katar tjiro čačimos; tjiri vorba si o čačimos.

Jan 4:24
O Del si Duxo, ai trubul ke kudala kai kamen les kamen les ande o duxo ai ande o čačimos.

Galaťanenge 5:16-24
[16] Me phenav kadia: Phiren sar si o Duxo, ai tume či kerena sar kamel o mas.[17] Ke o mas kamel so či kamel o Duxo, ai o Duxo kamel so či kamel o mas; von maren pe maškar pende, eta ke tume te na keren so tume kamen.[18] Te san tume ningerde katar o Duxo, tume či san tela o Zakono.[19] Eta sar le butia le maseske si sikade; o lažiav, o mahrimos, e kurvetsia;[20] o řudjimos ka le vobrazi ai o drabarimos. Aven dušmaia jekh avreske, čingaren pe, xan pe sar le žiukel, xoliaren pe, hulaven pe ai sako žial pe peski rig;[21] kamen te len avrestar, mation ai xan but, ai keren aver kasave dieli. Me phenav tumenge angla savořende, sar mai phendem, ke kudala kai keren kasave dieli, či avela lenge e amperetsia le Devleski.[22] Numa e fruta katar o Duxo, si o kamimos, e veselia, e patia, e řabda, o lašimos, e mila, o čačimos,[23] o kovlimos, ai o ninkerimos. O Zakono nai pe kudala dieli![24] Kudala kai si le Jesus Kristoske karfosarde o mas ai so sas leske drago ai so kamelas.

Židenge 3:13
Numa ažutin jekh kavres sako dies, kadia but sode šai daštin te phenen: Adies! eta ke či jekh anda tumende te na zuriarel pe katar o athaimos le bezexako,

Filipanenge 4:6-7
[6] Te na daran khančestar; numa anda sa le dieli keren te žianel o Del so trubul tumen katar le řudjimata ai le mangimata, te naisin les.[7] Ai e patia le Devleski, kai si mai but sar sa le godia, arakhela tumare ile ai tumare ginduri ande o Jesus Kristo.

Rimanenge 12:2
Na keren sar si ande kadia lumia, numa pařuven tume sa katar e godji, eta ke tume te žianen so kamel o Del, so si lašio, drago ai vorta.

Efežanenge 4:26-27
[26] T'avela tumen xoli, na keren bezex; ke o kham te na perel tele pe tumari xoli,[27] ai na muken t'avel o beng.

1 Peter 5:10
O Del sa le kamimasko, kai akhardias tumen ande o Jesus Kristo pala pesko vestimos pe sakda, pala ke tume kjinuisailian jekh tsiřa vramia, lašiarela tumen vo inke, zuriarela tumen, kerela anda tumende te na miškin tume.

Filipanenge 1:6
Me sim siguro ke kudo kai lias pe ande tumende kudia laši butji kerela la mai mišto pe o dies katar o Jesus Kristo.

Židenge 12:1
Kadia vi ame, sar si krugom amende jekh baro nuvero martururi, šiudas pa amende sa o pharimos ai e bezex kai si pe amende vušori, ai našas zurales ande so si amenge puterdo,

Romani Bible 2004
© Alliance Biblique Française 2004