A A A A A

परमेश्वर: [वित्तीय आशीर्वाद]


१ शमूएल 2:7
LALPA chuan a tirethei thin a, a tihausa bawk thin; A tilawm thin a, a chawisang bawk thin

२ कुरिन्थियों 8:9
Kan Lalpa Isua Krista khawngaihna chu, a retheihna avanga in lo hausak theihna turin hausa mah se la nangmahni avang ngeiin a lo retheih tak kha in hre si a.

३ यूहन्ना 1:2
Duh tak, i thlarau chuan malsawmna a hmuh angin, engkimah malsawmna i hmuh leh i dam theihna'n ka tawngtai thin a ni.

सभोपदेशक 9:10
I kutin tih tur a hmuh apiang chu theihtawpin ti rawh; thlan i kalna turah chuan thil tih tur emaw, remruat turte emaw, hriatna emaw, finna emaw a awm si lo a.

गलातियों 6:9
Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a.

उत्पत्ति 13:2
Tin, Abrama chu ran te, tangka te, rangkachak tein a hausa em em a.

होशे 4:6
Ka mite chu hriatna tlakchham avangin tihboral an ni a, Hriatna i hnar avangin kei pawhin ka puithiam i nihna ata ka hnar tawh ang che. I pathian dan i theihnghilh vei a, Kei pawh hian i fate ka theihnghilh ve ang.

याकूब 5:12
Nimahsela, ka unaute u, engpawh ti mah u la chhia chham suh u; van chhalin emaw, lei chhalin emaw, thil dang reng reng chhalin emaw chhia chham suh u; "Ni" in tih chu "Ni" ni se la, "Ni lo" in tih chu "Ni lo" ni rawh se; chutilochuan thiam loh changin in awm ang.

यूहन्ना 6:12
Tin, an kham hnuin, a zirtirte hnenah chuan, "Engmah bo lo turin a bang nawite char rawh u," a ti a.

लूका 6:38
pe rawh u, chutichuan pekin in awm ang, thahnemngai taka the a, beng muk a, sawi muk a, liam zawih zawihin, inmal chungah an pe ang che u. In tehna ngai bawkin an tehsak leh dawn si che u a," a ti a.

लूका 12:34
In ro awmna apiangah in rilru pawh a awm dawn si a.

नीतिवचन 10:22
LALPA malsawmna chuan a tihausa thin a, lungngaihna a belhchhah thin lo.

नीतिवचन 11:14
Inhruaina fing awm lohnaah chuan mite an tlu thin a, remruat thiam tamnaah himna a awm.

नीतिवचन 19:17
Mi rethei khawngaih chan LALPA a puktir a ni a, a thiltih that chu a rul ang.

नीतिवचन 21:17
Nawmsakna thlahlel chu mi rethei a ni ang a, uain leh hriak ngaina mi chu an hausa lo ang.

नीतिवचन 22:9
Mi thilphal chu malsawmin a awm ang, a chhang mi rethei a pek thin avangin.

नीतिवचन 28:22-27
[22] Mi fir chuan sum a um a, a chungah tlakchhamna a lo thleng dawn tih a hre hek lo.[23] Leia mi fak dertu ai chuan mi zilhtu chuan a hnua fak a hlawh tam zawk ang.[24] A nu emaw, a pa emaw rawk a, "Bawhchhiatna a ni lo e," titu chu Tiboraltu thian a ni.[25] Mi rilru duham chuan inbeina a chawk chhuak a, LALPA-a rinna nghattu erawh chu tihthauin a awm ang.[26] Mahni rilru ring maitu chu mi a a ni a, fing taka chetla mi erawh chu chhanchhuah a ni ang.[27] Mi rethei thil petu chu a tlachham lo ang a, maimitchhinsantu erawh chuan anchhia nasa tak a dawng ang.Mi suaksual an dinchanin mite an biru a, an boralin mi fel an pung thin.

भजन संहिता 24:1
Leilung leh a chhunga thil awm zawng zawng hi LALPA ta ani a; Khawvel leh a chhunga chengte nen hian.

मत्ती 6:33
A ram leh a felna chu zawng hmasa zawk rawh u, tichuan chu'ng zawng zawng chu a pek belhchhah dawn che u nia.Chutichuan, a tuka tan lungkham suh u, a tuk chuan ama tan a lungkham chawp dawn si a. Ni khat atan ni khat hrehawm chu a tawk a ni.

मत्ती 23:23
Nangni lehkhaziaktu leh Pharisai vervekte u, in chung a pik e! Pudina te, mohuri te, zira te chu sawmah pakhat in pe thin a, dan thu pawimawh zawk - felna te, khawngaihna te, rinawmna te chu - in ngaihthah si thin; nimahsela, chung chu a sin in tih tur ni, a dangte chu tih thulh chuang loin.

मत्ती 25:21
A pu chuan a hnenah, 'Bawih tha leh rinawm, i titha e; tlemte chungah i rinawm a, tam tak chungah ka awmtir ang che; i pu lawmnaah lut rawh,' a ti a.

रोमियों 13:8
Inhmangaih tawnna ngawt lo chu tuma engmah ba suh u; mahni mihringpui hmangaihtu chuan dan chu a zawh famkim tawh si a.

नीतिवचन 3:9-10
[9] I sumin LALPA chawimawi la. I thil lo pung hmasa ber zawng zawngte nen;[10] Tichuan i buh in chu a lo khat liam ang a, i sawrkhur uain tharin a luang liam ang.

भजन संहिता 121:1-2
[1] Tlang lamahte khian ka mit ka len chho ang: Khawi lama mi nge mi tanpuina tur lo thleng ang?[2] Mi tanpuina tur chu LALPA Lei leh van siamtu hnena mi a lo thleng ang.

मरकुस 11:22-23
[22] Tin, Isua'n an hnenah, "Pathian ring rawh u.[23] Tih tak meuhin ka hrilh a che u, tupawh he tlang hnenah hian, 'Lo insawn la, tuifinriatah lo inpaih rawh,' tia, a rilruaa ringhlel loa a sawi chu a lo thleng ngei ang tih ring apiangin an sawi ang apiang chu an hmu ang.

उत्पत्ति 1:26-27
[26] Tin, Pathianin, "Kan anpuiin, keimahni ang takin, mihring siam i la, anni chu tuifinriata sangha chungah te, chungleng sava chungah te, ran chungah te, lei chung zawng zawngah te, rannung leia bawkvaka kal zawng zawng chungah te thu i neihtir ang u," a ti a.[27] Tichuan Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam a ni.

२ कुरिन्थियों 9:6-8
[6] Amaherawhchu chutiang kawngah chuan theh tlem chuan a at tlem bawk ang a, theh tam chuan a at tam bawk ang.[7] Mi tinin ui chunga pe loin, pek loh theih loh anga ngaia pe hek loin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni.[8] Tin, Pathianin khawngaihna tinreng in chungah a vur thei a ni; chutichuan nangnin engkimah a tawk zet nei foin, hnathawh tha tinreng atan in ngah thei ang;

लूका 14:28-30
[28] "Nangni zingah tupawhin in sang sak tum u la, atirin thuin sak zawhna khawp sum in neih leh neih loh hre turin, a man tur chin tu nge chhut lo ang che u?[29] Chutilochuan lung phum tawh zeta, a sak zawh theih loh chuan a en apiangin,[30] 'He mi hian in a rel ting a, a sa zo thei si lo,' tiin an nuihsan dah ang e.

लूका 6:34-36
[34] \ Tin, hmuh leh beiseina hnen chauha thil in puktir hian, lawm eng nge in hlawh ang? mi sualte pawhin a ngai veka hmu leh turin mi sualte hnenah an puktir thin,[35] Amaherawhchu in hmelmate hmangaih u la, an thatna tur ti u la, puktir rawh u, beidawng hauh loin; tichuan in lawmman a tam ang a, Chungnungbera fate in ni bawk ang; ani chuan mi lawm nachang hre lote leh mi sualte a khawngaih thin.[36] In Pain mi a khawngaih angin mi khawngaih ve rawh u.

याकूब 5:1-3
[1] Mi hausate u, ngai teh u khai! In chunga hrehawm lo thleng dawn mek avang chuan tap u la, chiau vak vak rawh u.[2] In rote a chhe ta a, in puante sulrulin a ei zo ta.[3] In rangkachak leh in tangkate a tuiek zo ta a; a tuiek chu in thiam lohzia hriattirna a ni ang a, in tisa chu mei kan angin a ei ang. Ni hnuhnungah chuan ro in khawl khawm a nih hi.

उत्पत्ति 12:1-20
[1] Tin, LALPA'n Abrama hnenah chuan, "I khaw lam ata leh i laichinteho zing ata leh i pa in ata chhuak la, ram ka la entir tur che lamah kal rawh:[2] tichuan chi ropui takah ka siam ang chia, mal pawh ka sawm ang chia, i hming ka tiropui bawk ang; tin, nang malsawmna ni ang che:[3] tin, malsawmsaktu apiang che chu mal ka sawm ang a, anchhe lawhtu che chu anchhia ka lawh ang: nangmahah chuan leia hnam tin an la thawveng ang," a ti a.[4] Chutichuan Abrama chu LALPA'n a hnena a sawi angin a kal ta a; Lota chu a hnenah a kal ve a: tin, Abrama chu Haran khua ata a chhuah lai chuan kum 75 mi a ni a.[5] Tin, Abraman a nupui Saraii leh, a nau fapa Lota leh an sum deh chhuah zawng zawng leh Haran khuaa an mi neih takte chu a hruai a; Kanaan rama kal turin an chhuak a; tin, Kanaan ram chu an thleng ta a.[6] Tin, Abrama chu, chu mi ramah chuan Sekem hmun thlengin, More sasua thleng chuan a kal zel a. Chung lai chuan Kanaanhote chu chu mi ramah chuan an awm a.[7] Tin, LALPA chu Abrama hnenah a inlar a, "He ram hi i thlahte hnenah ka la pe ang," a ti a: tichuan chutah chuan a hnena inlar LALPA tan chuan maicham a siam a.[8] Tin, chuta tang chuan Bethel chhak lama tlangah chuan a insawn a, a chutah chuan a puan in a zar a, a thlang lamah chuan Bethel chu a awm a, a chhak lamah Ai khua a awm a: chutah chuan LALPA tan maicham a siam leh a, LALPA hming chu a lam a.[9] Tin, Abrama chu chhim ram lam pan cheuin a insawn ta zel a.[10] Tin, chu mi ramah chuan tam a lo tla a: tin, chu mi ramah chuan tam chu a nasat em avangin Abrama chu Aigupta rama awm rih turin a chhuk ta a.[11] Tin, heti hi a ni a, Aigupta rama an luh dawn lai chuan a nupui Saraii hnenah chuan, "Ngai teh, hmeichhe hmel tha tak i ni tih ka hria:[12] tichuan hetiang hi a ni ang, Aigupta-hoin an hmuh hunah che chuan, 'Hei hi a nupui a nih hi,' an ti ang a: tin, kei chu mi that mai ang, nang erawh chu an zuah ang che.[13] I zara tha taka ka awm theihna'n leh nangmah avanga ka nun theih nan, 'A farnu ka ni,' khawngaih takin ti zel ang che," a ti a.[14] Tin, heti hi a ni a, Abrama chu Aigupta rama a luh chuan, Aiguptaho chuan hmeichhia chu an hmu a, a hmel chu tha an ti em em a.[15] Pharaoa mi liante pawhin an hmu a. Pharaoa inah an hruai lut ta a.[16] Tin, ani chuan Saraii avangin Abrama chu tha takin a ti a: tichuan beram te, bawng te, sabengtungpa te, bawihpa te, bawihnu te, sabengtungnu te, sanghawngsei te a neih phah ta a.[17] Tin, LALPA chuan Abrama nupui Saraii avangin Pharaoa leh a chhungte chu sawisak namen lohin a sawisa ta a.[18] Tichuan Pharaoa chuan Abrama chu a ko a, "Ka chunga i thiltih hi eng tizia nge ni le? I nupui a ni tih engati nge mi hrilh loh?[19] Ka farnu a ni,' engati nge i tih? Chu mi avang chuan alawm ka nupuia ka lo neih tak hial ni: aw le, tunah en rawh i nupui hi, hruai la, kal daih rawh," a ti a.Tin, Pharaoa chuan a chungchang thuah chuan mi hnenah thu a pe a, tichuan amah an han thlah ta a, a nupui nen a neih zawng nen.[20] Tin, Pharaoa chuan a chungchang thuah chuan mi hnenah thu a pe a, tichuan amah an han thlah ta a, a nupui nen a neih zawng nen.

मत्ती 6:1-34
[1] In thil tha tihte mi hmuha tan, mihring mithmuha ti lo turin fimkhur rawh u. Chutilochuan in Pa vana mi hnenah chuan lawmman in nei lo ang.[2] Chutichuan, mi hnena thil i pekin, mi vervekte'n mi fak an hlawh theihna tura inkhawmna inahte, kawtthlerahte an tih thin ang hian, i hmaah tawtawrawt hamtir suh. Tih tak meuhin ka hrilh a che u, an lawmman chu an hmu zo tawh.[3] Nang erawh chuan mi hnena thil i pekin, i kut ding lamin a tih chu i kut vei lamin hre suh se.[4] I thil pek chu a rukin a awm theihna'n; chutichuan, i Pa a ruka hmu thintu chuan a rul ang che.[5] Tin, in tawngtaiin, mi vervekte angin in ti tur a ni lo; miin an hmuh theihna turin, inkhawmna inahte, kawtthler peng takahte, ding chunga tawngtai an ngaina si thin a. Tih tak meuhin ka hrilh a che u, an lawmman chu an hmu zo tawh.[6] Nang erawh chuan i tawngtaiin, i pindan chhungrilah lut la, i kawng khar la, i Pa a ruka awm hnenah chuan tawngtai rawh; tichuan, i Pa a ruka hmu thintu chuan a rul ang che.[7] Tin, in tawngtaiin, Jentailte angin sawi nawn mai mai suh u; an tawng tam vangin hriain an ring a ni.[8] Chutichuan, anmahni angin awm suh u; amah in dil hmain in Pa chuan engte nge in mamawh tih a hre reng si a.[9] Chutichuan, nangni chuan hetiang hian tawngtai rawh u - 'Kan Pa vana mi, i hming zahawm rawh se.[10] I ram lo thleng rawh se. I duhzawng vana an tih angin leia mi'n ti rawh se.[11] Vawiinah hian kan ei khawpin chaw min pe ang che.[12] Kan batte hi min ngaidam ang che. Keini pawhin kan thil bate kan ngaihdam tak ang khan.[13] Sual tura thlemnaah min hruai lut suh la, mi sual lakah chuan min chhandam zawk ang che,' tiin.[14] Mi an bawhchhiatte in ngaihdam chuan, in Pa vana miin a ngaidam ve ang che u.[15] Nimahsela, mite in ngaihdam si loh chuan, in Pain in bawhchhiatte a ngaidam bik lo ang.[16] Chaw in nghei hun pawhin, mi vervekte angin ngui hmel pu suh u; anni zawngin mi mithmuha chaw ngheia an lan theihna turin, an hmel an tipawr si thin a. Tih tak meuhin ka hrilh a che u, an lawmman chu an hmu zo tawh.[17] Nang erawh chuan chaw i nghei hunin sahriak inthih la, i hmai phih rawh.[18] Chutichuan i Pa a ruka awm mithmuhah chauh lo chuan, mihring mithmuhah chaw ngheiin i lang lo ang; tichuan, i Pa a ruka hmu thintu chuan a rul ang che.[19] Leia sulrul leh tuiekin a ei chhiatnaah, rukrute'n an reh pawha an ruknaah hian, in tan rote khawl khawm suh u.[20] Vanah, sulrul leh tuiekin a ei chhiat lohnaah, rukrute'n an reh pawha an ruk hek lohnaah chuan, in tan rote khawl khawm zawk rawh u.[21] I ro awmna apiangah i rilru pawh a awm ang.[22] Taksa khawnvar chu mit hi a ni; chutichuan i mit a fim chuan i taksa a pumin a eng chhuak ang.[23] I mit a chhiat erawh chuan i taksa a pumin a thim zo vek ang. Chutichuan, i chhunga eng chu thim ni se la, thim chu a va nasa dawn em![24] Tuma'n hotu pahnih rawng an bawl kawp thei lo; pakhat huain pakhat an duh ang; a nih loh leh, pakhat tannin pakhat an hmusit ang. Pathian leh sum rawng in bawl kawp thei lo e.[25] Chuvangin, ka hrilh a che u, 'Engnge ka ei ang a, eng nge ka in ang aw?' tiin in nunna thu leh, 'Engnge ka silhin ka fen ang aw?' tiin in taksa thu lungkham suh u. Ei tur aiin nunna a thupui zawk lo em ni? Silhfen aiin taksa pawh a thupui zawk lo em ni?[26] Chungleng savate hi en rawh u; buh an tuh lo a, an at hek lo, buh inah an seng lut hek lo; nimahsela in Pa vana mi chuan a chawm si a. Nangni chu anni ai chuan nasa takin in hlu zawk lo em ni?[27] Tin, nangni zingah lungkhama vangin tuin nge mahni dung lam tawng khata tisang chuang thei?[28] Tin, silhfen thu engah nge in lungkham ni? Ram tuktinpar thanzia hi ngun takin ngaihtuah rawh u; hna an thawk lo, la pawh an kai hek lo.[29] Nimahsela ka hrilh a che u, Solomona meuh pawh a ropuina zawng zawnga a inthuam khan, he'ng tuktinpar pakhat tluk pawh hian cheiin a awm lo.[30] Chutichuan, ram hnim, vawiin anga nung, a tuka thuka tuah leh mai tur mah Pathianin chuti kaua a chei chuan, aw nangni rin tlemte u, silhfen a pe zawk em em dawn lo che u em ni?[31] Chutichuan, 'Engnge kan ei ang?' emaw, 'Engnge kan in ang?' emaw, 'Eng sinin nge kan awm ang?' emaw tih, lungkham suh u.[32] Jentailte'n chu'ng zawng zawng chu an zawng thin a ni. Chu'ng zawng zawng chu in mamawh tih in Pa vana mi'n a hre reng a ni.[33] A ram leh a felna chu zawng hmasa zawk rawh u, tichuan chu'ng zawng zawng chu a pek belhchhah dawn che u nia.Chutichuan, a tuka tan lungkham suh u, a tuk chuan ama tan a lungkham chawp dawn si a. Ni khat atan ni khat hrehawm chu a tawk a ni.[34] Chutichuan, a tuka tan lungkham suh u, a tuk chuan ama tan a lungkham chawp dawn si a. Ni khat atan ni khat hrehawm chu a tawk a ni.

व्यवस्था विवरण 28:1-68
[1] Tin, heti hi a lo ni ang a, LALPA in Pathian awka chu ngun taka in ngaihthlak a, vawiina thu ka pek che u thupek zawng zawngte fimkhur taka in zawm chuan, LALPA in Pathian chuan khawvel hnam zawng zawnga chungnung berah a siam ang che u;[2] tin, LALPA in Pathian thu in pawm phawt chuan he'ng malsawmna zawng zawngte hi in chungah a lo awm ang a, a zui zel ang che u.[3] In lam leh ram lamah te chuan malsawmin in awm ang a.[4] In rila rah te, in lei rah te, in ran rual pung, in bawngpui leh in beram rual pungte chu malsawmin a awm ang.[5] In bawm leh in chhang hmehna thleng te malsawmin a awm ang a.[6] In vak chhuakte chu malsawmin in awm ang a, in lo hawngte pawh malsamin in awm ang.[7] In hmelma nangmahni beitute chu LALPA'n a tihtlawmsak ang che u a; a bei tur che uin kawng khatah an lo lut ang a, kawng sarihah an tlanchhia a.[8] LALPA'n in buh in chungah te, in kutkawih zawng zawng chungahte malsawmna chu thu a pe ang a; LALPA in Pathianin ram a pek che uah chuan mal a sawm ang che u.[9] In hnena chhia a lo chham tawh angin LALPA chuan ama tana hnam thianghlimah a tinghet ang che u, LALPA in Pathian thupekte in zawm a, a kawngte in zawh phawt chuan.[10] Tichuan khawvel hnam tinin LALPA ta in nih an hria ang a, an hlau vang che u.[11] Tin, nangmahni pek tura in pi leh pute LALPA'n a lo tiam ramah chuan in rila rahah te, in ran rualah te, in lei rahahte LALPA'n nasa takin a tipung ang che u.[12] LALPA chuan a hun taka in ram chawm tur ruah tui pe tur che u leh in kutkawih zawng zawng malsawm turin van, a ro bawm tha chu a hawnsak ang che u a; tichuan hnam tam tak in puktir ang a, nangni erawh chuan in puk lo ang.[13] Tin, LALPA'n mei ni loin luah a siam ang che u a, a hnuaihnung ni loin a chungnung zel in ni ang; LALPA in Pathian thupek awih a, tuna ka pek che u hi fimkhur taka pawm a, vawiina thu ke pek che u,[14] a thute hi a engamah ding lam emaw, vei lam emawa pathian dangte zui leh rawngbawl tura in pensan loh phawt chuan.[15] Amaherawhchu heti hi a lo la ni ang a, LALPA in Pathian awka chu ngun taka in ngaihthlak loh a, vawiina thu ka pek che u thupek zawng zawngte fimkhur taka in zawm loh chuan he'ng anchhia zawng zawngte hi in chungah a lo awm ang a, a nangching ang che u.[16] In lam leh ram lamahte chuan anchhia in dawng ang.[17] In bawm leh in chhang hmehna thlengte anchhe dawngin a awm ang.[18] In rila rah te, in lei rah te, in bawngpui leh in beram rual pungte chu anchhe dawngin an awm ang.[19] In vak chhuakte chu anchhe dawngin in awm ang a, in lo hawngte pawh anchhe dawngin in awm ang.[20] LALPA'n in chungah, in kutkawih zawng zawngahte anchhia te, buaina te, zilhhaunate a rawn tir ang a, in tlawm ang a, in boral thuai ang; in thiltihsualte avanga mi hnuchhawn avangin.[21] Luah tura in luhna ram ata chu a tiboral hma loh che u chuan LALPA'n hri a vawntir tlat ang che u.[22] LALPA'n ngawrna te, khawsik te, vunna te, sat huam huamna te, khandaih te, rona te, tawihna tein a hrem ang che u a, in boral hma loh chuan a um zel ang che u.[23] In chung lama in van chu dar a ni ang a, in hnuai lama lei chu thir a ni ang.[24] In ram ruah chu vaivut leh vaivut khuah LALPA'n a chantir ang a; in boral hma loh chu van atangin in chungah a lo tla ang.[25] LALPA'n in hmelmate lakah a titlawm ang che u a; anmahni bei turin kawng khatah in chhuak ang a, kawng sarihah in tlanchhia ang a; khawvel hnam tin, zingah kil tin, kil tangah in vak in vak ang.[26] In ruang chu chungleng sava zawng zawng leh ramsa zawng zawngte chaw a ni ang a, a hnawt botu an awm hauh lo ang.[27] Tihdam theih loh Aigupta khawihli te, ngawtna te, vunna te, uithak tein LALPA'n a hrem ang che u.[28] Atna te, mitdelna te, zamna tein LALPA'n a hrem ang che u a;[29] mitdelin thimthama a dap a dap angin chhun enah pawh in dap in dap ang a, in khawsak thu-ah chuan in hmuingil lo ang; tin, hnehchhiah atan leh rallak atan ngawt in ni chamchi ang a, chhanchhuak tur che u tumah an awm lo ang.[30] Nupui in hual ang a, mi dangin an mutpui ang; in in sa ang a, in luah lo ang: grep huan in siam ang a, a rah chu in chhawr lo ang.[31] In mithmuhah in bawngpate chu thah a ni ang a, a sa chu in ei lo ang; in sabengtungte chu an lak luihsak ang che u a, an pe leh lo ang che u; in beramte chu in hmelmate pek a ni ang; chhantu che u tumah in nei lo ang.[32] In fanu te, in fapte hnam dangte pek an ni ang a, nilengin anmahni ngaiin in thlir reng thin ang a, in thlirna lamah in mitte a chau vang a; engmah tih theih in nei si lo ang.[33] In lei rahte leh in thawhrim rahte chu in hriat loh hnamin an ei zo ang a, hnehchhiah atan leh neksawr atan ngawt in ni chamchi ang;[34] Chuti chuan chung thil chu in hmuin in at phah ang.[35] LALPA'n in khupah te, in keah te, tihdam theih loh khawihli na chi a veitir ang che u, in kephah atanga in chhip thlengin.[36] Nangmahni leh in lal chawpin in pi leh pute chena in hriat ngai loh hnam hnenah LALPA chuan a hruai ang che u a; chutah chuan pathian dang, thing leh lung rawng te in bawl ang.[37] Tichuan, LALPA'n a la hruai bona tur che u hnam zawng zawng zingah chuan mak tih leh haubur leh a chhe lama tehkhinna in lo la ni ang.[38] Lovah buh chi tam tak in fehchhuahpui ang a; tlemte chauh in seng ang, khauin a ei zo vek dawn a ni.[39] grep huan in siam ang a, in enkawl ang a, nimahsela a uain chu in in lo ang a, grep chu in lo hek lo ang, changpatin a ei zo dawn a ni.[40] In ram zawng zawngah oliv thing in ching ang a, nimahsela a hriak chu in thih lo vang, in oive rahte chu a hlamtla zo ang.[41] Fanu fapa in hring ang a, nimahsela in ta an ni lo ang, salah an la hruai dawn a ni.[42] In thei kung zawng zawng leh in lei rah chu khau chan a ni ang.[43] Ram dang mi in zinga awmte chuan an san khalh telh telh ang che u a, nangni chu in hnuai telh telh ang.[44] An puktir ang che u a, nangni chuan in puktir ve lo ang. Anni chu lu an ni ang a, nangni chu mei in ni ang.[45] he'ng anchhia zawng zawng hi in chungah alo awm ang a, a um ang che u a, a nangching ang che u, a tihboral zawht hleng che uin; a thupekte leh a dan a pek che u zawm tura LALPA in Pathian awka chu in ngaihthlak loh avangin:[46] in chungah leh in thlahte chungah kumkhuaa chhinchhiahna leh mak tih atan a la awm ang.[47] Thil engkima in lo muk pawha LALPA in Pathian chu rilru lawm tak leh hlim taka a rawng in bawl loh avangin,[48] nangmahni bei LALPA'n a la rawn tirh tur in hmelmate rawng chu riltam chung e, tuihal chung te, saruak chung te, thil engkim tlachham chung tein in bawl ang a; an tihboral hma loh che u chuan in nghawngah thir nghawngkawl an bat ang.[49] Hla tak atangin kawlkil ata nangmahni bei tur hnam, LALPA'n mupui bir angin a rawn tir ang; an tawng in hriat loh hnam:[50] upate pawh pawisa lo leh thalaite pawh duhsak chuang lo hnam kawlhsen tak chu,[51] Tin, in ran rual pung te, in lei rah te, in boral hma loh zawng an ei ang a, buh te, uain te, hriak te, in bawng pungte in beram rual no te an zuahsak lo ang che u, in boralna an thlensak thleng che uin.[52] In ram zawng zawnga in rinpui in kulh sangte a chim thlengin in kulh kawngka zawng zawngah an hual ang che u a, LALPA in Pathianin a pek che u in ram zawng zawnga in kulh kawngka zawng zawngah an hual ang che u.[53] In hmelmaten an dan chepna che u avangin an hualna che u leh an dan chepnaah che u chuan in rila rah LALPA'n a pek che u in fanute leh in fapate sa in ei ang.[54] In zinga mi nun tluang, mi tlang takte pawhin an unaupa te, an nupui duh tak te, an la awmpui an fanaute takngial pawh an hmu mawh ang a;[55] engmah an neih tawh loh avangin an fate sa an ei tur chu a tuate mah an pe lo ang; an hualna che u leh an dan chepna che u avangin.[56] In zinga hmeichhe awm no lo chhiathate an chhiathat leh an awm no avanga lei pawh rap duh lote chuan an pasal duh tak te, an fanu te, an fapa te,[57] In zinga hmeichhe awm no lo chhiathate an chhiathat leh an awm no avanga lei pawh rap duh lote chuan an pasal duh tak te, an fanu te, an fapa te,[58] LALPA IN PATHIANA tih hming ropui tak leh hlauhawm tak hi in hlauh theihna tura he lehkhabua chuang thu zawng zawng hi fimkhur taka in zawm loh chuan[59] LALPA'n nangmahni leh in thlahte chungah hri mak tak, hripui leng reng, natna hreawm tak leng reng chi a lentir ang.[60] In hlauh hle thin Aigupta ram hrite kha in chungah a lentir leh ang a, a vuan tlat ang che u.[61] He dan lehkhabua chuang lo, natna leh hri tinreng pawh in boral hma loh chu LALPA'n in chungah a lentir ang.[62] Vana arsi zat ni thinte kha tlemte chauh in lo ni tawh ang, LALPA in Pathian awka chu in zawm loh avangin.[63] Tin, heti hi a ni ang a, a tithat ur che u leh a tipung tur che ua LALPA chu a lawm ang khan, a tiohboral tur che u leh a tichhe tur che uin LALPA chu a lawm ang a, in va luah tur in luhna ram ata chu sawn bo in ni ang.[64] Tin, LALPA chuan kawlkil atanga kawlkil lehlam thlengin chi tin, zingah a tidarh ang che u a, chutah chuan thing leh lung, in pi leh pute chena in hriat ngai loh pathian dangte rawng in bawl ang.[65] Chung hnam zingah chuan hahdamna reng reng in hmu lo ang a, in ke atan chawlhna reng reng a awm lo ang a; chutah chuan LALPA'n khurhna rilru te, mit chauhna te, nguina rilrute a pe zawk ang che u;[66] in nunna chu hlauthawng reng rengin a awm ang a, chhun leh zan hlau reng rengin in awm ang a, in nunnain ngaihngam taka awm a nei lo ang,[67] zing lamah chuan, 'Tlai ni tawh se la aw!' in ti ang a, tlai lamah chuan, 'Zing ni tawh se la aw!' in ti ang; thil hlauhawm in thinlungin a hlauh tur avang leh in mita in thil hmuh tur avang chuan,In hmu leh tawh lo ang,' in h nena ka tih kawngah chuan lawngin Aigupta ramah LALPA'n a hruai leh ang che u; tin, chutah chuan in hmelmate bawihpa atan te, bawihnu atan te, in inzuar ang a, tuma'n an duh dawn lo che u a ni," tiin.[68] In hmu leh tawh lo ang,' in h nena ka tih kawngah chuan lawngin Aigupta ramah LALPA'n a hruai leh ang che u; tin, chutah chuan in hmelmate bawihpa atan te, bawihnu atan te, in inzuar ang a, tuma'n an duh dawn lo che u a ni," tiin.

Mizo Bible
Copyright: Mizo ?