| Roma 8:28 |
| Siyazi bonyana kilabo abathanda uZimu, wenza bona koke kuhlangane bekubakhambele kuhle, iye, labo ababizwe ngokweminqopho yakhe. |
|
| Jeremiya 29:11 |
| Mbala, mina ngiyawazi amahlelo enginawo ngani.” Kutjho uSomnini. “Amahlelo wehlalohle ingasi wokumbi; iye, amahlelo wokunipha ingomuso nethemba. |
|
| Filipi 4:6-7 |
| [6] Ningakhathazeki ngalitho kodwana kikho koke, iimbawo zenu azaziwe nguZimu ngomthandazo nangokuncenga okunokuthokoza.[7] Ukuthula kwakaZimu okudlula koke ukuzwisisa, kuzakubulunga iinhliziyo zenu nemikhumbulwenu kuKrestu Jesu. |
|
| Luka 6:16 |
| uJudasi umsa kaJakopo noJudasi Iskariyodi owathengisa uJesu. |
|
| AmaHubo 34:18 |
| Abalungileko nabanesililo, uSomnini uyabezwa, abatjhaphulule kizo zoke iinhlupheko zabo. |
|
| Isaya 40:28-31 |
| [28] Anazi na? Kghani anikezwa bonyana uSomnini unguZimu isiphelani, umdali wepelazwe na? Angeze adinwa nanyana aphele amandla begodu nomkhumbulwakhe awuphenyeki.[29] Odiniweko umupha amandla, aqinise khulu amandla waloyo obuthakathaka.[30] Abantu abatjha baphela amandla, badinwe, kuthi amasokana akhutjwe, awe,[31] kodwana labo abaqalelela kuSomnini bazakufumana amandla amatjha. Bazakukhuphuka ngamaphiko njengamakhozi; bagijime bangapheli amandla, bakhambe bangadinwa. |
|
| IzAga 3:5 |
| Themba uSomnini ngehliziywakho yoke, ungeyami ekwazini kwakho. |
|
| AmaHubo 42:11 |
| Ukungikhola kwezitha zami kungihlaba ehliziyweni, nazisoloko zithi kimi: “Njekhona uphi uZimakho?” |
|
| Kolose 3:23-25 |
| [23] Koke enikwenzako, kwenzeni ngehliziyo epheleleko kube ngathi nikwenzela iKosi ingasi abantu,[24] njengombana nisazi bonyana eKosini nizakwamukeliswa ilifa njengomvuzo wenu. Khumbulani bona nilotjha iKosi.[25] Ngambala loyo owenza okungakalungi, uzakwamukeliswa nanyana yini engakalungi ayenzileko begodu akukho ukukhetha ubuso. |
|
| UmShumayeli 1:2 |
| “Kulilize lakolize!” Iye, uMtjhumayeli uthi: “Kulilize lakolize! Yoke into ililize!” |
|
| UmShumayeli 12:8 |
| Kulilize lakolize! Iye, uMtjhumayeli uthi: “Yoke into ililize!” |
|
| Heberu 11:6 |
| Kodwana ngaphandle kokukholwa akwenzeki ukumthokozisa uZimu ngombana loyo otjhidela kuZimu kufanele akholwe bona ukhona nokobanyana uyabavuza labo abamfunako. |
|
| Heberu 13:5 |
| Zilondeni ningabi marhamaru kodwana yaneliswani ngeninakho ngombana wathi: “Angekhe nganitjhiya namkha nganilahla.” |
|
| Ndebele Bible (SND) 2012 |
| No Data |