| Isaya 35:4 |
| Yithini kabaneenhliziyo ezizazako: “Qinani, ningesabi! Nangu uZimenu; uzakuza ngokubuyiselela, iye, ngomvuzo waloyo osabekako. Yena uzakuza anisindise.” |
|
| Johane 14:27 |
| “Ukuthula ngikutjhiya nani. Ukuthula kwami ngininikela khona. Angininikeli khona njengombana iphasi lisenza. Ningavumeli iinhliziyo zenu zitshwenyeke begodu ningesabi. |
|
| Joshuwa 1:9 |
| Angithi ngikuyalile: Qina-ke ube nesibindi. Ungabi nevalo namkha uphele amandla ngombana uSomnini uZimakho unawe koke lapha ukhamba khona.” |
|
| Mathewu 6:34 |
| Yeke ningakhathazeki ngelingomuso ngombana ilingomuso lizakukhathalela kwalo. Elinye nelinye ilanga lineenkathazo zalo ezaneleko.” |
|
| Isaya 43:1 |
| Nje-ke nakhu okutjhiwo nguSomnini owakudalako, wena Jakopo, owakubumbako, wena Israyeli, uthi: “Ungesabi ngombana ngizakuhlenga. Ngakubiza ngebizo; wena ungowami. |
|
| AmaHubo 23:4 |
| Nanyana ngikhamba ngerharheni lethunzi elesabekako, angizukwesaba okumbi ngombana wena ukimi; intonga nedondolo lakho kuyangiduduza. |
|
| AmaHubo 34:4 |
| Phakamisani uSomnini kanye nami, sikhulise ibizo lakhe kanyekanye. |
|
| AmaHubo 94:19 |
| Lokha imikhumbulwami nayihlubayezeka khulu, induduzwakho ivuselela umphefumulwami. |
|
| Roma 8:38-39 |
| [38] Nje-ke ngineqiniso lokobana akunalitho, nanyana kungaba kukufa, kuphila, ziingilozi, babusi, zizinto ezikhona, zizinto ezizakubakhona, mibuso,[39] kuphakama, kuzika, nanyana kungaba yini edaliweko ezasihlukanisa nethando lakaZimu kuKrestu Jesu iKosethu. |
|
| AmaHubo 27:1 |
| Irhubo lakaDavida. USomnini ukukhanya nesindiswami, ngizakwesaba bani na? USomnini ubuphephelo bokuphila kwami; alo, ngizakuba nevalo ngobani na? |
|
| 1 Petru 5:6-7 |
| [6] Nje-ke zithobeni ngaphasi kwesandla esinamandla sakaZimu, khona azaniphakamisa ngesikhathi esifaneleko.[7] Fumbelani woke amatshwenyeko wenu kuye ngombana yena uyanikhathalela. |
|
| AmaHubo 118:6 |
| USomnini ungakimi, yeke angesabi. Umuntu angangenzani na? |
|
| 2 Thimothewu 1:7 |
| ngombana uZimu akhange asiphe ummoya wobutjhatjha, kodwana wamandla, wethando nowokuzikhalima. |
|
| AmaHubo 115:11 |
| Nina abesaba uSomnini, thembani kuye! Mbala, ulisizo nesihlangu senu. |
|
| AmaHubo 103:17 |
| Nokho ukwethembeka kwakaSomnini kungokwanini nanini kwabamesabako nokulunga kwakhe kungokweenzukulwana |
|
| AmaHubo 112:1 |
| Haleluya! Ubusisiwe loyo owesaba uSomnini, othokozela khulu imiyalwakhe! |
|
| Duteronomi 31:6 |
| Qinani nibe nesibindi, ningesabi nibe nevalo ngazo ngombana nguSomnini uZimenu okhamba nani, angeze anitjhiya namkha anilahle.” |
|
| 1 IziKronike 28:20 |
| Godu uDavida wakhuluma nendodanakhe uSolomoni wathi: “Qina, ungapheli amandla! Yenza umsebenzi! Ungabi nevalo wesabe ukuragela phambili ngombana uSomnini uZimu, iye uZimami unawe. Angeze akufulathele namkha akutjhiye bekube sekupheleni komsebenzi woke wokwakha ithempeli lakaSomnini. |
|
| AmaHubo 56:3-4 |
| [3] Iye, ilanga loke izitha zami ziyangibhozomela! Ngambala banengi abalwa nami. Wena ongoPhezulu,[4] lokha nanginokwesaba, ngibeka ithemba lami kuwe. |
|
| Isaya 41:10-13 |
| [10] Nje-ke ungesabi ngombana nginawe, ungethuki ngombana nginguZimakho. Ngiyakuqinisa bengiyakusiza, ngikugugudlhele ngesidla sami sokuphumelela.[11] Qala-ke, boke abakubhavumulelako bazakudana bebarhubutjheke; labo abakusozisako bazakuba lilize, babhubhe.[12] Uzakufunana nabajamelani bakho, kodwana angeze ubafumane; iye, labo abalwisana nawe bazakuba lilize lakolize[13] ngombana nginguSomnini, uZimakho, oqinisa isandla sakho sokudla, othi kuwe, ‘Ungesabi, mina ngokwami ngiyakusiza.’ |
|
| Isaya 54:4 |
| “Ungesabi ngombana angeze warhubutjhwa. Ungapheli amandla ngombana angeze wahlaziseka. Uzakukhohlwa ukurhubutjhwa kobutjha bakho, ungasakhumbuli godu ihlazo lobuhlolokazi bakho. |
|
| Mathewu 10:28 |
| Ningabesabi labo ababulala umzimba babhalelwe mphefumulo. Kungcono nesabe loyo okghona ukubhubhisa umphefumulo nomzimba esirhogweni. |
|
| Roma 8:15 |
| Azange namukeliswe ummoya onenza bona nibe makhoboka godu benesabe, kodwana namukele uMoya onenza nibe bantwana bakaZimu. Yeke ngaye siyabiza sithi: “Aba, Baba!” |
|
| 1 Korinte 16:13 |
| Hlalani niqaphile, nijame nidzimelele ekukholweni, nibe nesibindi, niqine. |
|
| Heberu 13:5-6 |
| [5] Zilondeni ningabi marhamaru kodwana yaneliswani ngeninakho ngombana wathi: “Angekhe nganitjhiya namkha nganilahla.”[6] Ngalokho singatjho ngesibindi sithi: “USomnini umsizi wami, angeze ngesaba; umuntu angangenzani na?” |
|
| 1 Johane 4:18 |
| Akukho ukwesaba ethandweni. Kodwana ithando elipheleleko liqotha ukwesaba ngombana ukwesaba kunesibetho, nje-ke owesabako akakapheleli ethandweni. |
|
| 1 Petru 3:13-14 |
| [13] Alo, ngubani onganilimaza nanitjhisekela ukwenza okulungileko na?[14] Kodwana nanyana nihlupheka ngebanga lokulunga, nizakubusiswa! Ningesabi okwesatjwa babantu begodu ningethuswa. |
|
| Ndebele Bible (SND) 2012 |
| No Data |