A A A A A

Additional: [Sadness]


Matuš 5:4
Veseli t'aven le nekežime, ke avena len mila!

Matuš 11:28
Aven mande, tume sa kai san kjinuime ai kai si tumenge pharo, ai me dava tumen te hodinin.

1 Peter 5:7
ai thon pe leste sa tumare ginduri, ke inke vo lel sama tumendar.

1 Korinťanenge 10:13
Či jekh zumavimos kai zumade ame či avilo te nas katar le manuš, ai o Del, kai si čačo, či mukela tumen te zumaven tumen mai but sar si tumari zor; numa le zumamasa vo lašiarel vi sar tume t'anklen avri, eta ke tume te šai ninkeren.

1 Peter 5:6-7
[6] Kein tume kadia tela o zuralo vast le Devlesko, eta ke vo te uštiavel tumen ande e vramia kai trubul;[7] ai thon pe leste sa tumare ginduri, ke inke vo lel sama tumendar.

Rimanenge 12:2
Na keren sar si ande kadia lumia, numa pařuven tume sa katar e godji, eta ke tume te žianen so kamel o Del, so si lašio, drago ai vorta.

Zjaveňie 21:3-4
[3] Ai me ašundem anda o skamin amperatisko jekh zuralo hango kai phenelas: Eta o tabernaklo le Devlesko le manušensa! Vo bešela lensa, ai von avena lesko narodo, ai inke o Del avela lensa.[4] Vo khosela sako asvin pa lenge jakha, ai e martia či mai avela, ai či mai avela te žalin, či tsipimos, či dukh, ke le mai angluni dieli bilaile.

Rimanenge 12:15
Veselin tuma kudalensa kai veselin pe, roven kudalensa kai roven.

Zjaveňie 7:16-17
[16] von či mai avena bokhale, von či mai avena trušale, ai o kham či malavela len, či jekh tatimos.[17] Ke o Bakrořo kai si maškar o skamin amperatisko pravarela len ai ningerela len kai vulel o pai le traiosko, ai o Del khosela sako asvin pa lenge jakha.

Efežanenge 4:30
Na nekezin o Svinto Duxo le Devlesko, pala savo tume san astarde le dieseske kai avena skipime.

2 Korinťanenge 7:10
Čačes, o nekežimos kai mangel o Del kerel jekh keimos kai skipil tumen katar či keis tume šoha, numa o nekežimos la lumiako del o merimos.

Matuš 27:46
Ai karing o trito časo, o Jesus tsipisardias jekhe hangosa zurale: Eloi, Eloi, lama sabaxthani? si kudia: Muřo Del, muřo Del, sostar muklian ma tu?

1 Peter 1:6-7
[6] Kothe si kai kerdiol tumari veselia, makar ke akana, sar trubul, tume san nekezime pe jekh tsiřa vramia katar le but zumaimata.[7] Eta o zumaimos tumare patiamasko, mai kuč sar o sunakai kai xasavol (makar ke si zumado katar e jag). Kadia tumen lena o luvudimos o vestimos ai e pativ, kana o Jesus sikadiola,

Filipanenge 4:7
Ai e patia le Devleski, kai si mai but sar sa le godia, arakhela tumare ile ai tumare ginduri ande o Jesus Kristo.

Rimanenge 8:18
Me gindi ma ke le dukha so si akana naštin te aven sar o vestimos kai sikavela amenge.

Židenge 10:24-25
[24] Si te las sama jekh avreste te vazdel amen ka e mila ai ka le laše dieli.[25] Te na mukas amari kumpania, sar si sikiarde uni; numa te vazdas ame jekh avres, ai kudia sar mai but ke tume dikhen ke o dies pašiol.

2 Korinťanenge 1:3-4
[3] Svintsime t'avel o Del, o Dad amare Baresko o Jesus Kristo, o Del la milako ai o Del kai zuriarel,[4] kai zuriarel amen ande sa amare nekazo, eta ke, katar e zor kai ame si amen katar o Del, ame te šai zuriaras kudalen kai si ande o nekazo!

Matuš 22:36-40
[36] Baria, savi si e mai bari poronka le Zakonoski?[37] O Jesus del les palpale: T'avel tuke drago tjiro Baro, tjiro Del, anda sa tjiro ilo, anda sa tjiro duxo ai anda sa tjiri godji.[38] Si e mai angluno ai e mai bari poronka.[39] Ai eta e duito, kai si jekh fialo: T'avel tuke drago tjiro vortako sar san drago tuke.[40] Anda kadala dui poronki aven sa o Zakono ai le profeturi.

Jan 10:10
O čor avel ferdi te čorel, te mudarel ai te phařavel; me avilem eta ke le bakroře t'avel le o traio, ai te bešen ande o but mištimos.

Zjaveňie 21:4
Vo khosela sako asvin pa lenge jakha, ai e martia či mai avela, ai či mai avela te žalin, či tsipimos, či dukh, ke le mai angluni dieli bilaile.

Židenge 13:5
Na den tume te kamen le love; t'avel tumenge dosta so si tumen; ke o Del inke vo phendias: Me či mukava tut, ai či mukava tut korkořo.

Filipanenge 4:6-7
[6] Te na daran khančestar; numa anda sa le dieli keren te žianel o Del so trubul tumen katar le řudjimata ai le mangimata, te naisin les.[7] Ai e patia le Devleski, kai si mai but sar sa le godia, arakhela tumare ile ai tumare ginduri ande o Jesus Kristo.

Romani Bible 2004
© Alliance Biblique Française 2004