| Kolos 1:16 |
| Bala, bãmb n naan bũmb nins fãa sẽn be yĩngr wall tẽng zugu, sẽn be yãab la sẽn ka tõe n yã, naam gɛyã, rĩm-dãmba, pãn-soaadba, la noeyã. Bãmb n naan fãa b mengã yĩnga. |
|
| Ebre 1:3 |
| Bi-ribl kãng sẽn ya a ba wã ziir yãgbo, la a ba wã yalẽ pukrã n zãad bũmba fãa ne a gomd sẽn tar pãngã. Bãmb sẽn yɩlg nebã n yiis b yel-wẽnã n sa, b zĩnda naab a Wẽnd dɩtgo, hal saasẽ. |
|
| Ebre 4:12 |
| Bala, Wẽnnaam goamã vɩɩme, la a tara tõogre, n saas sõama wa zabr sʋʋg sẽn tar noey a yiibu. A kẽedame, hal n tõe n welg vɩɩm ne Sɩɩg n bake, n welg kõb-sũgds ne sɩɩlem toay-toayã n bake. A yaa ninsaal sũur manesem la tagsg bʋ-kaooda. |
|
| Zã 1:1 |
| Hal sɩngr wẽndẽ, gomdã dag n beeme, la gomdã dag n bee ne Wẽnnaam, la gomdã yaa Wẽnnaam. |
|
| Zã 1:14 |
| B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba wã nengẽ, la b pida ne bark la sɩda. |
|
| Zã 3:16 |
| Bala, Wẽnnaam nonga dũni wã hal wʋsgo, n kõ b Bi-ribl yen tãa wã, tɩ ned ning fãa sẽn na tẽ n bãmb kõn sãam ye, la a na paam vɩɩm sẽn kõn sa. |
|
| Zã 4:24 |
| Wẽnnaam yaa Sɩɩga, la yaa tɩlɛ tɩ neb nins sẽn pʋʋsd bãmbã na pʋʋs ne b sɩɩse, la ne sɩda. |
|
| 1 ZÃ 1:5 |
| Ad koɛɛg ningã tõnd sẽn wʋm a Zezi Kirist nengẽ n togsd yãmbã: Wẽnnaam yaa vẽenem la lik baa bilf ka be bãmb pʋgẽ ye. |
|
| 1 ZÃ 4:8 |
| Ned ning sẽn ka nong a taab ka bãng Wẽnnaam ye, bala Wẽnnaam yaa nonglem. |
|
| 1 ZÃ 4:16 |
| La ne tõndo, tõnd bãnga nonglem ning Wẽnnaam sẽn tar tõnd yĩngã, la tõnd tẽe nonglem kõngo. Wẽnnaam yaa nonglem. Ned ning sẽn be nonglem pʋgẽ, a bee Wẽnnaam pʋgẽ, la Wẽnnaam bee yẽ soab pʋgẽ. |
|
| Zã 17:3 |
| La vɩɩm sẽn kõn sa wã yaa tɩ nebã na bãng yãmb sẽn ya y yen, n ya sɩd Wẽnnaamã, la b bãng a Zezi Kirist, yãmb sẽn tʋm a soabã. |
|
| Yɛl Pukr Sebre 1:1 |
| Woto yaa a Zezi Kirist vẽnegr Wẽnnaam sẽn kõ bãmb tɩ b wilg b nonglem yemsã bũmb nins sẽn tog n zĩnd wakat bilf sã n paase. La a Zezi Kirist tʋma b malɛk t'a wilg b tʋmtʋmd a Zã bõn-kãense. |
|
| Yɛl Pukr Sebre 22:13 |
| Maam la Alfa la Omega, dẽenem la yaoolem, Sɩngre la Sɛɛbo. |
|
| Rom Dãmba 5:8 |
| Wakat ning tõnd sẽn dag n ket n ya yel-wẽn maandba, Kirist kii tõnd yĩnga, la ne rẽnda, Wẽnnaam wilga b nonglem tõnd yĩnga. |
|
| Yɛl Pukr Sebre 1:17-18 |
| [17] Mam sẽn yãnd-bã, mam lʋɩɩ b taoor n ya wa kũum. Bãmb tika maam ne b nug-rɩtg n yeel yaa: Da maan rabeem ye![18] Mam yaa dẽenem la yaoolem soaba, soab ning sẽn vɩ. Mam dag n kiime, la ad-ma, mam vɩɩme, zamaan o zamaane. Mam tara kũum ne kɩɩm-kulg kʋɩlen-biisi. |
|
| 2 Timote 3:16-17 |
| [16] Wẽnnaam n kɩt tɩ b gʋls gʋls-sõamyã fãa, la b bee yõod zãmsg yĩnga, tɩ kɩt tɩ ned bãng a kongre, tɩ rems neda, tɩ wub ned tɩrlem pʋgẽ,[17] tɩ Wẽnnaam ned tõe n paam manegr la seglg tɩ maan tʋʋm-sõamy buud fãa. |
|
| Zã 10:30-33 |
| [30] Maam ne m ba, tõnd yaa yembre.[31] Zuif-rãmbã leb n wʋka kug n na n lob a Zezi.[32] A Zezi leb n goma ne bãmb n yeele: Mam wilga yãmb tʋʋm sõamy wʋsg sẽn yit m ba nengẽ tɩ y yãnde. Tʋʋm-sõng bʋg poorẽ la yãmb dat n lob maam kugã?[33] Zuif-rãmbã leoka bãmb n yeele: Ka tʋʋm-sõng yĩng la tõnd dat n lob yãmb kug ye, yaa Wẽnnaam tʋʋsg yĩnga. Sẽn paase, yãmb sẽn ya ninsaalã, yãmb geenda y meng wa Wẽnnaam. |
|
| Mossi (SB) 1998 |
| No Data |