A A A A A

Bad Character: [Judgmental]


1 KORẼNT 4:5
Woto yĩnga, da kao-y bũmb baa fɩ bʋʋd tɩ wakatã nan ka ta ye, tɩ Zu-soabã waoong nan ka ta ye. Bãmb sã n wa, b na n puka bũmb ning sẽn solg lik pʋgẽ wã, la b na n kɩtame tɩ bũmb nins nebã sẽn dag n saag b sũyã pʋsẽ wã pugsi. Wakat kãnga, Wẽnnaam n na n pẽg ned kam fãa.

1 KORẼNT 11:31
Tõnd sã n da kaoẽ d meng bʋʋdo, Wẽnnaam dag n kõn kaoẽ tõnd bʋʋd ye.

2 KORẼNT 5:10
Bala, yaa tɩlɛ tɩ tõnd fãa yals Kirist bʋʋdã geer taoore, tɩ b keo ned kam fãa wa sẽn zems tʋʋm nins yẽ sẽn tʋm a yĩngã pʋgã. Sã n ya tʋʋm-sõama wall tʋʋm-wẽnse.

2 PIYƐR 2:4
Bala, Wẽnnaam ka bas tɩ malegs nins sẽn maan-b yel-wẽna põs ye B rig-b lame n lobe, n kẽes-b bog-zulung sẽn ya lik bida pʋgẽ, n balg-b be n gũud bʋʋdã kaoob daare.

Tʋʋm-tʋmdba vɩɩm 17:31
Tɩ bõe, Wẽnnaam yãka raare tɩ rao ning bãmb sẽn yãkã na n kao dũniyã fãa bʋʋd ne tɩrlem. La Wẽnnaam kõo neba fãa bãnde n vʋʋg rao-kãng n bas kũum n wilg tɩ yaa sɩda.

Ebre 9:27
A wa a sẽn be ned fãa zug tɩ ki vugr bala -- la kũumã poore bʋʋd n watã --,

Zã 12:48
Sẽn tõdg-a maam la a ka reegd mam goamã, a tara a bʋ-kaooda: goam nins mam sẽn goma n na n kao yẽ bʋʋd yaoolem daare.

Matiye 12:36
Mam yeta yãmb tɩ bʋʋdã kaoob daare, ninsaalbã na n leoka gom-vɩɩd nins fãa bãmb sẽn dag n gomã yelle.

Matiye 24:36
Sã n yaa ne a daarã la a wakatã, ned baa a yen ka mi ye: malegsã sẽn be arzãnã ka mi, Bi-riblã ka mi. Yaa d ba wã bal n mi.

Yɛl Pukr Sebre 21:4
Wẽnnaam na n yẽesa nintãm fãa sẽn be b ninẽ wã. Kũum kõn le zĩnd ye, la sũ-sãoong wall yãbre, wall toog kõn leb n zĩnd ye, bala, dẽenem bũmba fãa loogame.

Rom Dãmba 2:16
Daar ning Wẽnnaam sẽn na n kɩt tɩ Kirist Zezi kao nebã tʋʋm-solgdsã bʋʋd wa koe-noog ning mam sẽn moondã sẽn yetã, bõn-kãens na n pukame.

Yɛl Pukr Sebre 20:11-15
[11] Dẽ poore, mam yãa ge-kãseng sẽn ya pɛɛlga, ne ned ninga sẽn zao-a geerã zugã. La dũniyã ne saasẽ zoee bãmb taoor n looge, la zĩig ka leb n be bãmb yĩng ye.[12] La mam yãa neb nins sẽn ki wã, nin-kãsemse, nin-talse tɩ b yas geerã taoore. La b lagsa sɛba, la b laka sebr a to sẽn ya vɩɩm sebre. B bʋʋ sẽn ki-bã bʋʋdo, n zems ne bũmb nins sẽn gʋls sɛbã pʋsã, n zems ned fãa tʋʋmd sẽ yɩ a soaba.[13] Ko-kãsengã lebsa kũum nins sẽn da be be wã, tɩ kũumã ne kɩɩm-kulg lebs kũum nins sẽn da be be wã, la b bʋʋ bãmb ned kam fãa bʋʋd wa sẽn zems a tʋʋma.[14] B loba kũumã ne kɩɩm-kulg bugum mogrã pʋga. Bugum mogrã yaa kũum a yiib soaba.[15] B loba ned ning fãa b sẽn ka yã a yʋʋr tɩ gʋls vɩɩm sebrã pʋgẽ wã bugum mogrã pʋga.

Mossi (SB) 1998
No Data