| Kolose 1:16 |
| ngombana koke kwabunjwa ngaye: okusezulwini nephasinapha, okubonakalako nokungabonakaliko, kungaba mibuso namkha ubukhosi namkha ababusi neemphathimandla. Koke kwabunjwa ngaye, kwabunjelwa yena. |
|
| Genesise 1:1 |
| Koke kwathoma lokha uZimu nakadala izulu nephasi. |
|
| Heberu 1:3 |
| Yona isibonakaliso sephazimulo kaZimu nomfuziselo wamambala wobuyena bakhe; iphethe izinto zoke ngelizwi layo elinamandla. Lapho sele ikwenzile ukuhlanjululwa kwezono, yahlala ngesigomeni sakaSomandla ezulwini. |
|
| Heberu 4:12 |
| Mbala ilizwi lakaZimu liphilile, linamandla, libukhali kunesabula esika mahlangothi womabili. Lihlaba lingene beliyofika ehlanganweni yomphefumulo nommoya, amalungu nommongo; likwazi ukuhlukanisa imicabango nemizindlo yehliziyo. |
|
| Isaya 44:6 |
| Nakhu okutjhiwo nguSomnini iKosi nomhlengi wakwa-Israyeli, iye, uSomnini uMninimandlawoke uthi: “Ngingowokuthoma newokugcina, ngaphandle kwami akunaZimu omunye. |
|
| Johane 1:1 |
| Ekuthomeni uLizwi bekakhona, uLizwi bekakuZimu, uLizwi bekanguZimu. |
|
| Johane 1:14 |
| ULizwi waba yinyama, wakha phakathi kwethu azele umusa neqiniso. Sabona iphazimulwakhe, iphazimulo ayamukela kuYise njengeNdodanakhe eyodwa tere. |
|
| Johane 3:16 |
| Mbala uZimu walithanda kangaka iphasi, wabe wanikela ngeNdodanakhe ebelethwe yodwa, khona kuzakuthi loyo okholwa kiyo angabhubhi, kodwana abe nepilo engapheliko. |
|
| Johane 4:24 |
| UZimu unguMoya, labo abamthandazako kufuze bamthandaze ngommoya nangeqiniso njengombana anjalo.” |
|
| 1 Johane 1:5 |
| Naku umlayezo esawuzwa kuye nesiwumemezela kini: UZimu ukukhanya begodu kuye abukho nakancani ubumnyama. |
|
| 1 Johane 4:8 |
| Loyo onganathando akamazi uZimu ngombana uZimu ulithando. |
|
| 1 Johane 4:16 |
| Nje-ke siyalazi besiyalikholwa ithando uZimu analo kithi. Iye, uZimu ulithando, loyo ophila ethandweni uphila kuZimu noZimu uphila kuye. |
|
| 2 Samuweli 7:22 |
| Maye Somnini Somandla, uthi umkhulu na! Ngokuya ngesikuzwileko, akakho ofana nawe begodu akakho uZimu ngaphandle kwakho. |
|
| Johane 17:3 |
| Ukuphila okungapheliko ngilokho bona bazi wena wedwa Zimu weqiniso nokwazi uJesu Krestu, omthumileko. |
|
| AmaHubo 34:8 |
| Abesaba uSomnini, baphahlwa yingilozi mazombe, ibenyule. |
|
| AmaHubo 86:5 |
| Mbala, wena Somandla ulungile begodu uyacolela, ukwethembeka kwakho kukhulu kibo boke abalila kuwe. |
|
| IsAmbulo 1:1 |
| Isambulo sakaKrestu asinikelwa nguZimu bonyana abonise iinceku zakhe okufanele kwenzeke msinyana. Lokho wakwenza ngokuthumela ingilozi ukuyobonisa inceku yakhe uJwanisi, |
|
| IsAmbulo 22:13 |
| Mina ngingu-Alfa no-Omega, wokuthoma nowamaphelelo, iye, ukuthoma nokuphela. |
|
| Roma 5:8 |
| Kodwana uZimu ubonise ithando lakhe kithi ngendlela yokobana sithe sisesezizoni, uKrestu wasifela. |
|
| Zefaniya 3:17 |
| USomnini uZimakho ungesirhodlweni sakho, unamandla wokusindisa. USomnini uzakukarekela ngethabo elikhulu; akuthande ngesirhawu, akuthakasele |
|
| IsAmbulo 1:17-18 |
| [17] Ngathi nangimbonako ngaduleka phasi eenyaweni zakhe njengofileko. Wabeka isandla sakhe sesidla phezu kwami wathi: “Ungesabi, ngingewokuthoma newokuphela;[18] ngingophilako! Bengifile, kodwana qala-ke sengiphila ngokungapheliko, begodu ngiphethe iinhluthulelo zokufa nezephasi labafileko. |
|
| 2 Thimothewu 3:16-17 |
| [16] Yoke imitlolo iphefumulelwe nguZimu, begodu ilungele ukufundisa, ukukhalima, ukunqophisa imitjhapho nokuyala ekulungeni,[17] khona umuntu kaZimu azakufanela bona abe ngolungele ukwenza yoke imisebenzi emihle. |
|
| Johane 10:30-33 |
| [30] Mina noBaba simunye.”[31] Godu amaJuda adobha amatje kobana amkhande.[32] UJesu wathi kiwo: “Nginitjengise iimangaliso ezinengi nezikulu ezivela kuBaba. Alo, ezintwenezo ngiyiphi-ke into enifuna ukungikhandela yona na?”[33] Bamphendula bathi: “Akusingebanga lento nayinye yalezi esenza sikukhande, kodwana kungebanga lokuhlambalaza ngombana umumuntu nje, nalapho uzenza uZimu!” |
|
| Ndebele Bible (SND) 2012 |
| No Data |