| 1 Petru 2:17 |
| Hloniphani bonke. Thandani ubuzalwane. Mesabeni uNkulunkulu. Hloniphani inkosi. |
|
| Roma 12:10 |
| Thandanani kakhulu ngothando lobuzalwane; ekuhloniphaneni phathani abanye ngcono kulani; |
|
| 1 Thimothewu 5:17 |
| Abadala abaphatha kuhle bafanele ukuhlonitshwa ngokuphindiweyo, ikakhulu labo abasebenza nzima elizwini lekufundiseni; |
|
| Johane 5:23 |
| ukuze bonke badumise iNdodana, njengalokhu bedumisa uYise. Ongayidumisiyo iNdodana, kamdumisi uYise oyithumileyo. |
|
| Johane 4:44 |
| ngoba uJesu ngokwakhe wafakaza ukuthi umprofethi kaladumo elizweni lakibo. |
|
| 1 Thimothewu 1:17 |
| Kuyo-ke iNkosi eyisimakade, engabhubhiyo, engelakubonwa, uNkulunkulu yedwa ohlakaniphileyo, ka kube udumo lobukhosi kuze kube nini lanininini. Ameni. |
|
| Roma 13:1-7 |
| [1] Wonke umphefumulo awuzehlisele ngaphansi kwamandla aphezulu; ngoba kakukho amandla ngaphandle kwavela kuNkulunkulu; lamandla akhona amiswe nguNkulunkulu.[2] Ngakho omelana lamandla, umelana lesimiso sikaNkulunkulu; lalabo abamelana lawo bazazithathela ukulahlwa.[3] Ngoba ababusi kabesabeki emisebenzini emihle, kodwa kwemibi. Njalo uyathanda yini ukungesabi amandla? Yenza okuhle, njalo uzakuba lodumo kuwo;[4] ngoba uyinceku kaNkulunkulu ukuze kube kuhle kuwe. Kodwa nxa usenza okubi, yesaba; ngoba inkemba kayiphatheli ize. Ngoba uyinceku kaNkulunkulu, ungumphindiseli wolaka kulowo owenza okubi.[5] Ngakho kumele ukuthi uzehlise, kungabi ngenxa yolaka kuphela, kodwa langenxa yesazela.[6] Ngoba ngenxa yalokho lithela lomthelo; ngoba bayizinceku zikaNkulunkulu, ezikhuthalela khona lokho.[7] Ngakho phanini bonke okufaneleyo; umthelo ko fanele umthelo; inkokhelo ko fanele inkokhelo; ukwesatshwa ko fanele ukwesatshwa; udumo ko fanele udumo. |
|
| Roma 2:7 |
| kubo abalesineke ngokwenza imisebenzi elungileyo bedinga inkazimulo lodumo lokungabhubhi, kuzakuba lempilo elaphakade; |
|
| Heberu 13:4 |
| Umtshado uhlonitshwa kubo bonke, lombheda ungangcoliswa; kodwa uNkulunkulu uzagweba iziphingi lezifebe. |
|
| Johane 12:26 |
| Uba umuntu engisebenzela, kangilandele; lalapho engikhona mina, lenceku yami izakuba khona. Futhi uba umuntu engisebenzela, uBaba uzamhlonipha. |
|
| Efesu 6:1-3 |
| [1] Bantwana, lalelani abazali benu eNkosini; ngoba lokhu kulungile.[2] Hlonipha uyihlo lonyoko, okungumlayo wokuqala olesithembiso,[3] ukuze kube kuhle kuwe, njalo uphile isikhathi eside emhlabeni. |
|
| Efesu 6:2 |
| Hlonipha uyihlo lonyoko, okungumlayo wokuqala olesithembiso, |
|
| Johane 5:22-23 |
| [22] Ngoba loYise kahluleli muntu, kodwa unike iNdodana konke ukwahlulela;[23] ukuze bonke badumise iNdodana, njengalokhu bedumisa uYise. Ongayidumisiyo iNdodana, kamdumisi uYise oyithumileyo. |
|
| Mathewu 15:4 |
| Ngoba uNkulunkulu walaya, wathi: Hlonipha uyihlo lonyoko; lokuthi: Othuka uyise kumbe unina kumele afe lokufa; |
|
| 1 Thesalonika 4:4 |
| ukuthi ngulowo lalowo wenu kakwazi ukugcina esakhe isitsha ekungcweliseni lekuhlonipheni, |
|
| 2 Petru 1:17 |
| Ngoba wemukela udumo lobukhosi okuvela kuNkulunkulu uBaba, lapho ilizwi elinje lafikiswa kuye ngenkazimulo yobukhosi lisithi: Le yiNdodana yami ethandekayo mina engithokoza kuyo; |
|
| IsAmbulo 5:12-13 |
| [12] zisithi ngelizwi elikhulu: Lifanele iWundlu elahlatshwayo ukwemukela amandla lenotho lenhlakanipho lengalo lodumo lobukhosi lokudunyiswa.[13] Laso sonke isidalwa esisezulwini, lemhlabeni, langaphansi komhlaba, lezinto eziselwandle, lakho konke okukikho, ngakuzwa kusithi: Kuye ohlezi esihlalweni sobukhosi lakulo iWundlu kakube ukudunyiswa lodumo lobukhosi lamandla kuze kube nini lanini. |
|
| IsAmbulo 7:12 |
| zisithi: Ameni. Ukudunyiswa lobukhosi lenhlakanipho lokubonga lodumo lamandla lengalo kakube kuNkulunkulu wethu kuze kube nini lanini. Ameni. |
|
| 1 Korinte 6:20 |
| ngoba lathengwa ngentengo; ngakho dumisani uNkulunkulu emzimbeni wenu, langomoya wenu, okungokukaNkulunkulu. |
|
| Efesu 6:2-3 |
| [2] Hlonipha uyihlo lonyoko, okungumlayo wokuqala olesithembiso,[3] ukuze kube kuhle kuwe, njalo uphile isikhathi eside emhlabeni. |
|
| IsAmbulo 4:9-11 |
| [9] Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nini lanini,[10] abadala abangamatshumi amabili lane baziwisela phansi phambi kohlezi esihlalweni sobukhosi, basebemkhonza ophilayo kuze kube nini lanini, bephosela imiqhele yabo phambi kwesihlalo sobukhosi, besithi:[11] Ufanele, Nkosi, ukwemukela ubukhosi, lodumo lamandla; ngoba wena wadala izinto zonke, langentando yakho zikhona, zadalwa. |
|
| Marku 7:1-13 |
| [1] Kwasekubuthana kuye abaFarisi, labanye bababhali, ababevela eJerusalema;[2] sebebonile ukuthi abanye babafundi bakhe badla izinkwa ngezandla ezingcolileyo, okuyikuthi ezingagezwanga, basola.[3] Ngoba abaFarisi lamaJuda bonke kabadli, ngaphandle kokuthi bagezisise izandla zabo, belondoloza isiko labadala.[4] Nxa be vela emdangeni, kabadli, ngaphandle kokuthi bageze; futhi zikhona ezinye izinto ezinengi abazemukelayo ukuzilondoloza, ukugezisa inkezo lembiza lezitsha zethusi lemibheda.[5] Emva kwalokhu abaFarisi lababhali bambuza bathi: Kungani abafundi bakho bengahambi ngesiko labadala, kodwa badla isinkwa ngezandla ezingahlanjwanga?[6] Kodwa waphendula wathi kubo: UIsaya waprofetha kuhle ngani lina bazenzisi, njengokulotshiweyo ukuthi: Lesisizwe singidumisa ngezindebe, kodwa inhliziyo yabo ikhatshana lami.[7] Kodwa zingikhonza ngeze, zifundisa izimfundiso eziy imilayo yabantu.[8] Ngoba liyekela umlayo kaNkulunkulu, ligcine isiko labantu, ukugezisa imbiza lenkezo; lezinye izinto ezinengi ezinjalo liyazenza.[9] Wasesithi kubo: Liyekela kuhle umlayo kaNkulunkulu, ukuze lilondoloze isiko lenu.[10] Ngoba uMozisi wathi: Hlonipha uyihlo lonyoko; lokuthi: Othuka uyise kumbe unina kumele afe ukufa;[11] kodwa lina lithi: Aluba umuntu esithi kuyise kumbe kunina: Lokho obungasizwa yimi ngakho, \liKhobane\, okuyikuthi umnikelo kuNkulunkulu;[12] kalisamvumeli ukwenzela uyise kumbe unina ulutho,[13] lilenza ize ilizwi likaNkulunkulu ngesiko lenu eliliqhubayo; lezinto ezinengi ezinjalo liyazenza. |
|
| Mathewu 15:1-9 |
| [1] Kwasekufika kuJesu ababhali labaFarisi ababevela eJerusalema, bathi:[2] Kungani abafundi bakho besephula isiko labadala? Ngoba kabagezi izandla zabo, nxa besidla isinkwa.[3] Kodwa waphendula wathi kubo: Lani-ke kungani lisephula umlayo kaNkulunkulu ngenxa yesiko lenu?[4] Ngoba uNkulunkulu walaya, wathi: Hlonipha uyihlo lonyoko; lokuthi: Othuka uyise kumbe unina kumele afe lokufa;[5] kodwa lina lithi: Loba ngubani othi kuyise kumbe kunina: Ku ngumnikelo, loba yini evela kimi ingakusiza,[6] njalo engasoze amhloniphe uyise kumbe unina; ngalokho lenza umlayo kaNkulunkulu ube yize ngenxa yesiko lenu.[7] Bazenzisi, uIsaya waprofetha kuhle ngani, esithi:[8] Lababantu basondela kimi ngomlomo wabo, langendebe bangidumise; kodwa inhliziyo yabo ikhatshana lami.[9] Kodwa bangikhonza ngeze, befundisa izimfundiso eziy imilayo yabantu. |
|
| Luka 14:7-8 |
| [7] Wasekhuluma umfanekiso kubo abanxusiweyo, ebona ukuthi bakhetha njani izihlalo zabahloniphekayo, wathi kubo:[8] Nxa unxusiwe ngumuntu emtshadweni, ungahlali esihlalweni sabahloniphekayo; hlezi kukhona omkhulu kulawe onxusiweyo nguye, |
|
| 2 Korinte 6:8 |
| ngodumo langehlazo, ngokuthukwa langokudunyiswa; njengabakhohlisi, kanti abaqinisileyo; |
|
| IsAmbulo 5:13 |
| Laso sonke isidalwa esisezulwini, lemhlabeni, langaphansi komhlaba, lezinto eziselwandle, lakho konke okukikho, ngakuzwa kusithi: Kuye ohlezi esihlalweni sobukhosi lakulo iWundlu kakube ukudunyiswa lodumo lobukhosi lamandla kuze kube nini lanini. |
|
| IsAmbulo 4:11 |
| Ufanele, Nkosi, ukwemukela ubukhosi, lodumo lamandla; ngoba wena wadala izinto zonke, langentando yakho zikhona, zadalwa. |
|
| 1 Thimothewu 6:16 |
| yena yedwa olokungafi, ohlala ekukhanyeni okungelakusondelelwa, akulamuntu ebantwini owambonayo, kumbe ongambona; okukuye udumo lamandla aphakade. Ameni. |
|
| Heberu 5:4 |
| Futhi kakulamuntu ozithathela le inhlonipho, kodwa obizwa nguNkulunkulu, lanjengoAroni. |
|
| Mathewu 15:8 |
| Lababantu basondela kimi ngomlomo wabo, langendebe bangidumise; kodwa inhliziyo yabo ikhatshana lami. |
|
| Mathewu ౧౯:౧౯ |
| hlonipha uyihlo lonyoko; njalo, wothanda umakhelwane wakho njengalokhu uzi thanda wena. |
|
| Luka ౧౮:౨౦ |
| Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko. |
|
| Mathewu 13:57 |
| Basebekhubeka ngaye. Kodwa uJesu wathi kubo: Umprofethi kasweli ukudunyiswa ngaphandle kwelizweni lakibo lendlini yakwabo. |
|
| Marku ౬:౪ |
| Kodwa uJesu wathi kubo: Umprofethi kasweli ukudunyiswa, ngaphandle kwelizweni lakibo, lezihlotsheni zakhe lendlini yakwabo. |
|
| Johane 12:23-26 |
| [23] UJesu wasebaphendula esithi: Ihola selifikile lokuthi iNdodana yomuntu idunyiswe.[24] Ngiqinisile, ngiqinisile, ngithi kini: Ngaphandle kokuthi uhlamvu lwebele luwele emhlabathini lufe, lona luhlala lulodwa; kodwa aluba lusifa, luthela isithelo sande.[25] Yena othanda impilo yakhe uyalahlekelwa yiyo; lozonda impilo yakhe kulumhlaba uzayilondoloza kuze kube yimpilo engulaphakade.[26] Uba umuntu engisebenzela, kangilandele; lalapho engikhona mina, lenceku yami izakuba khona. Futhi uba umuntu engisebenzela, uBaba uzamhlonipha. |
|
| Heberu ౨:౯ |
| Kodwa siyambona uJesu, etheswe umqhele wobukhosi lodumo, owenziwa okwesikhatshana waba phansi kulezingilosi, ngenxa yenhlupheko yokufa, ukuze ngomusa kaNkulunkulu azwele wonke ukufa. |
|
| Eksodusi 20:12 |
| Hlonipha uyihlo lonyoko, ukuze insuku zakho zelulwe elizweni i Nkosi uNkulunkulu wakho ekunika lona. |
|
| Isaya 29:13 |
| INkosi yasisithi: Ngenxa yokuthi lababantu besondela ngomlomo wabo langezindebe zabo bengihlonipha, kodwa babeka inhliziyo zabo khatshana lami, lokungesaba kwabo kufundiswa ngumlayo wabantu; |
|
| 1 Samuweli 2:30 |
| Ngakho i Nkosi uNkulunkulu kaIsrayeli ithi: Ngathi lokuthi: Indlu yakho lendlu kayihlo zizahamba phambi kwami kuze kube nininini; kodwa khathesi ithi i Nkosi: Kakube khatshana lami; ngoba abangihloniphayo ngizabahlonipha, labangidelelayo bazakweyiswa. |
|
| IzAga ౩:౯ |
| Hlonipha i Nkosi ngemfuyo yakho, langezithelo zakho zokuqala zesivuno sakho sonke. |
|
| Duteronomi 5:16 |
| Hlonipha uyihlo lonyoko, njengokukulaya kwe Nkosi uNkulunkulu wakho, ukuze insuku zakho zelulwe, lokuthi kukulungele elizweni i Nkosi uNkulunkulu wakho ekunika lona. |
|
| IzAga 21:21 |
| Oxotshana lokulunga lomusa uzathola impilo, ukulunga, lodumo. |
|
| IzAga 22:4 |
| Umvuzo wokuthobeka lo kwesaba i Nkosi, yinotho, lodumo, lempilo. |
|
| IzAga 14:31 |
| Ocindezela umyanga uthuka uMenzi wakhe, kodwa olomusa koswelayo uyamdumisa. |
|
| AmaHubo 8:5-6 |
| [5] Kanti wamenza waba ngaphansi kancinyane kulengilosi, wamethwesa umqhele wobukhosi lodumo.[6] Wamenza wabusa phezu kwemisebenzi yezandla zakho, konke wakubeka ngaphansi kwenyawo zakhe, |
|
| IzAga 29:23 |
| Ukuzigqaja komuntu kuzamehlisa, kodwa olomoya othobekileyo uzabamba udumo. |
|
| Malaki 1:6 |
| Indodana iyamhlonipha uyise, lenceku inkosi yayo. Uba-ke nginguyihlo, kungaphi ukuhlonitshwa kwami? Uba-ke ngiyiNkosi, kungaphi ukwesatshwa kwami? itsho i Nkosi yamabandla kini, bapristi elidelela ibizo lami; kodwa lithi: Silidelele ngani ibizo lakho? |
|
| 1 Thimothewu 5:3 |
| Hlonipha abafelokazi abangabafelokazi isibili. |
|
| 1 Thimothewu 6:1 |
| Bonke abangaphansi kwejogwe, izigqili, kabathi amakhosi abo afanele konke ukuhlonitshwa, ukuze ibizo likaNkulunkulu lemfundiso kungadunyazwa; |
|
| Ndebele Bible 2002 |
| No Data |