A A A A A

Vida: [Adopción]


2 Corintios 6:18
Ñucaga Yaya tucusha cangunahua, cangunaga churiuna ushushiuna tucunguichimi ñucahua, tucuira Ushaj Señor nin.

Santiago 1:27
Dios Yaya ñaupajpi ali cierto quirina, mana imas huajlishcahua, caimi: huaccha huahuaunajpi huaccha huarmiunajpis pasiai rinami paiguna llaquiriushcai, shinallara dueñora mundumanda ima huajlinamandas huacachingaj.

Mateo 25:40
Rey Apu cutipasha ñinga: Cierto pacha cangunara nini, imasnara casna rarcanguichi shu ñuca ichilla uquiunama, ñucarami rarcanguichi.

Juan 1:12-13
[12] Astaumbas tucui paita chasquijgunara ushaira cuca Diospa churiuna tucungaj, maicans paihua shutii quirisha.[13] Caiguna mana yahuarmanda, mana runa aichamandas, mana runa munaimandas iñachishca anaun. Astaun Diospa munaimandalla iñachishca anaunmi.

Gálatas 4:4-5
[4] Astaumbas tiempouna pactaríjpi, Dios paihua Churira cachamuca, huarmimanda pagarishca, ley shimi ucui pagarishca,[5] ñucanchira, ley shimi ucui tiajgunara randingaj, ñucanchi churiuna tucungaj.

Romanos 8:14-17
[14] Tucui Diospa Espíritu pushashcauna, caigunami Diospa churiuna anaun.[15] Canguna esclavo cuenta sirvina iyaira mana apicanguichi cuti manzhaihua tiangaj, astaun churi cuenta apiña iyaira, Abba, Yaya, nisha caparingaj.[16] Quiquin Espiritullara ñucanchi espiritui riman imasna ñucanchi Diospa churiuna manchi.[17] Ñucanchi churiuna ashaga, shinallara herederos nishca apijguna anchi, Diosmanda cushcara apijguna; Cristohua pariju apijguna anchi, ñucanchi paihua pariju tormendachishca ajpi, paihua pariju sumacyachishca angaj.

Quechuan Bible 1972
Sociedades Bíblicas Unidas, Quito 1972