| Isaya 35:4 |
| Tshonini kwabalenhliziyo ephangisayo lithi: Qinani, lingesabi. Khangelani, uNkulunkulu wenu uzakuza ngempindiselo, uNkulunkulu elomvuzo; yena uzakuza alisindise. |
|
| Johane 14:27 |
| Ukuthula ngikutshiya kini, ukuthula kwami ngilinika khona; kungeyisikho njengoba umhlaba unika, mina ngiyalinika. Inhliziyo yenu kayingakhathazwa, ingesabi. |
|
| Joshuwa 1:9 |
| Kangikulayanga yini? Qina, ume isibindi; ungesabi, ungatshaywa luvalo, ngoba i Nkosi uNkulunkulu wakho ilawe loba ngaphi lapho oya khona. |
|
| Mathewu 6:34 |
| Ngakho lingaphisekeli ikusasa; ngoba ikusasa izaziphisekela yona; bulwanele usuku obalo ububi. |
|
| Isaya 43:1 |
| Kodwa khathesi itsho njalo i Nkosi eyakudalayo, Jakobe, leyakubumbayo, Israyeli: Ungesabi; ngoba ngikuhlengile, ngakubiza ngebizo lakho; ungowami. |
|
| AmaHubo 23:4 |
| Yebo, loba ngihamba esihotsheni sethunzi lokufa, kangiyikwesaba okubi, ngoba wena ulami; intonga yakho lodondolo lwakho, khona kuyangiduduza. |
|
| AmaHubo 34:4 |
| Ngayidinga i Nkosi, yangiphendula, yasingikhulula kukho konke ukwesaba kwami. |
|
| AmaHubo 94:19 |
| Ebunengini bemicabango yami engaphakathi kwami induduzo zakho zithokozisa umphefumulo wami. |
|
| Roma 8:38-39 |
| [38] Ngoba ngileqiniso ukuthi kayisikho ukufa lempilo lezingilosi lababusi lamandla lezinto ezikhona lezinto ezizayo[39] lobude lokutshona laloba yisiphi isidalwa okuzakuba lamandla okusehlukanisa lothando lukaNkulunkulu olukuKristu Jesu iNkosi yethu. |
|
| AmaHubo 27:1 |
| I Nkosi iyikukhanya kwami losindiso lwami; ngizakwesaba bani? I Nkosi ingamandla empilo yami; ngizakwethuka bani? |
|
| 1 Petru 5:6-7 |
| [6] Ngakho zehliseleni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo,[7] liphosela phezu kwakhe inkathazo zenu zonke, ngoba yena uyalikhathalela. |
|
| AmaHubo 118:6 |
| I Nkosi ingakimi, kangiyikwesaba; umuntu angenzani kimi? |
|
| 2 Thimothewu 1:7 |
| Ngoba uNkulunkulu kasinikanga umoya wobugwala, kodwa owamandla lowothando lowokuqonda. |
|
| AmaHubo 115:11 |
| Lina elesaba i Nkosi, thembani e Nkosi ni. Ilusizo lwabo lesihlangu sabo. |
|
| AmaHubo 103:17 |
| Kodwa umusa we Nkosi usukela ephakadeni usiya ephakadeni phezu kwabayesabayo, lokulunga kwayo kuze kube sebantwaneni babantwana, |
|
| AmaHubo 112:1 |
| Dumisani i Nkosi ! Ubusisiwe umuntu oyesabayo i Nkosi, othokoza kakhulu ngemithetho yayo. |
|
| Duteronomi 31:6 |
| Qinani, lime isibindi, lingesabi, lingatshaywa luvalo ngenxa yazo; ngoba i Nkosi uNkulunkulu wakho, yiyo ehamba lawe; kayiyikukulahla, kayiyikukudela. |
|
| 1 IziKronike 28:20 |
| UDavida wasesithi kuSolomoni indodana yakhe: Qina, ube lesibindi, usebenze; ungesabi, ungatshaywa luvalo; ngoba i Nkosi uNkulunkulu, uNkulunkulu wami, ilawe. Kayisoze yakulahla, kayisoze yakutshiya, uze uqede umsebenzi wonke wenkonzo yendlu ye Nkosi. |
|
| AmaHubo 56:3-4 |
| [3] Mhla ngisesaba, mina ngizathemba kuwe.[4] KuNkulunkulu ngizadumisa ilizwi lakhe, kuNkulunkulu ngiyathemba, angiyikwesaba. Inyama ingenzani kimi? |
|
| Isaya 41:10-13 |
| [10] ungesabi, ngoba ngilawe, ungathalathalazi, ngoba mina nginguNkulunkulu wakho; ngizakuqinisa, yebo ngizakusiza, yebo ngizakusekela ngesandla sami sokunene sokulunga kwami.[11] Khangela bonke abakuthukuthelelayo bazayangeka badaniswe, bazakuba njengento engesilutho; lalabo abalwa lawe bazabhubha.[12] Uzabadinga, ungabatholi; labo abaphikisana lawe bazakuba njengento engesilutho, lalabo abalwa lawe bazakuba njengeze.[13] Ngoba mina Nkosi, uNkulunkulu wakho, ngibamba isandla sakho sokunene, ngisithi kuwe: Ungesabi, mina ngizakusiza. |
|
| Isaya 54:4 |
| Ungesabi, ngoba kawuyikuyangeka; ungabi lenhloni, ngoba kawuyikuyangiswa; ngoba uzakhohlwa ihlazo lobutsha bakho, ungabe usakhumbula ukuyangeka kobufelokazi bakho. |
|
| Mathewu 10:28 |
| Njalo lingabesabi ababulala umzimba, kodwa bengelamandla okubulala umphefumulo; kodwa mesabeni kakhulu olamandla okubhubhisa kokubili umphefumulo lomzimba esihogweni. |
|
| Roma 8:15 |
| Ngoba kalemukelanga umoya wobugqili ukuze libuye lesabe, kodwa lemukele umoya wokuma kwabantwana, esimemeza ngawo sisithi: Aba*, Baba ! |
|
| 1 Korinte 16:13 |
| Lindani, lime ekholweni, liziphathe njengamadoda, libe lamandla. |
|
| Heberu 13:5-6 |
| [5] Indlela yempilo kayingabi ngeyokuthanda imali, yeneliswani yizinto elilazo; ngoba yena utshilo ukuthi: Kangisoze ngakulahla, njalo kangisoze ngakutshiya.[6] Ngakho singatsho ngesibindi sithi: INkosi ingumsizi wami, njalo kangiyikwesaba umuntu azakwenza kimi. |
|
| 1 Johane 4:18 |
| Kakukho ukwesaba ethandweni, kodwa uthando olupheleleyo luyaxotsha ukwesaba, ngoba ukwesaba kulobuhlungu; lowesabayo kapheleliswanga ethandweni. |
|
| 1 Petru 3:13-14 |
| [13] Pho ngubani ongalilimaza, uba lingabalingisi bokuhle?[14] Kodwa uba lani lihlupheka ngenxa yokulunga, libusisiwe; njalo lingesabi ukwethusa kwabo lingakhathazeki; |
|
| Ndebele Bible 2002 |
| No Data |