A A A A A

Church: [Worship]


Zã ४:२१-२४
[२१] A Zezi yeel-a lame yaa: Paga, tẽ mam goamã! Wakat n wat tɩ ka tãn-kãngã zug wall Zeruzalɛm la yãmb na n pʋʋs y ba wã ye.[२२] Yãmb pʋʋsda y sẽn ka mi. Tõnd pʋʋsda d sẽn mi, bala, Wẽnnaam tũnuga Zuif-rãmbã n na n fãag nebã.[२३] La wakat watame - la yaa moasã - tɩ tõnd ba wã waoogdb sɩd-sɩdã na n waoog bãmb ne b sɩɩse la ne sɩda. Bala, yaa waoogdb a woto buud la tõnd ba wã baooda.[२४] Wẽnnaam yaa Sɩɩga, la yaa tɩlɛ tɩ neb nins sẽn pʋʋsd bãmbã na pʋʋs ne b sɩɩse, la ne sɩda.

Rom Dãmba 12:1-2
[1] Woto yĩnga, m ba-biisi, mam sagenda yãmb ne Wẽnnaam nimbãan-zoeerã tɩ y kõ y yĩnsã tɩ yɩ maan-vɩɩs sẽn welg toore, la sẽn tat Wẽnnaam yam. Yãmb sã n maan a woto, na n yɩɩ kaoreng sẽn zemse.[2] Da yɩ-y wa dũni kãngã nebã ye. Paam-y yam-wek-paalle, tɩ rẽ tek yãmba, tɩ y tõe n bãng Wẽnnaam daabo: Rẽ yaa sõama, n noomẽ la a zemsa zãnga.

Yɛl Pukr Sebre 4:8-11
[8] Bõn-vɩɩs a naasã ned kam fãa tara pɩgs a yoobe, la b pida ne nin zĩiga fãa, la b pʋgẽ me. Wĩndg la yʋngo b yetame tɩ: Sõngo, sõngo, Zu-soab a Wẽnnaam sẽn Tõeya fãa wã yaa sõngo. Bãmb da beeme la b bee moasa la b watame, n ka basdẽ ye.[9] La wakat ning bõn-vɩɩs a naasã sẽn na n waoog sẽn zao-a geerã zugu, n vɩ zamaan o zamaana, la b zẽk b yʋʋre, la b pʋʋs-b barkã,[10] kãsem-dãmbã pisi la a naasã na n wõgemda sẽn zao-a geerã zugu la b sẽn vɩ zamaan o zamaana taoore, n waoogd-ba, la b na n lobda b maanf-rãmba geerã taoor la b yetẽ:[11] Tõnd Zu-soaba la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.

Ebre 12:28-29
[28] Rẽnda n kɩt tɩ tõnd sẽn na n paam soolem sẽn ka tõe n vigsã, bɩ d yɩ neb sẽn mi b zaamẽ, n maan kaoreng sẽn noom Wẽnnaam sũuri, ne Wẽnnaam sakre la ne rabeem.[29] Bala, tõnd Wẽnnaamã yaa bugum sẽn dɩt me.

Yɛl Pukr Sebre 14:7
Yẽ, zẽka a koɛɛg n yetẽ yaa: Zoe-y Wẽnnaam dabeem la y waoog bãmba. Bala wakat taame tɩ bãmb na n kao bʋʋdo. Wõgemd-y soab ning sẽn naan-a yĩngr la tẽngã, ko-kãseng ne ko-bundsã taoore.

Mossi (SB) 1998
No Data