A A A A A

God: [Trinity]


1 KORẼNT 8:6
Ne tõndo, Wẽnnaam a yen bal n be, n ya ba. Bũmb fãa yita bãmb nengẽ, tõnd yaa bãmb dẽnda. La zu-soab a yen tãa n be, a Zezi Kirist, soab ning maasem yĩng bũmb fãa sẽn be, la tõnd sẽn be.

2 KORẼNT 3:17
La b sẽn yet tɩ "Zu-soabã", rat n yeelame tɩ Sɩɩga, la Zu-soabã Sɩɩg sẽn be zĩig ninga, lohorem bee be.

2 KORẼNT 13:14
Maam a Polle, mam yaa tẽn-tʋmda, la ka tẽn-tʋmda ninsaalb wall ned sẽn yãk ye. Yaa a Zezi Kirist la ba a Wẽnnaam, soab ning sẽn vʋʋg a Zezi tɩ b yi kũum sʋkã n yãk maam.

Kolos 2:9
Bala, Wẽnnaam sẽn ya bũmb ningã fãa, Kirist me yaa a woto b yĩngã pʋgẽ.

Zã 1:14
B kɩtame tɩ gomdã rɩk yĩng n zĩnd tõnd sʋka. Tõnd gesa bãmb ziiri, Bi-ribl sẽn ka to ziir a sẽn deeg a ba wã nengẽ, la b pida ne bark la sɩda.

Zã 10:30
Maam ne m ba, tõnd yaa yembre.

Luk 1:35
La malɛkã leok-a lame yaa: Sɩɩg-sõng na n waa fo zugu, la Wẽn-kẽemdã pãngã na n luda foom ne b maasem. Yaa woto yĩng la b na n bool bi-sõng ning fo sẽn na n dogã tɩ Wẽnnaam Bi-ribla.

Matiye 1:23
Ade, pa-kuil na n dɩka pʋga, n dog bi-ribla, la b na n pʋda a yʋʋr tɩ Emanuwɛlle, sẽn dat n togs tɩ Wẽnd be ne-do.

Matiye 28:19
Bɩ y kẽng n maan neba buud fãa tɩ yɩ mam karen-biisi, n lis bãmb ne Ba, la Bi-ribla, la Sɩɩg-sõng yʋʋre,

Matiye 3:16-17
[16] A Zezi sẽn paam lisg n sa, b yii koomẽ wã. La gese, yĩngr pakame, la bãmb yãa Wẽnnaam Sɩɩg sẽn wẽnd wall t'a sigd bãmb zugu.[17] La koɛɛg zĩnda saasẽ n yeele: Ada yaa mam Bi-ribl-nongr sẽn ta mam yam zãnga.

Rom Dãmba 14:17-18
[17] Bala, Wẽnnaam soolmã, ka tɩ rɩ wall tɩ yũ ye, la yaa tɩrlem la bãane, la sũ-noogo, Sɩɩg-sõng sẽn kõta.[18] Ned ning sẽn maand Kirist tʋʋmd a woto tata Wẽnnaam yam, la nebã me wilgdame t'a sẽn maandã zemsame.

Luk 3:21-22
[21] Neba fãa sẽn paam koom lisgu, a Zezi me paama lisgu. La bãmb sẽn pʋʋsd wakate, yĩngr pakame,[22] la Sɩɩg-sõng rɩka man-wall wẽneg n sig bãmb zugu. Koɛɛg zĩnda saasẽ n yeele: Fo yaa mam bi-ribl-nongr sẽn ta mam yam zãnga.

Zã 5:7-8
[7] Bãadã leoka bãmb yaa: M kẽem sõngo, mam ka tar ned sẽn na n lob maam bãkẽ wã koomã lengr wakat ye. La mam sã n dabd be, ned n dengd maam n lʋɩ be.[8] A Zezi yeel-a lame yaa: Yik n dɩk f gãagã n kẽne.

1 PIYƐR 1:1-2
[1] Maam a Pɩyɛɛr sẽn ya a Zezi Kirist tẽn-tʋmdã n tʋmd seb-kãngã Wẽnnaam nin-tũusdsã sẽn sãeeg n be Põ la Galasi la Kapados la Azi ne Bitini soolem n lebg sãamb beene wã.[2] Yãmb yaa tõnd ba a Wẽnnaam neb b sẽn tũusi, wa sẽn zems bãmb sẽn pĩnd n bãngã, tɩ Sɩɩg-sõng welg-y toor tɩ y zĩnd pʋ-peelem n yɩ sakdb n paam t'a Zezi zɩɩmã pek yãmba. Bɩ y paam bark la laafɩ wʋsgo.

2 KORẼNT 1:21-22
[21] Yaa Wẽnnaam n kɩted tɩ tõnd ne yãmb yalsd kãenkãe Kirist tũudmã pʋgẽ, la bãmb yãka tõnd n welg tõnd toore.[22] Bãmb n ning tõnd bãnd b yʋʋrã yĩnga, la b ning Sɩɩg-sõng sẽn ya arzegs nins bãmb sẽn bĩng tõndã reng-n-lɛmbg tõnd sũyã pʋgẽ.

1 KORẼNT 12:4-6
[4] Kũunã yaa toay-toaya, la yaa Sɩɩg a yembr n kõte.[5] Tʋʋmã sẽn tʋmd to-to wã yaa toay-toaya, la yaa Zu-soab a yembr yĩng la b tʋmda.[6] Tʋʋmã yaa toay-toaya, la yaa Wẽnnaam a yembr n tʋmd fãa neba fãa pʋse.

Efɛɛz 4:4-6
[4] Yĩng a yembr bal n be, la Sɩɩg-sõng a yembr bal n be, wa b sẽn bool yãmb tɩ y paam tẽeb pidsg gũudum a yembr y boolgã yĩngã.[5] Zu-soab a yembr bala n be, la tẽeb a yembr bala, la lisg a yembr bala.[6] Wẽnnaam a yembr bal n be n ya neba fãa ba, n so bũmb fãa, la b be b fãa sʋka, la b fãa pʋse.

Kolos 1:15-17
[15] Kirist yaa Wẽnnaam, soab ning ned sẽn ka tõe n yã wã wẽnego, la bũmb nins fãa b sẽn naanã dẽenem soaba.[16] Bala, bãmb n naan bũmb nins fãa sẽn be yĩngr wall tẽng zugu, sẽn be yãab la sẽn ka tõe n yã, naam gɛyã, rĩm-dãmba, pãn-soaadba, la noeyã. Bãmb n naan fãa b mengã yĩnga.[17] Bãmb denga bũmba fãa n beẽ, la yaa bãmb pʋgẽ la bũmb fãa yalsd a zĩigẽ.

Zã 14:9-11
[9] A Zezi yeela yẽ yaa: Filip, mam sẽn be ne yãmb kaoosa wʋsgo, tɩ fo ket n nan ka bãng maam? Sẽn yã-a maam yãnda m baaba. Yɩta a wãn tɩ fo yet maam tɩ m wilg yãmb m baaba?[10] Fo ka tẽed tɩ mam bee m ba wã pʋgẽ, tɩ m ba wã be mam pʋgẽ laa? Goam nins mam sẽn gomd ne yãmbã ka yit mam meng nengẽ ye. M ba sẽn be mam pʋgẽ wã n maand b tʋʋma.[11] Mam sẽn yet tɩ mam bee m ba pʋgẽ, tɩ m ba wã be mam pʋgẽ wã, tẽ-y rẽnda, wall n tẽ maam tʋʋm kãsems kãensã yĩnga.

Filip 2:5-8
[5] Paam-y yam ning a Zezi Kirist sẽn da tarã.[6] Bãmb sẽn da tar Wẽnnaam yalẽ wã, b ka tags tɩ bãmb sẽn zem ne Wẽnnaamã,[7] yaa bũmb b sẽn tog n gãd kãenkãe ye. La a Zezi basa b naam n lebg wa yãmba, n dɩk yĩng wa ninsaalb wẽneg n wa wala ninsaala.[8] A Zezi sika b menga, halɩ n sak kũum, n ki da-pɩkã zugu.

Zã 10:30-36
[30] Maam ne m ba, tõnd yaa yembre.[31] Zuif-rãmbã leb n wʋka kug n na n lob a Zezi.[32] A Zezi leb n goma ne bãmb n yeele: Mam wilga yãmb tʋʋm sõamy wʋsg sẽn yit m ba nengẽ tɩ y yãnde. Tʋʋm-sõng bʋg poorẽ la yãmb dat n lob maam kugã?[33] Zuif-rãmbã leoka bãmb n yeele: Ka tʋʋm-sõng yĩng la tõnd dat n lob yãmb kug ye, yaa Wẽnnaam tʋʋsg yĩnga. Sẽn paase, yãmb sẽn ya ninsaalã, yãmb geenda y meng wa Wẽnnaam.[34] A Zezi leoka bãmb yaa: B ka gʋls yãmb tõogã sebr pʋgẽ tɩ: "Mam yetame tɩ yãmb yaa wẽnnaam dãmb" sɩda?[35] Sã n yaa tɩ tõogã boola Wẽnnaam sẽn gom ne neb ninsã tɩ wẽnnaam dãmba (tõnd d miime tɩ ned ka tõe n sãam Wẽnnaam gʋls-sõngã ye),[36] yãmb yeta ned ning d ba wã sẽn welg toor la b tʋm-a wã t'a tʋʋsda Wẽnnaam, mam sẽn yeel tɩ m yaa Wẽnnaam bi-riblã yĩnga.

Mossi (SB) 1998
No Data