A A A A A

Mysteries: [Destiny]


Nayohana 16:33
Kihoohimeriani ulha mwaha ulha wiira nkhalheke ni mpuha wo ulhutaana ni mii. Nnoowa mwaahuvihiya velhaponi, nansho mpisheke nrima! Miyaano kihokottolha ilhapo!”

Upatakulhelhiya 20:12
Yamalheke, nkakoona attu akhwilhe, olhupalhe ni ashikani, ahowemelha mmiholho ihiche yo imwene, ni ichitabu nkachaapatakulhiya. Ikitabu ikina, yaani ikitabu yo ukumi, nkayaapatakulhiya chiicho. Attu akhwilhe nkayaahukumulhiya wo ulhikaana ni mitheko chaapanga aya, thoko chilhepiye aya nhina chechiyo ichitabu chiyo.

Arumi 12:2
Nhittwarihe makhalhelho o velhaponi va, nansho munhiyeke Nlhuku olhokiheni wo urukunusha irusho chinyu. Vavawo phi nohalha inyu uchuwelha uttuna wa Nlhuku ni uchuwelha ittu yoombone inonteelhiha nrima itiminre.

Arumi 8:28-29
[28] Nihochuwelha wiira, wo chittu chonkhaye Nlhuku nopanga ni utimiriha rata vamoka ni attu anonttuna, ehanne awe wo uthanana wawe.[29] Ukhalhawaya Nlhuku ahaachuwelha yayo attu ayo toka khalhayi. Nkaathanlha wiira alhikaane ni Mwaamwanawe akhalhe o upachera munlhokoni mwa ashilhoko awe enchi.

Uefeso 2:8-9
[8] Ukhalhawaya wo nnema wa Nlhuku mwahoopolhiya wo iphiro yo upisha nrima, ihikhalhaka wo machiri inyu mwaashinene, nansho wo mahalha o isadaka ya Nlhuku.[9] Yayo mahalha ayo khawilhe wo mitheko chinyu mwaashinene, ntu hiwe echoona.

1 Napeturo 2:8-9
[8] Tho vakittu vakina Malhove Matakatifu aneera, “Nna phi nlhuku ninokwakwathuwa aya attu, Mwalha unaawulhusha attu.” Attu anokwakwathuwa ukhalhawaya khanorumelhelha nttenga, phi chiichammo cheesheriye aya toka khalhayi.[9] Nansho mwaatti phi iyari ithanlhiye, opochera ishaani e imwene, nikosho nitakatifu nithanlhiye uvara mitheko cha Nlhuku, wiira nhimiache mitheko chawe owiihanneni nkhume mwiipiphini nkookelhihani munthukoni mwawe mwo ushangiha.

1 Ukorintho 2:7-9
[7] Ninouhimiacherani irusho chivithiye cha Nlhuku chaalhakenlhe awe toka machokholhelho, ilhapo ihinaya wuupiya wo nlhatu no nthimicho wihu.[8] Khaawo aholhelhi o utawara o velhaponi va yaachuwenlhe chilha irusho chilha. Yakaachuwenlhe, khayaakhomelhelha Athithi o nthimicho vansalaabani.[9] Nansho, thoko Malhove Matakatifu chinohimia aya, “Chittu chihinapacha niitho woona Mena nnyaru wiiwa, Chittu chihinapacha ntu wuupuwelha munrimani, Chechiyo phi chiyo Nlhuku cheeshenre awe attu anonttuna.”

Makhuwa Bible 2015
Makua New Testament © The Word For The World, 2015