A A A A A

Additional: [Abundance]


1 Timoteoske 5:8
Te si varekon ke či lel sama katar peske niamuri, ai mai but katar kudala ande peski familia, vo del palpale pesko patiamos, ai vo si mai nasul sar kudo kai či patial.

2 Korinťanenge 9:8
Ai o Del šai pherel tumen anda sako mištimos, eta ke, t'aven tumen sakda sa le dieli so trubul tumen, ai but pala sa le laše dieli,

Efežanenge 3:20
Eta, ka kudo kai šai kerel sa, katar e zor kai si ande amende, but mai but anda sa so ame mangas vai gindisavas,

Jakob 1:17
sa o mai lašio mištimos ai sa o mai lašio dinimos vulel de opral, katar o Dad la vedariako, kaste nai pařudimos ai či kerniol pe te kerel ušialin.

Jan 10:10
O čor avel ferdi te čorel, te mudarel ai te phařavel; me avilem eta ke le bakroře t'avel le o traio, ai te bešen ande o but mištimos.

Lukaš 6:38
Den, ai avela tumen dino: Von dena muial ande e bari pošotsi kai si pe tumaro dži jekh laši mezura, kjidini, miškisardi ai dini opral; ke von mezurina tumenge la mezurasa kai sas tumari.

Lukaš 6:45
O manuš o lašio tsirdel laše dieli anda o lašio mandjin peske ilesko, ai o nasul tsirdel nasul dieli anda pesko nasul mandjin; ke si anda o but kai si ande o ilo ke o mui del duma.

Matuš 6:33
Roden mai angluno e amperetsia ai e kris le Devleski; ai sa kudala dieli avena tumenge dine opral.

Filipanenge 4:19
Ai muřo Del dela tumen so trubul savořen sar si lesko barvalimos, veselimasa, ande o Jesus Kristo.

Rimanenge 15:13
Ke o Del kai ažiukeren te pherel tume sako veselia ai sako patia ande o patiamos, t'aven tume but t'ažiukeren, katar e zor le Svinto Duxoski!

Romani Bible 2004
© Alliance Biblique Française 2004