A A A A A

Vida: [Belleza]


1 Pedro 3:3-4
[3] Canguna sumacyachishcaga, ama canzhamallara achu, aecha quindiyachishcahuas, curihuas, valij churarinaunahuas,[4] astaumbas canguna sumacyachishcaga ucuma achu, shungüi, ali cushi llaquij almamanda, mana ismuihuaj sumajhua. Caimi ashcara valin Diospa ñaupajpi.

2 Corintios 4:16
Casna ajpi mana desmayarinchi. Astaun ñucanchi ricurij aicha gastarisha rishallara, ñucanchi ucui tiaj runa caran punzha mushujyasha rin.

Efesios 2:10
Ñucanchiga Dios rashcauna manchi, Cristo Jesuspi iñachishcauna, alira rangaj. Cai ali ranaunara Dios ñaupamanda alichica ñucanchi caigunara rasha causangaj.

Filipenses 4:8
Puchucaibi, uquiuna, tucui cierto ajta, tucui ali ajta, tucui ali gusto ajta, tucui chuyaj ajta, tucui llaquinallara tucui ali rimashcara, ima ali sumaj ajtas, ima alabanalla ajtas, cai samiunai iyaichi.

Romanos 8:6
Aicha munaira iyana huañuimi, randi Espíritu munaira iyana causaimi, cushi shungumi.

Mateo 6:28-29
[28] ¿Churanamanda imarasha turbaringuichu? Ricupaichi sacha sisaunara imasnara iñanaun, mana tarabanaun, mana cauchunaun;[29] cangunara nini, Salomón tucui paihua sumajhua mana caigunasna churarijchu aca.

1 Timoteo 2:9-10
[9] Shinallara huarmiuna ali tupu churarinauchu, ali quillparisha, mana yapajta ricurijta paiñashcahua, mana curihua, mana perla nishcaunahua, mana yapajta valij churanahuas,[10] astaun, ali ranaunahua churarinauchu, quirinimi nij huarmiuna rana tupui.

Gálatas 3:26-27
[26] Canguna tucui Diospa churiuna anguichi Cristo Jesuspi quirishcamanda.[27] Tucui canguna Cristoi bautisashcauna Cristora churarishcanguichi.

Santiago 1:23
Maicambas cai shimira uyashallara, mana raushas, shu espejoi ricuj runa cuenta tucun, paihua quiquin ñahuira ricusha.

Mateo 23:28
Shinallarami canguna, canzhamanda ricujpi, ali runaunasna ricuringuichi, astaun shungu ucui manalihua, manali iyaihuas undarishcami anguichi.

Quechuan Bible 1972
Sociedades Bíblicas Unidas, Quito 1972