A A A A A

Additional: [Revival]


Jakob 4:8
Pašion paša o Del, ai vo pašiola paša tumende. Xalaven tumare vast, manuš bezexale; vužiaren tumare ile, manuš prosti.

Skutki 2:17-18
[17] Ande le mai paluni diesa, phenel o Del, me thava anda muřo Duxo pe sako mas. Tumare šiave ai tumare šeia phenena so avela, Tumare terne murš dikhena so avela, Ai tumare phure avena len sune.[18] Ei, pe muře služi ai pe muře sluganki, Ande kudala diesa, me thava anda muřo Duxo; ai von phenena so avela.

2 Timoteoske 4:3-4
[3] Ke avela jekh vramia kana le manuš či řibdina svinto sikiarimos; numa, xal le e mortsi kana ašunen le dieli drago, von kjidena but doxtori sar von kamen.[4] Dena rigate o kan katar o čačimos, ai von amboldena pe karing le kovle.

Efežanenge 5:14
Sa anda kudia si phendo: Ušti, tu kai soves, Ankli avri katar le mule, Ai o Kristo strefiala tut.

Matuš 6:33
Roden mai angluno e amperetsia ai e kris le Devleski; ai sa kudala dieli avena tumenge dine opral.

Skutki 2:38
O Petri phenel lenge: Kein tume, ai ke sako anda tumende t'avel amboldo ande o anav le Jesus Kristosko, te jertil tumare bezexa; ai tumen avela dino o Svinto Duxo.

Skutki 3:19-21
[19] Kein tume kadia ai pařuven tume, ke tumare bezexa t'aven khosle.[20] Eta ke le vremi hodinake aven katar o Baro, ai ke te tradel kudales kai sas tumenge šinado, o Jesus Kristo,[21] kai o čeri trubul te lel les ži ka e vramia kai thola o Del palpale sa le dieli, kai o Del diasas duma pa lende angla savořende katar o mui katar peske svintsi profeturi.

Lukaš 15:7
Sa jekh fialo, me phenav tumenge, avela mai but veselia ande o čeri pala jekh bezexalo kai keil pe, ke pala inia-var-deš ai inia kai či trubul te kein pe.

Marek 1:15
Vo phenelas: E vramia si gata, ai e amperetsia le Devleski si paše. Kein tume, ai patian tume ka e laši viasta.

Matuš 3:6
ai, puřinas penge bezexa, von bolenas pe lestar ande o pai o Jordan.

Matuš 11:20-24
[20] Atunči vo lias pe te phenel pe le foruri ande save sas mai but čudeni, ke von či keisaile.[21] Nasul tuke Horazin! Nasul tuke, Betsaida! ke, te le čudeni kai sas sikade maškar tumende sas kerde ande e Tira ai ande o Sidon, de dumult sas te kein pe, sas te len pe pende o gono ai šiuden le pulberia te garaven pen lažiavestar.[22] Sa anda kudia me phenav tumenge: O dies la krisako, e Tira ai o Sidon avena mai tsiřa pharo pe lende sar pe tumende.[23] Ai tu, Kapernaum, avesa tu uštiado ži ka o čeri? Tu avesa teliardo ži kai bešen le mule; ke, le čudeni kai sas sikade maškar tute t'avilinosas sikade ande o Sodomo, sas te mai ašel vo adies.[24] Sa anda kudia me phenav tumenge: O dies la krisako, o them o Sodomo avela mai tsiřa pharo pe leste sar pe tumende.

1 Peter 4:17
Ke si e vramia kai e kris lel pe katar o kher le Devlesko. Eta, te si te lel pe amendar, so avela te geton pe kudala kai či patian ka e Laši Viasta le Devleski?

1 Peter 5:10
O Del sa le kamimasko, kai akhardias tumen ande o Jesus Kristo pala pesko vestimos pe sakda, pala ke tume kjinuisailian jekh tsiřa vramia, lašiarela tumen vo inke, zuriarela tumen, kerela anda tumende te na miškin tume.

Efežanenge 1:18
ai ke kerel te strefian tumare jakha ande tumaro ilo, te tume te žianen so tume ažiukeren kai si astardo ka so vo akharel, so si lesko barvalimos le vestimasko kai garavel peske narodoske,

Rimanenge 6:4
Ame sam kadia angropome lesa katar o bolimos ande leski martia, eta ke, sar o Kristo živindisailo katar le mule pe e zor vestime le Dadeski, sa kadia vi ame phiras neve ande o traio.

Romani Bible 2004
© Alliance Biblique Française 2004